Ukraynanın analitik portalı: Erməni vandalizmi fotolarda

Ukraynanın populyar “Versii com. Fabrika analitiki” portalı öz saytında Azərbaycan Dövlət İnformasiya Agentliyinin - AZƏRTAC-ın işğal altında olan torpaqlarımızda ermənilərin törətdikləri vəhşilikləri aydın göstərən fotolarını yerləşdirib. Həmin fotolar Azərbaycanın işğal edilmiş müxtəlif ərazilərində - Dağlıq Qarabağda, Sədərək rayonunun Kərki kəndində, Zəngilan rayonunun Məmmədbəyli kəndində, Laçın və Kəlbəcər rayonlarında, Cəbrayıl rayonunun Xələfli və Qumlaq kəndlərində və s. yerlərdə çəkilib.

Kiyevli həmkarlarımızın xoş məramı və güclü ədalət hissi sayəsində analitik portalın saytında yerləşdirilən AZƏRTAC-ın fotoşəkillərində Şuşa qalasının, Şuşa məscidinin, məşhur Gövhər Ağa məscidinin, Azərbaycan qəbiristanlıqlarının, o cümlədən Yerevan yaxınlığında Ağdədə qəbiristanlığının, Ağdamdakı Çay evinin və başqa yerlərin indiki vəziyyəti əks olunub.

Ukraynalı jurnalistlər öz oxucu auditoriyasına belə bir çağırışla müraciət edirlər: “Baxın, bu, özlərini dünyada əzabkeş millət kimi təqdim edən ermənilərin vəhşiliyidir”.

Materialın tam mətni və fotolarla “Versii com. Fabrika analitiki” saytının resursunda tanış ola bilərsiniz: http://versii.com/news/357816/

Azərbaycan.- 2016.- 7 dekabr.- S.8.