İsmail Serageldin: “Gələcəyin liderləri ilə birlikdə işləmək qısa müddətdə öz faydasını verəcək”

“Nizami Gəncəvi Beynəlxalq Mərkəzinin Bakıda Qlobal Gənc Liderlər Forumunu təşkil etməsindən çox məmnunam. Adətən cəmiyyətdə təcrübəsi olan insanlardan, o cümlədən siyasi, ictimai xadimlərdən, sabiq dövlət və hökumət başçılarından və digər nüfuzlu şəxslərdən nə isə öyrənilir. Lakin gələcəyin liderlərini də yaddan çıxarmaq olmaz”.

Bu fikirləri AZƏRTAC-a müsahibəsində Nizami Gəncəvi Beynəlxalq Mərkəzinin həmsədri, Misirin İsgəndəriyyə Kitabxanasının sabiq direktoru İsmail Serageldin söyləyib. O deyib ki, gələcəyin liderləri çox gənc, eyni zamanda, fəal insanlardır. Onlar yeni şəbəkə yaradacaq. Bu, həm Nizami Gəncəvi Beynəlxalq Mərkəzi, həm Bakı, həm də Azərbaycan üçün dost olan yeni şəbəkə olacaq. Bir yerdə işləmək və ideyaları bölüşmək çox qısa müddətdə öz faydasını verəcək.

Azərbaycan.- 2017.-22 avqust.- S.9.