İşğaldan azad edilmiş ərazilərdə təhlükəsizlik tədbirləri gücləndirilir

Müzəffər Azərbaycan Ordusunun sentyabrın 27-dən noyabrın 10-dək keçirdiyi uğurlu əks-hücum əməliyyatları nəticəsində işğaldan azad edilmiş ərazilərimizdə təhlükəsizlik tədbirləri gücləndirilir.

Daxili İşlər Nazirliyinin mətbuat xidmətinin Bərdə regional qrupundan AZƏRTAC-a bildirilib ki, Tərtər Rayon Polis Şöbəsinin əməkdaşları rayonun işğaldan azad edilmiş Suqovuşan və Talış kəndlərində xidməti fəaliyyəti bərpa ediblər. Kəndlərin ərazisində təhlükəsizliyi təmin etmək üçün sahə inspektorları təyin edilib və xidməti post qurulub.

Azərbaycan. - 2020.- 4 dekabr.- S.3.