Dövlət nə lazımdırsa, edir!
Bəs vətəndaş?
Bizim siyasətimiz birmənalıdır, bizim iradəmiz qətidir. Biz hər zaman olduğu kimi, Azərbaycan xalqının problemlərini həll edirik və həll edəcəyik. İndiki vəziyyətdə, koronavirus dövründə Azərbaycan dövlətinin addımları bir daha onu göstərir ki, bizim üçün Azərbaycan xalqının sağlamlığı, təhlükəsizliyi, rifahı hər şeydən üstündür və buna nail olmaq üçün biz istənilən addıma gedəcəyik. Heç kimin bu məsələ ilə bağlı şübhəsi olmasın.
İlham ƏLİYEV
Heç kəsin gözləmədiyi və indiyədək görmədiyimiz hadisə baş verdi!
Qəflətən insanları kütləvi surətdə yoluxduran, hətta bəzən həyatdan məhrum edən qəribə virus peyda oldu!
Çinin Uhan şəhərində meydana gələn, 31 dekabr 2019-cu ildə Çin hökuməti tərəfindən Ümumdünya Səhiyyə Təşkilatına barəsində məlumat verilən koronavirus adlı bu bəlaya 11 fevral 2020-ci ildə COVID-19 adı verildi.
Adının nə olmasının elə də bir əhəmiyyəti olmayan bu xəstəlik çox qısa zamanda dünyanı cənginə alaraq pandemiyaya çevrildi!
Buna qədər insanların kütləvi şəkildə ölümünə səbəb olan vəba, taun, xolera, nə bilim "İspan qripi”, "quş qripi”, "donuz qripi” və s. barədə eşitmiş, bədii əsərlərdə oxumuş, filmlərdə baxmışdıq.
Amma həyatda rast gələcəyimizə, dünyanı silkələyən - iqtisadiyyatı tormozlayan, nefti ucuzlaşdıran, sərhədləri bağlayan, adamları evdə oturmağa məcbur edən, kütləvi tədbirləri təhlükə mənbəyinə çevirən belə bir qorxu ilə real həyatda rastlaşacağımızı heç zaman güman etməzdik!
Sanki yuxu görürük!
Amma bu yuxu deyil, gerçəklikdir!
Həm də onunla hesablaşmağa məcbur edən gerçəklik!
Nə yaxşı ki, Azərbaycan dövləti özünü itirmədi!
Nə yaxşı ki, Prezident İlham Əliyev həmişəki kimi hadisələri qabaqlamağı, vədəsində ən düzgün qərar qəbul etməyi, ölkənin bütün resurslarını səfərbərliyə alaraq əlaqədar qurumları ayağa qaldırmağı bacardı!
Zamanında ən düzgün, gərəkli, uzaqgörən addımlar ataraq qərarlar qəbul etdi!
Yanvarın 24-də Nazirlər Kabineti yanında sutkanın 24 saatı ərzində fəaliyyət göstərən Operativ Qərargah yaratdı!
İlham Əliyevin bu müdrikliyi və uzaqgörənliyi koronavirusun Azərbaycanda böyük fəsadlar törətməsinin qarşısına ciddi sədd çəkdi!
Amma bütün bunlar hələ son deyil!
Təəssüf ki, yalnız başlanğıcdır!
Bu gün qoca Avropanı çıxılmaz duruma salan koronavirus sabah dünya
üçün daha hansı problemlər yaradacaq - dəqiq demək çətindir!
Bilinən odur ki, mübarizə hələ təzə başlayır!
Hələ bu bəlanın cilovlanması çox zaman aparacaqdır.
Hələ onun çarəsinin, dərmanının
tapılmasına çox
aylar sərf olunacaqdır!
Bütün insanlar,
bütün dövlətlər,
dünya ona qarşı mübarizədə
birləşməsə, koronavirusdan
asanlıqla yaxa qurtarmaq mümkün olmayacaq!
Gözlənilməyən təhlükə
Bəli, indiyədək
eşidib, görmədiyimiz
real təhlükə artıq
yanımızda, gündəlik
həyatımızdadır!
Qısa müddətdə
mənfur virus yaşayış
tərzimizi dəyişərək
mətbuatın gündəminə
çevrildi, qurduğumuz,
sabaha ünvanlanan çoxsaylı planlarımızı
alt-üst etdi!
Qorxub geri çəkilsək, yersiz
təşvişə və
panikaya düşəcək,
yaxud səhlənkarlıq
etsək, koronavirus adlı qəddar düşmənə məğlub
olarıq, yaxınlarımızı,
doğmalarımızı, dostlarımızı itirə
bilərik...
Hamımız bu qəfil bəlaya qarşı mübarizənin
önündə gedən
Prezidentimizin ətrafında,
dövlətimizin yanında
olmalıyıq!
Çünki Prezidentimiz
də, dövlətimiz
də ilk günlərdən
bizim yanımızdadır!
Vəziyyətdən necə
çıxmağın ən
düzgün yolunu göstərərək real köməklər
edirlər!
Dövlət başçısı
İlham Əliyevin rəhbərliyi ilə görün Azərbaycan dövləti qısa zamanda nə qədər iş görüb, zəruri, təsirli addımlar atıb!
EDİLƏNLƏRİ
QISA ŞƏKİLDƏ XATIRLADAQ:
* Dövlət başçısı ilk gündən
xalqla açıq danışdı, məsələnin
ciddiliyini, öldürücü
virusun cilovlanmayacağı
təqdirdə necə
böyük fəlakətə
səbəb ola
biləcəyini xatırlatdı;
* Xalqı, bütün dövlət strukturlarını və qurumları səfərbər
etdi, insanları təlaşa, ajiotaja düşməkdən çəkindirdi,
ardıcıllıqla görüləsi
işləri müəyyənləşdirdi;
* Ümumdünya
Səhiyyə Təşkilatı
ilə əlaqə quruldu, onun nümayəndələri
ölkəyə dəvət
edildi, tövsiyələri,
məsləhətləri nəzərə
alındı;
* Sərhədlər
bağlandı, təyyarə
reysləri təxirə
salındı, sərhəd
bölgəsində FHN-nin
səyyar hospitalı yaradılaraq ölkəyə
gələnlərin karantinə
alınması təmin
edildi;
* Xarici səfərlər ləğv
olundu, elektron viza verilişi dayandırıldı;
* Səhiyyə xidmətinin təşkili,
lazımi laboratoriya, dərman və testlərin, aparat və avadanlıqların alınıb gətirilməsi
üçün dövlət
büdcəsindən əvvəlcə
10 mln, sonra 20 mln manat vəsait
ayrıldı;
* Hazırda 10 xəstəxana xüsusi rejimlə işləyir, dörd ən müasir laboratoriya gətirilərək fəaliyyətə
başlayıb;
* Məktəblər,
uşaq bağçaları
bağlanıb, idman yarışları, kütləvi
tədbirlər dayandırılıb,
insanların cəm olduğu digər mərasimlərin (toy və
yas) keçirilməsi
barədə tövsiyə
verilərək zəruri
qadağalar qoyulub;
* 14 mart 2020-ci ildə
Nazirlər Kabinetinin Operativ Qərargahı tərəfindən qəbul
edilən həmin qaydaların hamı tərəfindən sözsüz
yerinə yetirilməsini
təmin etmək üçün Milli Məclisdə müvafiq qanunlara zəruri dəyişikliklər edildi;
* Televiziya kanalları, çap və elektron media səfərbərliyə alınaraq
insanların maarifləndirilməsinə,
panika və ajiotajın qarşısının
alınmasına, qəbul
edilən qərarların
və tövsiyələrin
icrasının təbliğinə
yönləndirildi;
* İş yerlərində xüsusi rejimin tətbiqinə, dezinfeksiya işlərinə,
virusa yoluxanların vaxtında aşkara çıxarılması üçün
zəruri addımların
atılmasına start verildi;
* Yaşlı insanların qorunması üçün xüsusi
tədbirlər müəyyənləşdirildi;
* Xaricdə qalan vətəndaşların
və təhsil alan azərbaycanlı
tələbələrin vətənə
qaytarılması üçün
çarter reysləri
təşkil olundu, yoluxma zonalarından gələnlərin karantində
saxlanılması üçün
xəstəxanalar müəyyənləşdirildi,
zəruri vəsaitlərlə
təchiz edildi;
* Karantində olanlara və xəstələrə qulluq
edən həkim və tibb işçilərinin
əməkhaqları 3-5 dəfə
artırıldı;
* Bakıya, Sumqayıt şəhərinə
və Abşerona bölgələrdən insan
axınının qarşısını
almaq üçün
məhdudiyyət tətbiq
edildi;
* Epidemiya ilə bağlı insanların, sahibkarların
ziyan çəkməmələri
üçün dövlət
bir sıra maliyyə məsələlərini
öz üzərinə
götürdü;
* Bu məqsədlə
cənab İlham Əliyev dövlət büdcəsindən 1 milyard
manat vəsait ayırdı.
Dövlətin gördüyü
tədbirlər situasiyadan
asılı olaraq ardıcıllıqla davam
edir, hər gün bu sahədə
neçə-neçə yeniliklərin
şahidi oluruq!
Bəli, dövlət daim öz vətəndaşının
yanındadır, onu qorumaq, təhlükəni
sovuşdurmaq üçün
Ümumdünya Səhiyyə
Təşkilatı ilə
əlbir və əlaqəli çalışır.
Daha nə etmək lazımdır?
Qısa şəkildə
sadaladığımız bu
xatırlatmalar da göstərir ki, dövlətimiz üzərinə
düşən bütün
vəzifələri yüksək
şəkildə icra
edir!
Lakin uğur üçün hələ
bu azdır!
Vətəndaş da dövlətinin yanında
olmalı, onun etdiklərini qiymətləndirməli,
dediyinə əməl
etməlidir!
Yalnız belə
olanda görülən
tədbirlər səmərə
verər!
Təəssüf ki, hələ də bəzi insanlarda bir arxayınçılıq,
laqeydlik müşahidə
olunur!
Sanki koronavirusun dünyanın başına
açdığı oyunlardan,
indiyədək Çində,
İtaliyada, İranda
və İspaniyada yoluxanlardan və ölənlərdən xəbərsizdirlər!
Vaxtilə Mirzə
Cəlilin, Sabirin, Üzeyir bəyin tənqid etdiyi "müsəlman ətaləti”
xəstəliyi yada düşür:
Çox ciddi bir xəstəliyə
"boş şeydir”,
"əşi, heç
nə olmaz”, "havayı yerə səs-küy salıblar” psixologiyası ilə yanaşanlar da var!
Bəzən sosial şəbəkələrdə məsələyə panika
yaratmaq, sensasiya doğurmaq prizmasından yanaşılan yazıların
getdiyinin şahidi oluruq!
Əziz vətəndaşlar!
Bacılar və qardaşlar, atalar və analar!
Unutmayaq ki, biz koronavirusa yoluxmaqla bizimlə birgə yaşayan və gündəlik həyatda təmasa girən doğmalarımızı - ata,
ana, bacı, qardaş, həyat yoldaşı və doğma övladları da bu xəstəliyə
düçar etmiş
oluruq!
İş yoldaşlarımızın,
onların ailələrinin
də xəstələnmələrinin
səbəbkarına çevrilirik,
hətta çalışdığımız
yerdə istehsal prosesinin dayanmasına bais ola
bilərik!
Bunlar kimisə
qorxutmaq üçün
deyilən sözlər
yox, əsl reallıqdır!
Əgər sən dövlətin gördüyü
işlərə dəstək
verməsən, onun dediklərinə əməl
etməsən, atılan
addımlar heç bir fayda verməz!
Hər şeydən
öncə, canımızda
və qanımızda
vətəndaş məsuliyyəti
olmalıdır!
Koronavirus yanımızdadır,
indiyədək görmədiyimiz,
hələ çarəsi
tapılmamış xəstəlikdir!
Onunla zarafat etmək, ona qarşı saymazlıq fəlakətlə nəticələnə
bilər!
İlk növbədə,
hər birimiz özümüzü yoluxmadan
qorumalıyıq!
Evdə oturmalı,
əlləri tez-tez sabunla yumalı, spirtlə dezinfeksiya etməli, bir yerə toplaşmamalı,
xəstəliyin əlamətlərini
hiss edən kimi həkimə müraciət
etməliyik!
Bununla bağlı
Nazirlər Kabinetinin elan etdiyi qaydaları
diqqətlə öyrənməli,
yadda saxlamalı və yerinə yetirməliyik!
Həm də unutmayaq! Həmin qaydaları pozanlar qanunla ciddi cəzalandırılırlar!
Bu, xalqın sağlamlığı ilə
bağlı məsələdir,
əslində həm də milli məsələdir!
Bir daha təkrar edirik: dövlət nə lazımdırsa, onu vaxtında və lazımi qaydada edir!
Hətta zərurət
yaranarsa, fövqəladə
vəziyyət də tətbiq edəcəkdir!
Ancaq biz vətəndaşlar
məsələyə şüurlu
şəkildə, yüksək
məsuliyyətlə yanaşmalıyıq!
Bu gün birliyimizə və mütəşəkkilliyimizə, dövlətimizin yanında
olaraq onun dediklərinə və qoyduğu qaydalara düzgün və məsuliyyətlə əməl
etməyimizə ciddi ehtiyac var!
Bəxtiyar SADIQOV
Azərbaycan.-
2020.- 8 aprel.- S. 1- 2.