Azərbaycan nümayəndə heyətinin rəhbəri AŞPA-nın Konservatorlar Partiyasının sədri seçilib

Avropa Şurası Parlament Assambleyasının (AŞPA) siyasi bürosunda siyasi partiyaların fəaliyyəti xüsusi əhəmiyyət kəsb edir. AŞPA-da 5 siyasi partiya fəaliyyət göstərir və Azərbaycan nümayəndə heyətinin əksəriyyəti Avropa Konservatorlar Partiyasının üzvüdür.

Qrumun Siyasi Komitəsinin büro iclasında Avropa Konservatorlar Partiyasının sədri Kristofer Çopun səlahiyyətlərinə xitam verilib və Avropa Şurasının Avropa Konservatorlar Partiyasının sədri vəzifəsindən geri çağrılıb.

Avropa Şurasında Avropa Konservatorlar Partiyasının sədr müavini, bu qurumda Azərbaycan nümayəndə heyətinin rəhbəri Səməd Seyidov 2016-cı il yanvarın 25-dək sədr təyin edilib.

Beləliklə, Azərbaycan nümayəndə heyətinin rəhbəri Səməd Seyidov yanvarın 25-dək Avropa Şurasının ən mühüm qrumlarının –prezident komitəsində, büro iclaslarında Avropa Şurasını təmsil edəcək və 5 partiyanın sədrləri ilə birgə Avropa Şurası siyasətini formalaşdıranlardan biri olacaqdır.

Azərbaycan.- 2015.- 5 noyabr.- S. 7.