Elmar Məmmədyarov: “Avropa
İttifaqı ilə yeni sazişə dair danışıqlarımızı
yekunlaşdırmağa çox
yaxınıq”
Bu iclası ikitərəfli və regional gündəliyimizin maraqlı kəşisməsi zamanında təşkil etdik. Münasibətlərimizdə elə bir sıxlıq var ki, mən bunu çox müsbət və siyasi nöqteyi-nəzərdən yaradıcı hesab edirəm. Bu, digərləri ilə olan münasibətlərimizdən çox fərqlidir. Belə ki, bu, Avropa İttifaqı üçün də regionda digərləri ilə münasibətlərindən müsbət mənada fərqli olmalıdır. Biz siyasi gündəliyimizi dəstəkləməliyik. Biz imkanlarımızı maksimum səviyyəyə çatdırmağa ehtiyac duyuruq.
AZƏRTAC xəbər verir ki, bu fikirləri xarici işlər naziri Elmar Məmmədyarov Azərbaycan-Avropa İttifaqı Əməkdaşlıq Şurasının 16-cı iclasında bildirib.
Nazir deyib: "İlk növbədə, bizim yeni ikitərəfli sazişimizlə (layihə) necə və haraya gedəcəyimizi müzakirə etməyə ehtiyacımız var. İnanıram ki, danışıqlarımızı yekunlaşdırmağa çox yaxınıq. Bu yaxınlarda biz danışıqları onun bütün üç hissəsi üzrə sinxronlaşdırmağa müvəffəq olmuşuq. Belə ki, artıq 90 faizi razılaşdırıldığına görə bu gün bizim olduqca yaxşı imkanımız var. Son vaxtlar biz bir sıra dəyirmi masalar və videokonfranslar keçirmişik və eyni zamanda, qarşıdan gələn günlərdə bunu davam etdirməyə çalışırıq. Mən danışıqları tezliklə yekunlaşdırmaq istiqamətində birgə imkanlarımızın mövcudluğu ilə bağlı müsbət fikirdəyəm. Lakin əlbəttə ki, Azərbaycan üçün ən vacibi mahiyyət məsələsidir.
Biz, həmçinin dialoqumuzun strateji əhəmiyyət kəsb edən məsələlərini də əhatə edəcəyik. Bunlar enerji və nəqliyyat ilə bağlı məsələlərdir. Bildiyiniz kimi, Azərbaycan regionda və kənarda bir sıra əlaqələndirmə layihələrinin təşəbbüskarı kimi çıxış edir. Bütün bunların məqsədi ticarət kanallarının şəbəkəsini yaratmaq və regionda siyasi və iqtisadi sabitliyi, rifahı təmin etməkdir. Faktiki olaraq, biz nəqliyyat sahəsində Aİ ilə ayrıca dialoqa başlamışıq. Həmçinin biz vahid aviasiya üzrə sazişlə bağlı danışıqlar aparırıq. Hökumət və sənaye sahəsindən olan tərəfdaşlarımızla birlikdə biz enerji üzrə tamamilə yeni bir mənbədən - Azərbaycandan Aİ bazarına, onun sənayesinə və insanlarına daha çox təbii qazın çatdırılmasını mümkün edəcək Cənub Qaz Dəhlizinin tikintisini yekunlaşdırırıq. Azərbaycan bunu mümkün etdi. Aİ bazarını Azərbaycandan daha çox qaz alması üçün daha cəlbedici etmək istəyirsə, tərəfdaşlarımız daha çox səy göstərməlidir.
Yalnız imkanlarımız deyil, həm də çətinliklərimiz var. Buna görə də bu yaxınlarda Təhlükəsizlik Dialoqunu da başlatmışıq. Biz təhlükəsizlik, terrorizmə və ekstremizmə qarşı mübarizə və digər bir çox məsələlərdə oxşar təsəvvürlə tərəfdaşlığımızı necə siyasi cəhətdən dəstəkləyə biləcəyimizi görmək istəyirik. Qeyri-qanuni miqrasiya ilə birlikdə bu məsələlər hamımız üçün ciddi narahatlıq doğura bilər. Burada xüsusilə nəzərə çatdırmaq istərdim ki, beynəlxalq hüquq prinsiplərinin davam edən pozuntusunun nəticələrinin aradan qaldırılması istiqamətində müvəffəqiyyətsizlik, habelə münaqişənin həlli kontekstində bu prinsiplərin yanlış təfsir olunması və selektiv tətbiqi qaydalara əsaslanan Avropa düzənini pozur. Hesab edirəm ki, əgər Avropa İttifaqı qonşuluq siyasətini inkişaf etdirirsə və regionda digər ölkələrə gəldikdə buna siyasi və maliyyə baxımından bu qədər çox sərmayə qoyursa onda əlbəttə ki, qaydalara əsaslanan bir yanaşma olmalıdır.
Bundan əlavə, Avropa İttifaqı-Azərbaycan Tərəfdaşlıq
Prioritetləri üzrə nəyin bizə kollektiv
olaraq vacib olduğunu və tərəfdaşlığımızın
nəyi hədəfləməli olduğunu
göstərən bu qısa, lakin hərtərəfli sənədimiz var. Bu, prioritetlərdən
bəhs edir. İndi bir intizam yaratmaq
və onu həyata keçirmək
lazımdır. Orada, deyə bilərəm
ki, Azərbaycanın uzaqgörən
yanaşması var. Biz
bunun necə həyata keçirilməsi
ilə bağlı ilkin təsəvvürümüzü
Aİ ilə bölüşmüşük.
Tezliklə mətnimizi sizinlə bölüşəcəyik
və bu yaydan əvvəl
praktiki cəhətdən implementasiyaya
başlayacağımıza ümid edirik. Fərqləndirmə, çeviklik, diqqət mərkəzində saxlama və daha çox mülkiyyətçilik prinsiplərinin
həyata keçirilməsi üçün
hər bir ölkənin konkret
məqsədləri və iqtisadi
potensialına uyğun və prioritetlərə
əsaslanan əməkdaşlıq daha səmərəli
olardı. Belə bir yanaşma
uzunmüddətli münasibətlərimizə müsbət
təsir edər və həqiqi fərqləndirmə ruhuna uyğun olardı”.
Azərbaycan.-
2019.-5 aprel.- S.2.