Köhnə ilin yeni ünvanları
Bakı
Prezident İlham Əliyev martın 18-də Bakı Olimpiya Stadionunun açılış mərasimində
iştirak edib. Stadionun ətrafında
ümumilikdə 82 min kvadratmetrlik
yaşıllıq sahəsi
salınıb. Təxminən 50 hektar ərazidə tikilən obyektin hündürlüyü 62 metrdir
və 6 mərtəbədən
ibarətdir. Stadionun
sahəsinə 4, tribunalara
isə 26 qapıdan giriş var. 68 min tamaşaçı
tutumlu stadiona Olimpiya normativlərinə
əsasən insanların
daha çox piyada və ictimai nəqliyyatla gəlməsi nəzərdə
tutulub ki, bunun üçün də ərazidə 3 min
100 yerlik avtomobil parkı inşa edilib.
Həmin
gün dövlət başçısı İlham
Əliyev Böyükşor
gölünün və
ətraf ərazilərin
ekoloji vəziyyətinin
kompleks bərpası ilə də tanış olub. Prezident İlham Əliyevə məlumat verilib ki, ilk Avropa Oyunlarına aid tədbirlərin
böyük əksəriyyəti
Böyükşor gölünün
şərq sahilində
yerləşən Bakı
Olimpiya Stadionu Kompleksində keçiriləcək.
Burada çoxsaylı qonaqların,
idmançıların və
turistlərin qəbul
edilməsi gözlənilir.
Bu baxımdan gölün və ətraf ərazilərin ekoloji vəziyyətinin kompleks bərpası və Böyükşor bulvarının yaradılması
xüsusi əhəmiyyət
kəsb edir.
* * *
Prezident
İlham Əliyev martın 30-da “Bakı Ağ şəhər” bulvarında həyata keçirilən inşaat
işlərinin gedişi
ilə tanış
olub. Bu layihə
dövlət başçısının
tapşırığı ilə əvvəllər paytaxtın “Qara şəhər” kimi tanındığı və
bir çox sənaye müəssisələrinin
yerləşdiyi ərazidə
həyata keçirilir.
2013-cü ilin mayında
Prezident İlham Əliyev tərəfindən
təməli qoyulan yeni bulvar dünyanın
ən iri müasir layihələrindən
biri olacaq. “Bakı Ağ şəhər” layihəsini
tamamlamaqla paytaxtımızın
siması daha da gözəlləşəcək.
Paytaxt sakinləri
və şəhərimizin
qonaqlarının istirahət
üçün “Ağ
şəhər” bulvarında
infrastruktur ən müasir tələblər
səviyyəsində olacaq,
müasir iaşə və xidmət obyektləri yaradılacaq. Burada dənizkənarı
piyada yolları çəkiləcək, xüsusi
yaşıllıq zonaları
yaradılacaq, sahilbərkitmə
işləri həyata
keçiriləcək.
* * *
Ölkə rəhbəri aprelin
16-da paytaxta gətirilən
yeni metro qatarlarında
yaradılan şəraitlə
tanış olub. “Bakı
Metropoliteni” QSC-nin Fransanın “Alstom” şirkəti ilə imzalanan memoranduma uyğun olaraq 5 vaqondan ibarət üç qatarın alınması nəzərdə
tutulub. Artıq
2 qatar paytaxta
gətirilib. Əvvəlki nəsil qatarlardan
fərqli olaraq, yeni qatarların dartı mühərrikləri
dəyişən cərəyanla
işləyir. Əgər əvvəlki
nəsil qatarların mühərriklərinin gücü
114 kilovat idisə, indi bu rəqəm
170 kilovat təşkil
edir. Yeni nəsil vaqonların
banı paslanmayan metaldandır və bu qatarlarda əvvəlkilərdən
fərqli olaraq vaqonlararası birbaşa keçid var. Bütün
vaqonlarda daha mükəmməl havalandırma
sistemi quraşdırılıb.
Vaqonların salonunda “hərəkətli
sətir” sistemi və təhlükəsizliyin
təmin edilməsi üçün müşahidə
kamerası qoyulub.
* * *
Dövlət başçısı aprelin
20-də Bakı Su İdman
Sarayının açılış
mərasimində iştirak
edib. Altı hektar ərazisi
olan bu idman
qurğusu yüksək
keyfiyyətlə inşa
edilib. Paytaxtın
Bayıl qəsəbəsində,
Bakı Bulvarının
yeni salınan hissəsində yerləşən
və ümumi sahəsi 72 min kvadratmetr olan Su İdman Sarayı Beynəlxalq Üzgüçülük Federasiyasının
tələblərinə tam cavab verir.
Yarışların keçiriləcəyi
əsas hovuzun uzunluğu 50, eni 25, dərinliyi isə 2,5 metr olan
hovuz su idmanının müxtəlif
növləri üzrə
yerli və beynəlxalq səviyyəli
yarışlar üçün
nəzərdə tutulub.
* * *
Prezident
İlham Əliyev aprelin 20-də Bakı İdman Sarayında əsaslı təmirdən
sonra yaradılan şəraitlə tanış olub. Bakı İdman Sarayı əsas idman zalı və texniki binadan ibarətdir. Burada ümumilikdə
32 min kvadratmetr sahədə
əsaslı təmir
işləri aparılıb.
Üçmərtəbəli binada təmir
işləri ən yüksək səviyyədə,
beynəlxalq tələblər
nəzərə alınaraq
görülüb.
Təmirdən əvvəl tamaşaçı
oturacaqlarının sayı
1100 idisə, indi bu rəqəm 1736-ya çatdırılıb. Tamaşaçı oturacağı yerlərin
sayının artırılması
üçün zalda
əlavə olaraq ikitərəfli tamaşaçı
tribunası inşa edilib. Binada həmçinin həkimlər,
mətbuat nümayəndələri
və VİP qonaqlar üçün də xüsusi otaqlar yaradılıb. Baqminton və
stolüstü tennis yarışlarının
keçirildiyi yerlərlə
bağlı beynəlxalq
federasiyaların tələbləri
nəzərə alınaraq
burada xüsusi ağıllı idarəetmə
sistemi, hava axınını horizontal istiqamətdə
bərabər şəkildə
paylanan havalandırma sistemi qurulub.
* * *
Ölkə rəhbəri aprelin
22-də Heydər Əliyev
adına İdman Sarayında əsaslı təmirdən
sonra yaradılan şəraitlə tanış
olub. Əsaslı təmir işləri
aparılarkən kompleksin
mötəbər yarışların
təşkilinə, o cümlədən
I Avropa Oyunları zamanı beynəlxalq idman federasiyalarının
tələblərinə cavab
verməsi və funksionallığının daha
da artırılması
üçün bir sıra tədbirlər görülüb. İdman Sarayının
məşq zalı ən müasir səviyyədə qurulub.
Burada həmçinin
püşkatma, dopinq yoxlama, tibb, həkimlər üçün
istirahət, beynəlxalq
federasiyaların işçi
otaqları və kafe, yarış mərkəzi, 40 nəfərlik
iclas zalı, 250 yerlik yeməkxana, mətbəx və digər köməkçi
otaqlar var. Kompleksdə
200 yerlik mətbuat mərkəzi, jurnalistlər
üçün kafe,
40 nəfərlik konfrans
otağı, könüllülər
üçün 350 nəfərlik
zal və kafe də yaradılıb.
* * *
Prezident İlham Əliyev aprelin 29-da Bakı Konqres Mərkəzinin açılış mərasimində
iştirak edib. Mərkəzin
ümumi sahəsi 6,2 hektar, tikinti
sahəsi isə 46,6
min kvadratmetrdir. Ətrafda geniş
abadlıq-quruculuq işləri
aparılıb, yaşıllıq
zolaqları salınıb.
Bina bütün zəruri infrastrukturla təmin olunub. Ümumilikdə
isə binada müxtəlif ölçülü
50-dən artıq monitor quraşdırılıb,
17 konfrans zalı yaradılıb. Onların ümumi tutumu
2500 nəfərdən çoxdur.
Konfrans zallarının tamaşaçı
tutumunu təşkilatçıların
istəyinə uyğun
olaraq 50 nəfərdən
250 nəfərədək dəyişmək
mümkündür.
Astara
Prezident İlham Əliyev aprelin 11-də Astara və Lənkəran rayonlarına səfər edib. Dövlət başçısı
Astarada ulu öndər Heydər Əliyevin abidəsini ziyarət etdikdən sonra “Astaraçay” MMC-nin çay emalı fabrikində yaradılan şəraitlə
tanış olub.
Çay fabriki Koreya Respublikası şirkətinin layihəsi əsasında inşa edilib. Ərazisi 5 hektar olan fabrikdə xaricdən gətirilən ən müasir avadanlıq quraşdırılıb. Müəssisənin məhsuldarlığı gün ərzində 12 tondur. Gələcəkdə gündəlik çay istehsalını 24 tona çatdırmaq mümkündür. Burada çəkisi 100, 200 və 400 qram olan çay bükümləri hazırlanacaq.
* * *
Dövlət başçısı Astaranın dənizkənarı park-bulvar kompleksinin yenidən qurulması ilə də tanış olub. Şəhərin mərkəzində yerləşən bu mədəniyyət və istirahət kompleksində yenidənqurma işləri ən yüksək səviyyədə görülüb, parkın ərazisi tamamilə yenidən qurulub. Park-bulvarın sahəsi 6 hektar, çimərliyin sahəsi 2 hektardır. Burada fəvvarə kompleksi, su şəlalələri, yay-qış uşaq əyləncə mərkəzləri, açıq fitnes meydançası, kafe-çay evi tikilib. İstirahət mərkəzində həmçinin uşaq əyləncə attraksionları quraşdırılıb.
* * *
Prezident həmçinin səfər zamanı Deqədi-Pərikəş avtomobil yolunun açılış tədbirində də iştirak edib. Bu yolun inşasına 4,7 milyon manat vəsait yönəldilib. Uzunluğu 21 kilometr olan bu yoldan 21 yaşayış məntəqəsinin 12 min nəfər əhalisi istifadə edir.
Lənkəran
Prezident İlham Əliyev aprelin 11-də Lənkərana səfər edərək ulu öndər Heydər Əliyevin abidəsini ziyarət edib, Lənkəran Tarix-Diyarşünaslıq Muzeyinin əsaslı yenidən qurulması ilə tanış olub. Xan evi kimi tanınan bu nadir bina Lənkəran xanı Mirəhməd xan tərəfindən həyat yoldaşı Tuğra xanımın şərəfinə 1912-1913-cü illərdə inşa edilmişdir. Bina fransız memarları tərəfindən layihələndirilib və tikinti işləri onların rəhbərliyi ilə aparılıb. Xan evinin tikintisində Şərq və Qərb memarlıq üslubundan istifadə edilib, kərpic və ağ daş materiallarına üstünlük verilib. Bu tarixi abidənin bərpası Mədəniyyət və Turizm Nazirliyi yanında Mədəni irsin qorunması, inkişafı və bərpası üzrə Dövlət Xidməti tərəfindən yüksək səviyyədə həyata keçirilib.
* * *
Dövlət başçısı həmin gün Lənkəran Mədəniyyət Mərkəzində yaradılan şəraitlə də tanış olub. Üçmərtəbəli bina ən yüksək səviyyədə, müasir üslubda təmir edilib. 550 yerlik akt zalında Lənkəranın mədəni həyatında baş verən hadisələri qeyd etmək, həmçinin respublika və rayon əhəmiyyətli müxtəlif tədbirləri keçirmək üçün hərtərəfli şərait var. Mədəniyyət mərkəzinin zəngin kitab fondu, oxu zalı və 50 yerlik konfrans zalı var. Buradakı rəqs zalı, ingilis dili, kompüter kursu və digər dərnəklər gənclərin asudə vaxtını səmərəli keçirmələri üçün mühüm əhəmiyyət kəsb edir.
* * *
Prezident Lənkəranda yeni “Gilan aqro-sitrus” təsərrüfatının fəaliyyəti ilə də tanış olub. Yeni sitrus təsərrüfatının ümumi sahəsi 45 hektardır. Hazırda 15 hektar sahədə “Gilan aqro” şirkəti tərəfindən Cənubi Koreyadan gətirilən 20 min ədəd “Hallabonq” sitrus meyvəsinin ağacları əkilib. Yeni salınmış sitrus təsərrüfatında 140 nəfərin daimi işləməsi nəzərdə tutulub.
* * *
Dövlət başçısı Lənkəranda yeni körpələr evi-uşaq bağçasının açılışında da iştirak edib. Ərazisi 0,7 hektar olan bağça 3 binadan ibarətdir. Burada uşaqların təlim-tərbiyəsi və gələcəyin sağlam vətəndaşları kimi yetişmələri üçün hərtərəfli şərait yaradılıb. Bağçada 3 yaşdan 6 yaşadək 110 uşaq 11 qrupda təlim-tərbiyə alacaq. Qruplar yaradılarkən müasir təlim-tərbiyə qaydaları əsas götürülür. Binada uşaqların istirahəti və əyləncəsi üçün geniş imkanlar var. Bağçada balacaların ilk yaşlarından intellektual, fiziki və əqli inkişafı, onların istedad və qabiliyyətlərinin üzə çıxması, sağlamlıqlarının qorunması, insanlarla ünsiyyətin qurulması diqqət mərkəzində saxlanılır.
* * *
Prezident səfər
zamanı Liman-Nərimanabad-Balıqçılar avtomobil yolunun
açılışında iştirak edib. Yolun inşası zamanı ən müasir
texnoloji üsullardan
istifadə edilib, işin
keyfiyyətlə və qısa müddətdə göstərilməsinə
xüsusi diqqət yetirilib.
10 min nəfər əhalinin
yaşadığı üç
yaşayış məntəqəsini birləşdirən avtomobil yolunun ümumi uzunluğu 18,8 kilometr, eni 6 metrdir. Üçüncü
texniki dərəcəli yolun yenidən qurulması zamanı ətrafındakı
bataqlıq qurudulub, əraziyə torpaq tökülərək 1000-dən çox həmişəyaşıl küknar əkilib.
Azərbaycan. - 2016.- 10 yanvar.- S.2.