BDU-nun doktorant və tələbələri Azərbaycan Prezidentinə minnətdarlıq edirlər

Azərbaycan Prezidenti İlham Əliyevin “Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələri və şagirdləri üçün müəyyən edilmiş təqaüdlərin artırılması haqqında” 2016-cı il 25 yanvar tarixli Sərəncamı Bakı Dövlət Universitetinin (BDU) tələbə və doktorantları tərəfindən dərin sevinc hissi ilə qarşılanıb.

BDU-dan AZƏRTAC-a bildiriblər ki, dövlətimizin başçısının müvafiq Sərəncamı ölkəmizdə təhsilin inkişafına, tələbə və doktorantlara göstərilən böyük diqqət və qayğının daha bir sübutudur. Bu gün müasir müstəqil Azərbaycan dinamik inkişaf edir. Ölkəmizdə qazanılan nailiyyətlər ümummilli lider Heydər Əliyev tərəfindən əsası qoyulan məqsədyönlü siyasətin bəhrəsidir. Ulu Öndərin siyasi xətti Prezident İlham Əliyev tərəfindən qətiyyətlə davam etdirilir. Prezident İlham Əliyevin qayğısı sayəsində Bakı Dövlət Universiteti inkişaf edib və dünya universitetləri sırasında özünəməxsus yer tutub.

Göstərilən böyük diqqət və qayğıya görə BDU-nun tələbə, magistrant və doktorantları Prezident İlham Əliyevə dərin minnətdarlıqlarını bildirir, dövlətimizin başçısının apardığı məqsədyönlü siyasəti ürəkdən dəstəkləyirlər.

AZƏRTAC

Azərbaycan. - 2016.- 28 yanvar.- S. 4.