Azərbaycan Respublikasının Nazirlər Kabinetinin qərarı

№ 7 Bakı şəhəri, 19 yanvar 2016-cı il

Azərbaycan Respublikası Nazirlər Kabinetinin 2011-ci il 6 dekabr tarixli 193 nömrəli qərarı ilə təsdiq edilmiş “Azərbaycan Respublikası Gənclər və İdman Nazirliyinin strukturuna daxil olmayan tabeliyindəki qurumların Siyahısı”nda dəyişikliklər edilməsi barədə

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikası Gənclər və İdman Nazirliyinin təklifinə əsasən Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2011-ci il 6 dekabr tarixli 193 nömrəli qərarı (Azərbaycan Respublikasının Qanunvericilik Toplusu, 2011, №12, maddə 1242; 2012, №3, maddə 260; 2013, №3, maddə 346) ilə təsdiq edilmiş “Azərbaycan Respublikası Gənclər və İdman Nazirliyinin strukturuna daxil olmayan tabeliyindəki qurumların Siyahısı”nın “II. Təsərrüfathesablı qurumlar” bölməsinin 33-cü hissəsinin sonunda nöqtə işarəsi nöqtəli vergül işarəsi ilə əvəz edilsin və həmin bölməyə aşağıdakı məzmunda 34-50-ci hissələr əlavə edilsin:

“34. “Gəncə Olimpiya İdman Kompleksi” MMC;

35. “Tovuz Olimpiya İdman Kompleksi” MMC;

36. “İmişli Olimpiya İdman Kompleksi” MMC;

37. “Qəbələ Olimpiya İdman Kompleksi” MMC;

38. “Sumqayıt Olimpiya İdman Kompleksi” MMC;

39. “Astara Olimpiya İdman Kompleksi” MMC;

40. “Cəlilabad Olimpiya İdman Kompleksi” MMC;

41. “Qobustan Olimpiya İdman Kompleksi” MMC;

42. “Xaçmaz Olimpiya İdman Kompleksi” MMC;

43. “Şirvan Olimpiya İdman Kompleksi” MMC;

44. “Qax Olimpiya İdman Kompleksi” MMC;

45. “Göygöl Olimpiya İdman Kompleksi” MMC;

46. “Goranboy Üzgüçülük Hovuzu” MMC;

47. “Daşkəsən Rayon Gənclərin Təlim və İstirahət Mərkəzi” MMC;

48. “Respublika İdman Tibb, Diaqnostika və Reabilitasiya İnstitutu” MMC;

49. “Milli Gimnastika Arenası” MMC;

50. “Su İdmanı Sarayı” MMC”.

Artur RASİ-ZADƏ,

Azərbaycan Respublikasının Baş naziri

Azərbaycan. - 2016.- 31 yanvar.- S.4.