Türkiyənin Baş naziri: “TANAP Balkan ölkələrinin və Avropanın enerji təhlükəsizliyini təmin edəcək”

Trans-Anadolu təbii qaz boru kəmərinin (TANAP) Bolqarıstan üzərindən Avropanın digər ölkələrinə davam etməsi prinsipial olaraq qəbul etdiyimiz qərarın nəticəsidir.

AZƏRTAC xəbər verir ki, bu sözləri Türkiyənin Baş naziri Binəli Yıldırım deyib. Baş nazir bildirib ki, bu kəmər vasitəsilə illik 10 milyard kubmetr Azərbaycan qazı Avropa bazarına nəql olunacaq. TANAP böyük bir coğrafiyada sosial rifahı artıracaq, Balkan ölkələrinin və Avropanın enerji təhlükəsizliyini təmin edəcək.

Qeyd edək ki, TANAP Türkiyənin 20 vilayət, 67 rayon və 600 kəndindən keçməklə TAP boru kəmərinə birləşəcək.

Azərbaycan.- 2018.- 13 iyun.- S.3.