Meyvələr şahıdır, başında tac var

Görün hər budağı bəzənib necə,

Üstündə nə qədər ulduzlu gül var.

Yayın günəşindən nur içə-içə,

Hər biri payızda olacaqdır nar.

Tapmazsan, axtarsan bütün cahanı,

De, harda yetişir belə gözəl bar?

Onun şan-şöhrəti tutub hər yanı,

Meyvələr şahıdır, başında tac var.

Azı yüz əsrdir yol gəlir...onun,

İlahi bir ömür düşüb baxtına.

Minlərlə meyvələr dünyasında o,

Hələ də sahibdir şöhrət taxtına.

Seyran CAVADOV,

Azərbaycan.- 2016.- 7 iyun.- S. 8.