Azərbaycan Respublikasının Nazirlər Kabinetinin qərarı № 226

№ 226 Bakı şəhəri, 13 iyun 2016-cı il

“Təhsil haqqında dövlət sənədlərinin nümunələri və onların verilməsi Qaydaları”nın təsdiq edilməsi haqqında” Azərbaycan Respublikası Nazirlər Kabinetinin 2010-cu il 29 aprel tarixli 82 nömrəli qərarında dəyişikliklər edilməsi barədə

“Təhsil haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2015-ci il 6 oktyabr tarixli 1359-IVQD nömrəli Qanununun tətbiqi haqqında” Azərbaycan Respublikası Prezidentinin 2015-ci il 20 noyabr tarixli 683 nömrəli Fərmanının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2010-cu il 29 aprel tarixli 82 nömrəli qərarı (Azərbaycan Respublikasının Qanunvericilik Toplusu, 2010, N 4, maddə 372; 2011, N 3, maddə 235; 2013, N 5, maddə 567; 2014, N 5, maddə 571) ilə təsdiq edilmiş “Ali təhsil pilləsinin bakalavr və magistr səviyyələrində təhsil haqqında dövlət sənədlərinin nümunələri və onların verilməsi Qaydası”nda aşağıdakı dəyişikliklər edilsin:

1. 2.1-ci bəndin üçüncü abzasına “magistr” sözündən əvvəl “ali təhsil müəssisələrinin” sözləri əlavə edilsin, həmin abzasın sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda dördüncü abzas əlavə edilsin:

“- Azərbaycan Milli Elmlər Akademiyasının magistr diplomu (adi və fərqlənmə).”.

2. 2.7-ci bəndin birinci abzasında “Magistr” sözü “Ali təhsil müəssisələrinin magistr” sözləri ilə əvəz edilsin.

3. Aşağıdakı məzmunda 2.7-1-ci bənd əlavə edilsin:

“2.7-1. Magistr diplomunun təsviri:

Diplom 15x21 sm ölçüdə kitabça şəklində çap olunur və Azərbaycan Milli Elmlər Akademiyasının (bundan sonra - AMEA) magistratura səviyyəsini fərqlənmə ilə bitirməyənlər üçün göy, fərqlənmə ilə bitirənlər üçün isə qırmızı rəngli olur. Diplomun üz qabığı dermantin materialdan hazırlanır və yuxarı hissəsində relyeflə Azərbaycan Respublikasının Dövlət gerbi, aşağı hissəsində isə “MAGİSTR DİPLOMU” sözləri həkk olunur. Kitabçanın üz qabığının içərisinin sağ və sol tərəfinə Azərbaycan Respublikasının Dövlət gerbinin təsviri olan və magistr diplomunun nümunəsinə uyğun hazırlanmış qoruyucu nişanlı xüsusi kağız yapışdırılır. Diplomun sağ səhifəsinin yuxarı hissəsində qara rənglə “AZƏRBAYCAN RESPUBLİKASI” və “MAGİSTR DİPLOMU” sözləri, sol səhifəsinin yuxarı hissəsində “MAGİSTR DİPLOMU ALİ TƏHSİL HAQQINDA DÖVLƏT SƏNƏDİDİR” sözləri, diplomun seriyası və nömrəsi yazılır, sol aşağı kənarında isə möhür yeri və diplomun verilməsinə məsul olan şəxslərin imzası üçün yer saxlanılır. Daha sonra səhifələrdə mətn magistr diplomunun nümunəsində göstərilən formada yerləşdirilir (5 nömrəli əlavə).”.

4. 2.8-ci bənddə “4 nömrəli əlavə” sözləri “4 və 6 nömrəli əlavələr” sözləri ilə əvəz edilsin.

5. 2.10-cu bənddə “3 və 4 nömrəli” sözləri “3 - 6 nömrəli” sözləri ilə əvəz edilsin.

6. 3.1-ci və 3.2-ci bəndlərə ismin müvafiq hallarında “təhsil müəssisələri” sözlərindən sonra ismin müvafiq hallarında “və AMEA” sözləri əlavə edilsin.

7. 3.3-cü bənddə “və ali təhsil müəssisələrində” sözləri “ali təhsil müəssisələrində və AMEA-da” sözləri ilə əvəz edilsin.

8. 3.4-cü bəndin ikinci abzasına, 3.5-ci bəndin birinci abzasının birinci cümləsinə və 4.7-ci bəndin ikinci abzasına ismin müvafiq hallarında “təhsil müəssisələri” sözlərindən sonra ismin müvafiq hallarında “və AMEA” sözləri əlavə edilsin.

9. 3.4-cü bəndə və 3.5-ci bəndin birinci abzasının ikinci cümləsinə müvafiq olaraq “rəhbərləri” və “rəhbəri” sözlərindən sonra “və AMEA-nın prezidenti” sözləri əlavə edilsin.

10. 3.6-cı bəndin birinci abzasının dördüncü cümləsinə, 4.1-ci bəndə, 4.5-ci və 4.7-ci bəndlərin birinci abzaslarına ismin müvafiq hallarında “təhsil müəssisəsi” sözlərindən sonra ismin müvafiq hallarında “, AMEA” sözü əlavə edilsin.

11. 3.8-ci bənddə “təhsil müəssisəsinin adı onun” sözləri “təhsil müəssisəsinin, adı, AMEA onların” sözləri ilə əvəz edilsin.

12. 4.4-cü bənd aşağıdakı redaksiyada verilsin:

“4.4. Ali təhsil müəssisəsi, AMEA ləğv olunduğu halda, diplom və onun əlavəsi və ya onların dublikatları Azərbaycan Respublikası Milli Arxiv İdarəsinin arayışına əsasən, Azərbaycan Respublikası Təhsil Nazirliyinin yazılı müraciəti ilə eyni tipli ali təhsil müəssisəsi və elmi təşkilat tərəfindən verilə bilər.

4.4-1. Ali təhsil müəssisəsinin, AMEA-nın yenidən təşkili hallarında bu və ya digər səbəbdən diplomu almayan şəxslərə diplom və onun əlavəsi yenidən təşkil edilən ali təhsil müəssisəsinin, AMEA-nın hüquqi varisi olan ali təhsil müəssisəsi və elmi təşkilat tərəfindən verilir.”.

13. 4.6-cı bənd üzrə:

13.1. birinci cümlə aşağıdakı redaksiyada verilsin:

“Diplomu və onun əlavəsini itirən şəxs ərizə ilə ali təhsil müəssisəsinin rəhbərinə, AMEA olan halda isə müvafiq olaraq AMEA-nın prezidentinə müraciət etməlidir.”;

13.2. üçüncü cümləyə “təhsil müəssisəsinin adı” sözlərindən sonra “, AMEA” abreviaturası əlavə edilsin.

14. Həmin Qaydaya 5 və 6 nömrəli əlavələr əlavə edilsin (əlavə olunur).

Artur RASİ-ZADƏ,

Azərbaycan Respublikasının Baş naziri

Azərbaycan.- 2016.- 22 iyun.- S. 5.