“Made in Azerbaijan” Belarusda nüfuzlu brendə çevrilir
Minskdə Azərbaycan
Ticarət Evi açılıb
Belarus Respublikasının
Prezidenti Aleksandr Lukaşenkonun ötən ilin noyabrında Azərbaycana rəsmi səfəri zamanı Azərbaycan Respublikasının
Prezidenti cənab İlham Əliyevlə müzakirə olunan bir sıra məsələlərlə
yanaşı, qısa
müddət ərzində
hər iki ölkə arasında əmtəə dövriyyəsinin
artırılması, Azərbaycanın
idxalında Belarus məhsullarının
payının çoxaldılması,
Belarusda Azərbaycan Ticarət Evinin yaradılması, bu ölkədə istehsal edilməyən kənd təsərrüfatı və
emal sənayesi məhsullarının Azərbaycandan
idxal olunması barədə tapşırıqlar
verilib.
Verilmiş tapşırıqların
icrası olaraq, Azərbaycan Respublikasının
İqtisadiyyat Nazirliyi
tərəfindən Belarus Respublikasının
paytaxtı Minsk şəhərində
ümumi sahəsi 529
m2 olan Azərbaycan Ticarət Evinin təşkili işləri
başa çatdırılıb.
Ticarət Evinin idarə
edilməsi məqsədilə
“Azərbaycan Ticarət
Evi” MMC yaradılaraq
Belarus Respublikasında dövlət
qeydiyyatına alınıb.
Belarus Respublikasında
Azərbaycan Ticarət
Evinin rəsmi açılışı çərçivəsində
Azərbaycan nümayəndə
heyətinin Belarus Nazirlər
Şurası sədrinin
müavini Vladimir Semaşko
ilə görüşü
olub.
İqtisadiyyat naziri Şahin Mustafayev Azərbaycan ilə Belarus arasında əməkdaşlığın uğurla inkişaf etdiyini, ölkələrimiz
arasında əlaqələrin
qarşılıqlı dostluq
və tərəfdaşlıq
prinsipləri üzərində
qurulduğunu vurğulayıb,
əməkdaşlığın genişləndirilməsində dövlət başçılarının
rəsmi səfərlərinin,
keçirilən görüşlərin
xüsusi rolunu diqqətə çatdırıb.
Görüşdə Azərbaycanda
həyata keçirilən
iqtisadi islahatlar, biznes və investisiya mühitinin daha da yaxşılaşdırılması
sahəsində görülən
işlər, xarici şirkətlərin, o cümlədən
Belarus iş adamlarının
ölkəmizdə səmərəli
fəaliyyəti üçün
yaradılmış əlverişli
şərait barədə
məlumat verilib.
Qeyd edilib ki, ölkələrimiz
arasında 30-dan çoxu
iqtisadi sahəyə
aid olmaqla, ümumilikdə
100-dən artıq sənəd
imzalanıb. Azərbaycanda Belarus kapitallı 30, Belarusda isə Azərbaycan sərmayəli
60 şirkət fəaliyyət
göstərir. Bildirilib ki,
Bakıda Belarus istehsalı
olan ərzaq məhsullarının satıldığı
dörd mağaza fəaliyyət göstərir,
həmçinin Gəncə
Avtomobil Zavodu kənd təsərrüfatı
texnikasının istehsalı
sahəsində Belarus müəssisələri
ilə sıx əməkdaşlıq edir.
Bununla belə, İKT, turizm, ticarət əlaqələrinin
genişləndirilməsi, əczaçılıq
və kənd təsərrüfatı sahələrində
birgə müəssisələrin
təşkili, Belarus şirkətlərinin
Azərbaycanda yaradılmış
sənaye zonalarında
və aqroparklarda iştirakı, maşınqayırma
sahəsində əməkdaşlıq
üçün geniş
imkanlar mövcuddur.
Belarusda Azərbaycan Ticarət Evinin açılmasının
ticarət-iqtisadi əlaqələrin
genişləndirilməsində əhəmiyyəti diqqətə
çatdırılıb.
Belarus Nazirlər
Şurası Sədrinin
müavini Vladimir Semaşko
Azərbaycan ilə iqtisadi əməkdaşlığın
inkişafı üçün
böyük potensialın
olduğunu, Belarus və
Azərbaycan prezidentlərinin
tapşırıqlarına uyğun olaraq hazırda istehsal sahəsində əməkdaşlığın
miqyasının genişləndirilməsi
üzrə tədbirlərin
həyata keçirildiyini,
qarşılıqlı investisiya
layihələrinin sayının
artdığını vurğulayıb,
Azərbaycan Ticarət
Evinin əməkdaşlığın
inkişafında rolunu
qeyd edib.
Görüşdə Azərbaycan-Belarus
ticarət-iqtisadi əlaqələrinin
daha da genişləndirilməsi,
ixracın, o cümlədən
tütün ixracının
artırılması, Belarusa
ixrac olunan spirtli içkilər üçün lisenziya tələbində güzəşt
edilməsi, Azərbaycan
investisiyalı logistika
mərkəzinin ərazisində
gömrük məntəqəsinin
yaradılması və
s. məsələlər müzakirə
olunub.
Sonra hər iki ölkənin dövlət və hökumət nümayəndələrinin,
o cümlədən Azərbaycan-Belarus
Parlamentlərarası əlaqələr
üzrə işçi
qrupunun üzvlərinin,
həmçinin iş
adamlarının iştirakı
ilə Azərbaycan Ticarət Evinin açılışı olub.
Azərbaycan Ticarət
Evi “Made in Azerbaijan” brendinin
Belarus bazarında daha
çox tanıdılması,
Azərbaycan məhsullarının
ixracının təşviqi
və genişləndirilməsi
sahəsində fəaliyyət
göstərəcək, Belarusda
satışını təşkil
edəcək, bu sahədə əlaqələndirməni
həyata keçirəcək.
Artıq
Azərbaycan Ticarət
Evi tərəfindən
bu işlərə başlanılıb. Ticarət Evində
daimi fəaliyyət göstərən sərgidə
25-dən çox Azərbaycan
şirkətinin istehsal
etdiyi müxtəlif növ məhsullar (şərab və konyak, meyvə şirələri, kompotlar,
mineral sular, tərəvəz,
mürəbbələr, turşular,
konservlər, bitki yağları, çay, xalça, tekstil, ipək və kosmetika malları və s.) nümayiş olunur.
Tədbirdə dövlət başçılarının
ölkələrimiz arasında
siyasi-iqtisadi əlaqələrin
genişlənməsinə böyük önəm verdiyi vurğulanıb, Azərbaycan-Belarus əlaqələrinin
qarşılıqlı dostluq
və tərəfdaşlıq
prinsipləri üzərində
qurulduğu, əməkdaşlığın
uğurla inkişaf etdiyi diqqətə çatdırılıb. Dövlət başçılarının, rəsmi nümayəndə
heyətlərinin və
biznes dairələrinin
qarşılıqlı səfərləri,
eləcə də birgə investisiya layihələrinin uğurlu
icrası bunları deməyə əsas yaradır. Belə layihələrdən biri də Belarusda
Azərbaycan Ticarət
Evinin yaradılmasıdır.
Nazir Ş. Mustafayev Minskin gözəl guşələrindən birində
Azərbaycan Ticarət
Evinin açılmasının
iqtisadi əlaqələrin,
investisiya əməkdaşlığının
genişləndirilməsinə, ticarətin şaxələndirilməsinə
töhfə verəcəyini
vurğulayıb, göstərilən
dəstəyə görə
Belarus hökumətinə minnətdarlıq
edib.
Belarusun xarici İşlər naziri Vladimir Makey Azərbaycan nümayəndə
heyətinin Belarusa səfərindən məmnunluğunu
bildirib, belə səfərlərin ölkələrimiz
arasında əməkdaşlığın
inkişafında, iqtisadi-ticarət
əlaqələrinin genişləndirilməsində
əhəmiyyətini qeyd
edib. Belarusun Azərbaycanla əməkdaşlığa
xüsusi önəm verdiyini, qarşılıqlı
əlaqələrin bundan
sonra da genişlənəcəyinə əminliyini qeyd edən Vladimir Makey potensial əməkdaşlıq
imkanlarına dair fikirlərini bölüşüb.
Belarus xarici işlər
naziri Azərbaycan Ticarət Evinin fəaliyyətə başlamasının
iki ölkə arasında ticarət-iqtisadi
əməkdaşlığın genişləndirilməsi baxımından
mühüm addım olduğunu bildirib.
Azərbaycanın Belarus Respublikasındakı səfiri
Lətif Qəndilov vurğulayıb ki, Azərbaycan artıq “Made
in Azerbaijan” brendi ilə
dünya bazarlarına
çıxır. Belarusda açılan
Azərbaycan Ticarət
Evi buna bir misaldır. Səfir bildirib ki, Azərbaycan
məhsulları Belarusda
yaxşı tanınır.
Azərbaycan Ticarət Evinin
açılması Azərbaycan
məhsullarının heç
bir vasitəçi olmadan Belarusa birbaşa ixracı üçün gözəl
imkan yaradır.
Azərbaycan Respublikası Milli Məclisinin İqtisadi siyasət, sənaye və sahibkarlıq komitəsinin sədri Ziyad Səmədzadə çıxış edərək
bildirib ki, Belarus və Azərbaycan hər bir sahədə
böyük uğurlar
qazanıb. Azərbaycan Ticarət Evi
iki ölkə arasında iqtisadi əlaqələri daha da genişləndirəcək
və Azərbaycandan Belarusa mal ixracını artıracaq, ixracın strukturunun şaxələndirilməsinə
əlavə stimul verəcək.
Tədbirdə “Azərbaycan
Ticarət Evi” MMC ilə Belarus Respublikasının
İstehlak Cəmiyyətləri
İttifaqı (“Belkoopsoyuz”),
“Harvist Milk” MMC və
“Praym Rezerv” MMC, həmçinin Azərbaycan
Sahibkarlar (İşəgötürənlər)
Təşkilatları Milli
Konfederasiyası ilə
Belarus Respublikasının Sənaye
Müəssisələrinin Respublika Assosiasiyası (“BelAPP”) arasında əməkdaşlıq haqqında
anlaşma memorandumları
imzalanıb.
Açılış mərasimində Azərbaycan
incəsənət ustalarının
ifasında muğam və milli musiqimiz
səsləndirilib.
Sonra tədbir iştirakçıları Azərbaycan
Ticarət Evi və burada daimi fəaliyyət göstərən Azərbaycan
məhsullarının sərgisi
ilə tanış
olublar. Azərbaycan nümayəndə heyəti Belarusa səfər çərçivəsində
həmçinin, Azərbaycan
investisiyalı Logistika
Mərkəzində olub.
AZƏRTAC
Azərbaycan.-
2017.-28 may.- S.5.