Şirvan Apelyasiya Məhkəməsi hakimlərinin təyin edilməsi haqqında

Azərbaycan Respublikası Milli Məclisinin Qərarı

Azərbaycan Respublikası Konstitusiyasının 95-ci maddəsinin I hissəsinin 10-cu bəndinə, 132-ci maddəsinin II hissəsinə, "Məhkəmələr və hakimlər haqqında” Azərbaycan Respublikası Qanununun 94-cü maddəsinin ikinci hissəsinə, 96-cı maddəsinin birinci hissəsinə və 97-ci maddəsinin ikinci hissəsinə uyğun olaraq, Azərbaycan Respublikası Prezidentinin təqdimatına əsasən Azərbaycan Respublikasının Milli Məclisi qərara alır:

1. Aşağıdakı hakimlər vəzifələri dəyişdirilərək Şirvan Apelyasiya Məhkəməsinin hakimləri təyin edilsinlər.

Elşad İbiş oğlu Əliyev - Lənkəran Ağır Cinayətlər Məhkəməsinin hakimi

Fuad Kamil oğlu Soltanov - Lənkəran Rayon Məhkəməsinin hakimi

2. Aşağıdakı hakimlər səlahiyyət müddəti uzadılaraq Şirvan Apelyasiya Məhkəməsinin hakimləri təyin edilsinlər:

Fehruz Novruz oğlu Abbasov,

Müşfiq Kamil oğlu Həsənov,

Tale Suliddin oğlu Kərimov.

3. Bu qərar imzalandığı gündən qüvvəyə minir.

Oqtay ƏSƏDOV,

Azərbaycan Respublikası Milli Məclisinin Sədri

Bakı şəhəri, 2 noyabr 2018-ci il

Azərbaycan.- 2018.-3 noyabr.- S.3.