Aprelin 12-də Azərbaycan
Respublikasının Prezidenti
yanında Bilik Fondunun Astara Bilik Evinin açılışı
olub. Rayonun Gənclər
Evində fəaliyyət
göstərəcək Bilik
Evinin açılış
mərasimində Bilik
Fondunun icraçı
direktoru Oktay Səmədov, rayon icra hakimiyyəti başçısının
müavini Yasəmən
Rəsulova, rayon gənclər
və idman idarəsinin rəisi Ərçə Əliyev,
icra hakimiyyətinin, fondun əməkdaşları,
yerli ictimaiyyət nümayəndələri, bölgə
ziyalıları iştirak
ediblər.
Tədbirdə çıxış edən icra hakimiyyəti başçısının
müavini Yasəmən
Rəsulova qeyd edib ki,
bu günə qədər Astara sakinlərinin iştirakı
ilə fondun həyata keçirdiyi layihələr Bilik Evinin fəaliyyəti ilə daha da
şaxələnəcək, intensivliyi və effektivliyi artacaq.
Astara Gənclər və İdman İdarəsinin rəisi Ərçə Əliyev astaralıların
oxumağa, öyrənməyə
böyük üstünlük
verdiklərini diqqətə
çatdıraraq, fondun
layihələrinə rayon ziyalılarının
dəstək verməyə
hazır olduğunu vurğulayıb.
Bilik Fondunun icraçı direktoru O.Səmədov növbəti
Bilik Evinin Astarada açılmasına
şərait yaratdıqları
üçün rayon rəhbərliyinə
təşəkkürünü bildirib. Paytaxtda “Bakı-2017” IV İslam Həmrəyliyi Oyunlarının
möhtəşəm açılış
mərasimi ilə Astara Bilik Evinin
fəaliyyətə başladığı
günün eyni tarixə təsadüf etdiyini vurğulayan icraçı direktor multikultural rəngarəngliyi
ilə fərqlənən
bölgədə bütün
əhalini bilik ətrafında həmrəyliyə
səsləyib. O.Səmədov bildirib ki, Astara
Bilik Evi fəaliyyətini əhalinin
təklifləri üzərində
quracaq və layihələrində bölgənin
xüsusiyyətləri və
yerli əhalinin maraqlarını nəzərə
alacaq.
Proqrama uyğun
olaraq Astara Heydər Əliyev Mərkəzində Bilik Fondu ilə Mərkəz arasında əməkdaşlığa dair
Niyyət Protokolu imzalanıb.
Sənədə əsasən, dövlətin
daxili və xarici siyasətinin, ölkədə aparılan
quruculuq işlərinin
mahiyyətinin yerli ictimaiyyətə çatdırılması,
ümummilli lider Heydər Əliyev irsinin tədqiqi və təbliği, banisi olduğu azərbaycançılıq məfkurəsi
zəminində milli-mənəvi
və dini dəyərlərin təbliği,
gənclər arasında
elmi biliklərə marağın artırılması,
onların vətənpərvərlik
və tolerantlıq ruhunda tərbiyə olunması istiqamətində
birgə fəaliyyətin
təşkili və həyata keçirilməsi
nəzərdə tutulur.
Mərkəzdə qonaqları ümummilli
liderin həyat yolunu və fəaliyyətini əks etdirən muzeylə tanış edən direktor Kübra Səmədova Bilik Fondu ilə
əməkdaşlıqdan məmnun
olduğunu bildirərək,
birgə tədbirlərin
bölgə əhalisinin
maarifləndirilməsinə böyük töhfə verəcəyini deyib.
Fondun icraçı
direktoru O.Səmədov
rayon əhalisini, o cümlədən
ətraf bölgə sakinlərini protokolda əksini tapan istiqamətlər üzrə
daha intensiv əməkdaşlığa dəvət
edib. İcraçı direktor
IV İslam Həmrəyliyi
Oyunları Təşkilat
Komitəsinin sədri,
Birinci vitse-prezident Mehriban Əliyevanın rəhbərliyi ilə açılışı olan
“Bakı-2017” IV İslam Həmrəyliyi
Oyunlarının yüksək
səviyyədə təşkilinə
diqqət çəkərək,
bu yarışların
nəinki İslam dünyasının bütövləşməsinə,
o cümlədən insanların
bəşəriyyət naminə
bir araya gəlməsinə böyük
təkan olacağını
vurğulayıb.
Astara Rayon İcra
Hakimiyyəti başçısının
müavini Yasəmən
Rəsulova rayon rəhbərliyi
adından Bilik Fondu ilə Heydər Əliyev Mərkəzinin birgə fəaliyyətlərinə uğurlar
diləyib, layihələrə
dəstək verməyə
hazır olduqlarını
söyləyib.
Astara Pedaqoji Kollecinin direktoru Ağababa İbrahimov rəhbərlik etdiyi təhsil ocağının
kollektivinin Bilik Evinin layihələrində
yaxından iştirak edəcəyini bildirib.
Rayonda Bilik Fondunun dəstəyi ilə fəaliyyət göstərən
“Ədəbi yaradıcılıq”
kursunun rəhbəri Mehman Qaraxanoğlu gənclərin ictimai-siyasi,
sosial-iqtisadi və elmi-mədəni sahələrdə
maarifləndirilməsində fondun layihələrini yüksək qiymətləndirib.
Artıq Bilik fondunun Qax, Oğuz, İsmayıllı, Tərtər,
Şəmkir, Nardaran və Astarada Bilik evləri fəaliyyət göstərir.
Azərbaycan.- 2017.- 13 may.- S.
8.