Azərbaycan Respublikasının Nazirlər Kabinetinin qərarı

№ 310 Bakı şəhəri, 21 sentyabr 2015-ci il

Azərbaycan Respublikası Nazirlər Kabinetinin 2002-ci il 29 may tarixli 88 nömrəli qərarı ilə təsdiq edilmiş “Stasionar şəraitdə təhsilin təşkili Qaydaları”nda dəyişikliklər edilməsi barədə

“Azərbaycan Milli Elmlər Akademiyasının Nizamnaməsi”nin təsdiqi və “Azərbaycan Milli Elmlər Akademiyasının Nizamnaməsinin təsdiq edilməsi haqqında” Azərbaycan Respublikası Prezidentinin 2003-cü il 4 yanvar tarixli 837 nömrəli Fərmanının ləğvi barədə” Azərbaycan Respublikası Prezidentinin 2014-cü il 11 dekabr tarixli 386 nömrəli Fərmanının 2.1.2-ci yarımbəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2002-ci il 29 may tarixli 88 nömrəli qərarı (Azərbaycan Respublikasının Qanunvericilik Toplusu, 2002, № 5, maddə 325; 2013, № 6, maddə 721) ilə təsdiq edilmiş “Stasionar şəraitdə təhsilin təşkili Qaydaları”nın 4-cü hissəsində “2011-ci il 13 dekabr tarixli 203” sözləri “2013-cü il 30 avqust tarixli 240” sözləri ilə və “bölməsinin” sözü “və Gəncə bölmələri” sözləri ilə əvəz edilsin.

Artur RASİ-ZADƏ,

Azərbaycan Respublikasının Baş naziri

Azərbaycan.- 2015.- 4 oktyabr.- S. 2.