Pakistan Prezidenti Məmnun Hüseyn

Dövlət Bayrağı Meydanı ilə tanış olub

Pakistan Prezidenti Məmnun Hüseynin Azərbaycana rəsmi səfəri

Martın 13-də Pakistan İslam Respublikasının Prezidenti Məmnun Hüseyn Bakıda Dövlət Bayrağı Meydanı ilə tanış olub.

AZƏRTAC xəbər verir ki, Pakistan Prezidentinə dünyada ən hündür bayraq dirəklərindən birinin yerləşdiyi Dövlət Bayrağı Meydanı və onun ərazisində həyata keçirilən abadlıq, tikinti-quruculuq işləri haqqında məlumat verilib.

Dövlətimizin başçısının təşəbbüsü ilə meydanda yaradılmış Dövlət Bayrağı Muzeyi ilə tanış olan Prezident Məmnun Hüseynə burada nümayiş etdirilən eksponatlar barədə məlumat verilib.

Ali qonaq muzeyin fəxri qonaqlar kitabına ürək sözlərini yazıb.

Sonda Pakistan dövlətinin başçısına xatirə hədiyyələri təqdim edilib.

Azərbaycan.-2015.- 14 mart.- S.2.