Azərbaycan Respublikasının Nazirlər Kabinetinin qərarı

№ 334 Bakı şəhəri, 20 oktyabr 2015-ci il

Azərbaycan Respublikası Nazirlər Kabinetinin 2009-cu il 16 dekabr tarixli 191 nömrəli qərarı ilə təsdiq edilmiş “Avropa Komissiyasının Azərbaycan Respublikasına Energetika Sahəsində İslahatlara Dəstək Proqramı ilə bağlı ayırdığı 13,0 mln. avro məbləğində qrant vəsaitinin Proqramın məqsədlərinə istifadəsi üzrə Tədbirlər Planı”nda dəyişikliklər edilməsi barədə

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2009-cu il 16 dekabr tarixli 191 nömrəli qərarı (Azərbaycan Respublikasının Qanunvericilik Toplusu, 2009, № 12, maddə 1066; 2013, № 12, maddə 1636) ilə təsdiq edilmiş “Avropa Komissiyasının Azərbaycan Respublikasına Energetika Sahəsində İslahatlara Dəstək Proqramı ilə bağlı ayırdığı 13,0 mln. avro məbləğində qrant vəsaitinin Proqramın məqsədlərinə istifadəsi üzrə Tədbirlər Planı”nın “4. Tədbirlər” bölməsi üzrə aşağıdakı dəyişikliklər edilsin:

1. 2-ci hissənin “Tədbirin icra müddəti (illər üzrə)” sütununda “2010-2014” rəqəmləri “2010-2016” rəqəmləri ilə əvəz edilsin.

2. 6-cı hissənin “Tədbirin icra müddəti (illər üzrə)” sütununda “2013-2015” rəqəmləri “2015-2016” rəqəmləri ilə əvəz edilsin.

Artur RASİ-ZADƏ,

Azərbaycan Respublikasının Baş naziri

Azərbaycan.- 2015.- 11 noyabr.- S. 4.