Azərbaycan ilə Xorvatiya arasında əlaqələrin inkişafı məsələləri müzakirə edilib

Oktyabrın 25-də Azərbaycanın xarici işlər naziri Elmar Məmmədyarov ölkəmizdə rəsmi səfərdə olan Xorvatiya Prezidenti xanım Kolinda Qrabar-Kitaroviç ilə görüşüb.

AZƏRTAC xəbər verir ki, Xorvatiya dövlətinin başçısı Kolinda Qrabar-Kitaroviç Azərbaycana səfərindən, Prezident İlham Əliyev ilə keçirdiyi görüşlərdən və ölkələrimiz arasında əməkdaşlığın inkişafına dair apardığı hərtərəfli müzakirələrdən dərin məmnunluq hissi keçirdiyini bildirib.

Görüşdə Azərbaycan ilə Xorvatiya arasında ikitərəfli və çoxtərəfli əlaqələrin inkişafı, turizm, nəqliyyat, dinlərarası və mədəniyyətlərarası dialoqun təşviq edilməsi və digər sahələrdə əməkdaşlıq məsələlərinə dair fikir mübadiləsi aparılıb.

Azərbaycan.- 2016.- 26 oktyabr.- S. 3.