AZƏRBAYCANIN BAŞ
ZİYARƏTGAHI
Müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin vəfatından 17 il keçir.
AZƏRTAC
xəbər verir ki, dekabrın 12-də Azərbaycan
Respublikasının Prezidenti İlham Əliyev və birinci
xanım Mehriban Əliyeva Fəxri xiyabana gələrək
xalqımızın ümummilli lideri Heydər Əliyevin məzarını
ziyarət ediblər.
Prezident
İlham Əliyev Ulu Öndərin məzarı önünə
əklil qoydu.
Azərbaycanın dövlət himni səsləndirildi.
Dövlətimizin başçısı İlham Əliyev və birinci xanım Mehriban Əliyeva Ulu Öndərin ömür-gün yoldaşı, görkəmli oftalmoloq-alim, akademik Zərifə xanım Əliyevanın da məzarı üzərinə gül dəstələri qoydular.
Görkəmli dövlət xadimi
Əziz Əliyevin və tanınmış həkim-alim Tamerlan Əliyevin də xatirələri yad edildi, məzarları
üstünə gül dəstələri
düzüldü.
Azərbaycan.-2020.- 13 dekabr.- S.1.