Azərbaycan-Pakistan strateji
tərəfdaşlığı inkişaf edir
Xarici işlər naziri Elmar Məmmədyarov noyabrın 30-da Azərbaycan-Pakistan-Türkiyə üçtərəfli
görüşü çərçivəsində
pakistanlı həmkarı
Xavaca Məhəmməd
Asiflə görüşüb.
Xarici İşlər Nazirliyinin
mətbuat xidmətindən
AZƏRTAC-a bildiriblər ki,
görüşdə 2017-ci ilin Azərbaycan və Pakistan arasında diplomatik əlaqələrin
qurulmasının 25 illiyi
ilə əlamətdar
olduğu vurğulanıb,
ölkələrimiz arasında
təşəkkül tapmış
ənənəvi mehriban
dostluq münasibətlərinin
və strateji tərəfdaşlığın səviyyəsindən məmnunluq
ifadə edilib. İkitərəfli əlaqələrin dərinləşdirilməsində
yüksək səviyyəli
qarşılıqlı səfərlərin
və Xarici İşlər nazirlikləri
arasında siyasi məsləhətləşmələr mexanizminin əhəmiyyəti
qeyd olunub.
Ermənistan-Azərbaycan münaqişəsi
üzrə danışıqlar
prosesinin son vəziyyəti
barədə qonağı
məlumatlandıran E.Məmmədyarov
1993-cü il aprelin 30-da BMT Təhlükəsizlik
Şurasında Pakistanın
sədrliyi ilə Ermənistan-Azərbaycan, Dağlıq
Qarabağ münaqişəsi
ilə əlaqədar
822 saylı qətnamə
qəbul edildiyini xatırladıb. O, Pakistan Hökumətinə
Ermənistan-Azərbaycan münaqişəsinə
münasibətdə tutduğu
ədalətli mövqeyə
və münaqişənin
həlli məsələsində
Azərbaycanın haqlı
mövqeyini beynəlxalq
təşkilatlarda birmənalı
şəkildə dəstəklədiyinə
görə təşəkkür
edib.
Nazirlər beynəlxalq təşkilatlar
çərçivəsində faydalı əməkdaşlığın
və qarşılıqlı
dəstəyin vacibliyini
vurğulayıblar. Azərbaycan və
Pakistan arasında iqtisadi
əməkdaşlığın inkişafı üçün
potensialın mövcudluğu
nəzərə alınaraq,
iki ölkə arasında ticarət dövriyyəsinin artırılmasının
və investisiyaların
təşviqinə yönəlmiş
birgə səylərin
gücləndirilməsinin zəruriliyi
qeyd edilib. İkitərəfli iqtisadi əlaqələrin
daha da inkişafında
Azərbaycan-Pakistan Birgə
Komissiyasının və
Azərbaycan və Pakistan
arasında ticarət sahəsində əməkdaşlıq
üzrə Birgə İşçi Qrupunun fəaliyyəti yüksək
qiymətləndirilib.
Həmçinin “Şimal-Cənub” nəqliyyat
dəhlizinin maraqlı
və yeni imkanlar vəd etdiyi bildirilib və bu xüsusda
iki ölkənin nəqliyyat sahəsi üzrə mütəxəssislərinin
görüşünün mümkünlüyü müzakirə
edilib. Tərəflər Azərbaycan və
Pakistan arasında hava
uçuşlarının bərpası
məsələsinin vacibliyinə
də toxunublar.
Elmar Məmmədyarov
Azərbaycanın EXPO-2025 sərgisinə
ev sahibliyi
etmək üçün
Bakı şəhərinin
namizədliyini irəli
sürdüyü barədə
həmkarına məlumat
verib. Həmçinin nazirlər ilk iclası
keçirilən Azərbaycan-Pakistan-Türkiyə üçtərəfli
görüşünün ümumi maraq doğuran məsələlərin
müzakirəsi və
qarşılıqlı faydalı
layihələrin işlənib
hazırlanması baxımından
əhəmiyyətli platforma
olacağına ümidvar
olduqlarını bildiriblər.
İkitərəfli formatda dövlətlər
arasında parlamentlər
səviyyəsində mövcud
pozitiv əməkdaşlıq
ruhunun üçtərəfli
səviyyədə də
davam etdiriləcəyi
və bunun dostluq əlaqələrinin
daha da dərinləşməsinə
xidmət edəcəyi
vurğulanıb.
Söhbət zamanı
“Asiyanın Qəlbi” - İstanbul Prosesinin və Proses
çərçivəsində VII Nazirlər
Konfransının əhəmiyyəti qeyd
olunub.
Azərbaycan.-
2017.-1 dekabr.- S.7.