Azərbaycan Respublikasının Nazirlər Kabinetinin qərarı

№ 301 Bakı şəhəri, 15 sentyabr 2015-ci il

Azərbaycan Respublikası Nazirlər Kabinetinin 2005-ci il 31 mart tarixli 59 nömrəli qərarı ilə təsdiq edilmiş “Azərbaycan Respublikasının yerli əhəmiyyətli avtomobil yollarının siyahısı”nda dəyişikliklər edilməsi barədə

“Azərbaycan Respublikasının Ağcabədi, Ağdam, Ağdaş, Astara, Bərdə, Cəlilabad, Gədəbəy, Göyçay, Xaçmaz, İsmayıllı, Kəlbəcər, Kürdəmir, Quba, Laçın, Tərtər, Ucar və Zaqatala rayonlarının bəzi kəndlərinin adlarının dəyişdirilməsi barədə” Azərbaycan Respublikasının 2015-ci il 29 may tarixli 1300-IVQ nömrəli Qanununun tətbiqi haqqında” Azərbaycan Respublikası Prezidentinin 2015-ci il 15 iyun tarixli 1272 nömrəli Sərəncamının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2005-ci il 31 mart tarixli 59 nömrəli qərarı (Azərbaycan Respublikasının Qanunvericilik Toplusu, 2005, № 3, maddə 264; 2008, № 6, maddələr 582, 584, № 9, maddə 852; 2009, № 5, maddə 388, № 6, maddələr 495, 496, № 7, maddə 609, № 8, maddə 683; 2010, № 6, maddə 566; 2012, №3, maddə 266, № 4, maddə 395, № 6, maddə 639; 2013, № 6, maddə 729; 2015, № 4, maddə 458) ilə təsdiq edilmiş “Azərbaycan Respublikasının yerli əhəmiyyətli avtomobil yollarının siyahısı”nda aşağıdakı dəyişikliklər edilsin:

1. “Ağcabədi rayonu” bölməsinin “Yolun adı” sütununun 15-ci hissəsində “Qiyamadınlı” sözü “Yuxarı Qiyaməddinli” sözləri ilə əvəz edilsin.

2. “Astara rayonu” bölməsinin “Yolun adı” sütununun 2-ci hissəsində “Telman” sözü “Çayoba” sözü ilə əvəz edilsin.

3. “Cəlilabad rayonu” bölməsinin “Yolun adı” sütununun 1-ci hissəsində “Təzəkənd” sözü “Çəmənli” sözü ilə, 22-ci hissəsində “Kövüzbulaq” sözü “Soyuqbulaq” sözü ilə əvəz edilsin.

4. “Gədəbəy rayonu” bölməsinin “Yolun adı” sütununun 12-ci hissəsində “Yenikənd” sözü “Qızılqaya” sözü ilə, 29-cu hissəsində “Arabaçı” sözü “Çiçəkli” sözü ilə əvəz edilsin.

5. “Göyçay rayonu” bölməsinin “Yolun adı” sütununun 15-ci və 19-cu hissələrində “Cəyirli” sözü “Şıxlar” sözü ilə əvəz edilsin.

6. “İsmayıllı rayonu” bölməsinin “Yolun adı” sütununun 36-cı hissəsində “Cülyan” sözü “Yuxarı Cülyan” sözləri ilə əvəz edilsin.

7. “Kürdəmir rayonu” bölməsinin “Yolun adı” sütununun 44-cü hissəsində “Qarabucaq” sözü “Axtaçı Qarabucaq” sözləri ilə əvəz edilsin.

8. “Laçın rayonu” bölməsinin “Yolun adı” sütununun 1-ci hissəsində “Ağbulaq” sözü “Sarıbaba” sözü ilə əvəz edilsin.

9. “Tərtər rayonu” bölməsinin “Yolun adı” sütununun 10-cu hissəsində “Təzəkənd” sözü “Ağkənd” sözü ilə, 16-cı hissəsində “Qapanlı” sözü “Alışarlı” sözü ilə, 18-ci hissəsində “Sarıcalı” sözü “Yuxarlı Sarıcalı” sözləri ilə, 19-cu hissəsində “Qaradağlı” sözü “Yuxarı Qaradağlı” sözləri ilə əvəz edilsin.

10. “Ucar rayonu” bölməsinin “Yolun adı” sütununun 6-cı hissəsində “Çiyni” sözü “Yuxarı Çiyni” sözləri ilə əvəz edilsin.

11. “Zaqatala rayonu” bölməsinin “Yolun adı” sütununun 22-ci və 23-cü hissələrində “Əli Bayramlı” sözləri “Dağlı” sözü ilə, 25-ci hissəsində “Dombabinə” sözü “Üçüncü Tala” sözləri ilə əvəz edilsin.

Artur RASİ-ZADƏ,

Azərbaycan Respublikasının Baş naziri

Azərbaycan.- 2015.- 4 oktyabr.- S. 2.