Patrik Hikki: 2019-cu ildə Avropa Oyunlarına ev sahibliyi etmək üçün yeddi potensial namizəd var

2019-cu ildə Avropa Oyunlarını ev sahibliyi etmək üçün yeddi potensial namizəd var.

AZƏRTAC Reuters-ə istinadla xəbər verir ki, bu barədə jurnalistlərə Avropa Olimpiya Komitəsinin (AOK) prezidenti Patrik Hikki məlumat verib.

“İlk olaraq ikinci Avropa Oyunlarına ev sahibliyi etmək üçün 5 namizəd var idi. Lakin Bakıda keçirilən Oyunların gözləniləndən çox diqqət çəkməsi və böyük marağa səbəb olması daha ilk ölkənin namizədliyini irəli sürməsinə səbəb oldu” – deyə P.Hikki vurğulayıb.

Onun sözlərinə görə, ikinci Avropa Oyunlarına ev sahibliyi edəcək ölkə barədə son qərar bir müddət sonra qəbul olunacaq.

“Bakıda keçirilən Oyunlardan çox məmnunuq. Düzdür, atletika və üzgüçülük ən güclü idmançılarla təmsil olunmasa da, digər idman növlərində iştirak edən atletlərin əksəriyyəti Olimpiya və Avropa çempionlarıdır,” – deyə AOK prezidenti əlavə edib.

AZƏRTAC

Azərbaycan.2015.- 23 iyun.- S. 8.