Voleybolda gərgin mübarizə davam
edir
IV
İslam Həmrəyliyi Oyunlarında iştirak edən
kişi voleybolçulardan ibarət komandalar arasında
mübarizə davam edir. Mayın 12-də “B” qrupunda
çıxış edən komandalar ilk oyunlarını
keçirdilər.
“B”
qrupunun ilk görüşündə Qətər millisi
Əlcəzair yığmasını sınağa çəkdi.
İlk dəqiqələrdən oyunun gərgin mübarizə
şəraitində keçəcəyi gözlənilirdi. Elə
gərgin mübarizənin nəticəsi idi ki, birinci set 35-37
hesabı ilə başa çatdı. Minimal
üstünlüklə əlcəzairlilər qələbə
qazandılar. İkinci setdə daha yaxşı təsir
bağışlayan qətərlilər böyük fərqlə
qalib gələrək hesabı bərabərləşdirdilər
(25:14). Üçüncü setdə isə əlcəzairlilər
daha yaxşı oyun nümayş etdirərək böyük
fərqlə qalib oldular (25:17). Əlcəzair
voleybolçuları qələbə seriyasını dördüncü
setdə də inamla davam etdirərək görüşdən
qalib ayrıldılar (25:21).
Qrupun digər
oyununda İran və Səudiyyə Ərəbistanı
komandaları qarşılaşdılar. Bu görüşdə
isə iranlılar oyunun əvvəlindən daha yaxşı təsir
bağışlayırdılar. Nəticədə hər
üç setdə qalib olan İran voleybolçuları ilk
görüşdən qalib ayrıldılar (25:18, 25:23, 25:18)
Xatırladaq
ki, kişi voleybulçular arasında mübarizəyə
mayın 11-dən “Crystal Hall”da start verilib. Həmin gün “A”
qrupunda iki görüş keçirilib. Qrupun ilk
görüşü Türkiyə və Türkmənistan
komandaları arasında keçirilib. Daha yaxşı oyun
nümayiş etdirən türkiyəlilər dalbadal 3 setdə
qələbə qazanaraq türkmənləri məğlub
ediblər (25:16, 25:11, 27:25).
Qrupun
ikinci görüşündə isə Azərbaycan və
Pakistan milli komandaları meydana çıxıblar. Əzmkar
oyun nümayiş etdirən komandamız görüş
başlayan kimi təşəbbüsü ələ alıb və
ardıcıl üç seti qazanaraq oyunu qələbə ilə
başa vurub (25:22, 25:18, 25:21). Hazırda “A” qrupunda Azərbaycan
yığmasından cüzi üstünlüklə Türkiyə
millisi liderlik edir.
Ümumiyyətlə,
iki turun nəticələri göstərdi ki,
qarşıdakı günlərdə kişilərdən ibarət
voleybol komandaları arasında gərgin mübarizə davam edəcək.
“B” qrupunda növbəti oyunlar sabah Mərakeş və Əlcəzair,
həmçinin İran və Qətər komandaları
arasında keçiriləcək. “A” qrupunun növbəti
oyunları isə bu gün baş tutacaq. Türkmənistan Fələstinlə,
meydan sahibi Azərbaycan yığması isə Türkiyə
millisi ilə qarşılaşacaqlar.
Rəşad
CƏFƏRLİ,