Azərbaycan ilə Sloveniya arasında hərbi

əməkdaşlığın perspektivləri müzakirə edilib

Sloveniya Respublikasında rəsmi səfərdə olan Azərbaycan Respublikasının müdafiə naziri, general-polkovnik Zakir Həsənov bu ölkənin müdafiə naziri Yanko Veber ilə görüşüb.

Rəsmi qarşılanma mərasimində protokola uyğun olaraq müdafiə nazirləri fəxri qarovulun önündən keçiblər. Hər iki ölkənin dövlət himnləri səsləndirildikdən sonra nazirlərin təkbətək görüşü keçirilib.

Müdafiə Nazirliyinin mətbuat xidmətindən AZƏRTAC-a bildiriblər ki, nümayəndə heyətlərinin geniş tərkibdə keçirilən görüşündə iki ölkə arasında hərbi əməkdaşlığın perspektivləri müzakirə edilib.

Danışıqlar başa çatandan sonra Azərbaycanın müdafiə naziri Şərəf kitabını imzalayıb.

Sonra kütləvi informasiya vasitələrinin nümayəndələri üçün brifinq keçirilib və müdafiə nazirləri görüşün yekunları barədə məlumat veriblər.

Azərbaycan.-2015.- 14 mart.- S.3.