Bakı Dövlət Universitetində ümummilli lider Heydər Əliyevin xatirəsi anılıb

Dekabrın 8-də Bakı Dövlət Universitetində (BDU) ulu öndər Heydər Əliyevin xatirəsini anma günü ilə bağlı tədbir keçirilib.

AZƏRTAC xəbər verir ki, tədbirdə BDU-nun rektoru, akademik Abel Məhərrəmov ümummilli lider Heydər Əliyevin Azərbaycan dövləti və xalqı qarşısında tarixi xidmətlərindən danışıb.

Milli Məclis sədrinin müavini Bahar Muradova Ulu Öndərin xalqımızın həyatında, Azərbaycan dövlətinin formalaşmasında rolundan bəhs edib.

Digər çıxış edənlər müasir müstəqil Azərbaycan dövlətinin yaranmasında, inkişafında və dünyada tanınmasında ümummilli lider Heydər Əliyevin əvəzsiz rolundan söz açıblar.

Azərbaycan.- 2016.- 10 dekabr.- S.2.