İqtisadi müstəqilliyin
yaratdığı reallıq
İlham Əliyevin yeni inkişaf
strategiyasının nailiyyətləri beynəlxalq reytinq agentliklərinin hesabatlarında da yüksək qiymətləndirilir
Həyatın sürətlə inkişaf etdiyi, beynəlxalq münasibətlərin dəyişdiyi, qloballaşan dünyada yeni məsələlərin, çağırışların ortaya çıxdığı bir zamanda Azərbaycanda həyata keçirilən siyasi və iqtisadi islahatlar ölkəmizə hər keçən gün uğur gətirir.
Məhz bu siyasətin nəticəsidir ki, bu gün Azərbaycan, sözün tam mənasında, müstəqil, özünü təmin edən, milli köklərə əsaslanan, eyni zamanda, dünya birliyinin etibarlı və layiqli üzvü olan dövlətdir.
Azərbaycan son 15 ildə dünyanın heç bir dövlətinə müyəssər olmayan sürətli inkişaf yolu keçib. 2003-cü ildən bu yana valyuta ehtiyatlarının 24 dəfə artaraq 44,3 milyard dollara yüksəlməsi, iqtisadiyyatına 250 milyon dollar investisiyanın yatırılması bunu təsdiq edən ən vacib faktlardır. Bütün bunlar beynəlxalq reytinq təşkilatlarının hesabatlarında da öz əksini tapır.
MDB üzrə əməkhaqqının səviyyəsinə
görə ilk beşlikdə
Bu günlərdə Rusiyanın Milli Araşdırma Universitetinin Sosial Siyasət Tədqiqatları İnstitutu MDB ölkələri arasında əməkhaqqı reytinqini açıqlayıb. Reytinqin nəticələrinə əsasən, 2017-ci ildə əməkhaqqı səviyyəsi Tacikistanda 137 dollar, Qırğızıstanda 216,3 dollar olub. Bu, MDB və keçmiş sovet ölkələri arasında orta aylıq əməkhaqqı səviyyəsinə görə ən aşağı göstəricidir.
Əməkhaqqının
ən yüksək olduğu ölkə
Rusiyadır. Burada orta aylıq əməkhaqqı 670,9
dollar təşkil edir.
İkinci yerdə
459,1 dollarla Qazaxıstan,
üçüncüdə 421,9 dollarla Belarus, 4-cüdə 308,4 dollarla Moldova, 5-ci yerdə
306,7 dollarla Azərbaycan,
6-cı yerdə isə
272,9 dollar əməkhaqqı ilə Ukrayna qərarlaşıb.
İqtisadiyyatımızda 2021-ci ilə qədər 3 faiz artım proqnozu
“Standard & Poor's” reytinq agentliyinin hesabatında isə qeyd edilir ki,
Azərbaycan iqtisadiyyatı
2018-ci ildən 2021-ci ilə
qədər olan dövr ərzində orta hesabla 3 faiz artacaq.
Reytinq agentliyi Azərbaycanın uzunmüddətli və qısamüddətli suveren
kredit reytinqini yerli və xarici
valyutalarda “VV+/V” səviyyəsində
təsdiq edib. Reytinqlər üzrə
proqnoz müsbət qeyd edilib. Agentlik həmçinin hesabatında qeyd edib ki, Azərbaycan
qazının Türkiyə
və Avropaya tədarükünü nəzərdə
tutan “Şahdəniz” qaz kondensat yatağının
hazırlanmasının ikinci
mərhələsi iyulun
əvvəlində tamamlanıb
ki, bu da
öncədən planlaşdırılmış
qrafikə uyğun olub.
Hesabatda qeyd edilir ki,
növbəti 4 ildə
qaz ixracının tədricən artması gözlənilir. Çünki layihə tam miqyası
ilə işə düşəcək və
bu, daha geniş iqtisadi fəallığı özündə
ehtiva edəcək.
Sosial-siyasi sabitlik davam edəcək
“Fitch Ratings” Beynəlxalq
Reytinq Agentliyi isə Azərbaycandakı
sosial və siyasi sabitliklə bağlı maraqlı proqnoz açıqlayıb. Proqnoza əsasən
Azərbaycanda mövcud
olan geniş sosial və siyasi sabitlik davam edəcək.
Bu beynəlxalq
reytinq agentliyi xarici valyutada emitentin defoltunun uzunmüddətli reytinqini
sabit proqnozlu “BB+” səviyyəsində təsdiq
edib. Agentlik proqnozlaşdırır
ki, Azərbaycan iqtisadiyyatı bu il 2 faiz
artacaq. Agentliyin rəyinə görə
bu, neftin yüksək qiymətləri,
qaz hasilatı, eləcə də kənd təsərrüfatı
və turizmin inkişafı hesabına olacaq.
Karbohidrogen ehtiyatlarının
ixracatı artacaq
Agentlik analitiklərinin
məlumatına görə,
Azərbaycanda makroiqtisadi
sabitlik inflyasiyanın
3,2 faizə düşməsi fonunda yüksəlir. Bunun səbəblərindən biri kimi, agentlik
manatın sabit məzənnəsini qeyd edib.
Həmçinin bank sektorunda dollarlaşma səviyyəsinin azaldığı
qeyd edilir. Depozitlər
üzrə dollarlaşmanın
səviyyəsi 67 faizdən
63 faizə, kreditlər
üzrə isə dollarlaşmanın səviyyəsi
41 faizdən 39 faizə
düşüb.
Daha sonra hesabatda qeyd edilir ki, neftin
yüksək qiymətləri,
“Cənub qaz dəhlizi” layihəsinin reallaşması və “Şahdəniz” qaz-kondensat
yatağının hazırlanmasının
ikinci mərhələsi
çərçivəsində hasil edilən karbohidrogen ehtiyatlarının
ixracatının artmasına
təkan verəcək.
Daxili balansın profisitinin artımı Dövlət
Neft Fondunun aktivlərinin və beynəlxalq rezervlərin həcmini bərpa etməyə kömək edəcək.
“Fitch Ratings” proqnozlarına
görə 2018-ci ildə
“Brent Crude” neftinin 1 barelinin
qiyməti 70 dollar, 2019-cu ildə
65 dollar, 2020-ci ildə isə
57,5 dollar olacaq.
Avropa və Asiya regionu üzrə
ən islahatçı
3 ölkədən biri
Özünü dünyaya müasir, güclü dövlət kimi təqdim edən Azərbaycan sosial-iqtisadi inkişaf tempinə və aparılan iqtisadi islahatlara görə dünyada öncül yerlərdədir.
Ötən il dünyanın aparıcı beynəlxalq təşkilatları, qurumları və tanınmış siyasətçilər, iqtisadçılar Azərbaycanın reallaşdırdığı hərtərəfli islahatları inkişaf etməkdə olan ölkələr üçün nümunə kimi göstərdilər. Beynəlxalq reytinq mərkəzləri və nüfuzlu kütləvi informasiya vasitələri ölkəmizin müxtəlif sahələrdəki uğurlarını yüksək qiymətləndirdilər.
Məsələn, Dünya Bankı tərəfindən hazırlanan “Doing Business- 2017” hesabatında Azərbaycan 65-ci pillədə qərarlaşmışdı. Hesabata əsasən, Azərbaycan dünyada 3 və daha çox islahat aparan 29 ölkədən biri idi. Ötən il isə “Doing Business 2018” hesabatında Azərbaycan 8 pillə irəliləyərək 190 ölkə arasında 65-ci pillədən 57-ci yerə yüksəldi.
Prezident İlham Əliyevin rəhbərliyi ilə aparılan davamlı iqtisadi islahatların məntiqi nəticəsi olaraq Azərbaycan 8 pillə irəliləməklə yanaşı, Avropa və Mərkəzi Asiya regionu üzrə ən islahatçı 3 ölkədən biri kimi müəyyənləşdi.
Əlbəttə ki, bütün bunlar dövlət başçısının yeni iqtisadi inkişaf strategiyasının məntiqi nəticəsidir və əminliklə söyləyə bilərik ki, bu, Azərbaycanın uğurlu gələcəyinin təminatçısıdır.
Rəşad BAXŞƏLİYEV
Azərbaycan.-
2018.-31 iyul.- S.1-2.