İlham Əliyev yeni tarix
yazır
“Biz gücümüzü səfərbər edərək bax, bu tarixi günləri yaşayırıq. Bu, həqiqətən də, tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq.”
İlham ƏLİYEV
Adətən, tarixi salnaməçilər, tarixçilər yazırlar!
Təskirələrdə, salnamələrdə, müxtəlif tarixi əsərlərdə!
Dövlət başçıları da tarix yazırlar!
Amma yeni tarix yazmaq onların heç də hamısına nəsib olmur!
Çünki onlar tarixi iş otaqlarında yazmırlar, döyüş meydanlarında, real həyatda, əməlləri ilə, möhtəşəm qələbələri ilə yaradırlar!
Tarixçilərin və salnaməçilərin yazıb gələcək nəsillərə çatdırdıqları tarix isə əslində qalib dövlət başçıları və sərkərdələrin gördükləri işlər, yaratdıqları yeniliklər, həyata keçirdikləri dəyişikliklər olur!
Azərbaycan xalqı xoşbəxt xalqdır ki, onun tarix yaradan rəhbəri, itirilmiş əraziləri geri qaytarmağı bacaran, ölkənin ərazi bütövlüyünü bərpa edən sərkərdə övladı var!
Bəli, Müzəffər Ali Baş Komandanımız İlham Əliyev Azərbaycanın yeni tarixini, şərəf tarixini yazıb yaradır!
***
Tariximizin son beş əsrində İlham Əliyev Azərbaycanın ilk dövlət başçısıdır ki, işğal olunmuş əraziləri geri qaytardı!
Bunu bacardı, bunu etdi: güclü və arxalı düşməni diz çökdürərək məğlubiyyətini etiraf etdirdi!
Düşmən məhvdən qurtarmaq üçün kapitulyasiya sənədini imzaladı!
Beləliklə, iki əsr ərzində davam edən Qarabağ münaqişəsinə son qoyuldu!
Qarabağ əbədilik Azərbaycanın oldu!
Azərbaycanın ərazi bütövlüyü bərpa edildi!
İlham Əliyev Azərbaycan və dünya tarixinə qalib sərkərdə, itirilmiş əraziləri geri qaytaran dövlət rəhbəri kimi düşdü!
***
Torpaqlar qılıncın gücü ilə fəth olunur!
Ərazilər müharibə yolu ilə alınır və verilir!
Vaxt var idi dövlətlər dünyanın bu başından o başına qədər əraziləri müharibə yolu ilə ələ keçirirdilər!
Güclünün qabağına çıxan, ona bir söz deyən olmurdu!
Çünki belədə onlar da fateh sərkərdənin qılıncının gücünü öz üzərilərində hiss edə bilərdilər.
Müasir dünya isə bambaşqadır!
İndi işləməsə də, “beynəlxalq hüquq” adlı bir anlayış var.
Güclülər zəiflərin qulağını çəkmək istəyəndə ondan istifadə edirlər.
İndi beynəlxalq güclər var!
Beynəlxalq təşkilatlar, qurumlar mövcuddur.
Onların əlində dövlətləri ram etməyə, zəiflətməyə, sivil dünyadan təcrid etməyə xidmət edən “sanksiya” adlı alət var!
İndi
dünyada “ictimai rəy” adlanan bir anlayış da var!
Onu isə dünyada tanınan müxtəlif KİV
formalaşdırır.
İndi
“sosial şəbəkə” adlı bir “meydan” da var!
Bu meydanda
kim nə istəyir yazır, çəkib
göstərir, həm də həqiqət ilə yalanı həmişə
ayırmaq mümkün olmur!
Bütün
bunları nəzərə almadan müharibə aparmaq, qalib gəlmək
mümkün deyil!
Bütün
bunlarsız yeni tarix yaratmaq da mümkünsüzdür!
İlham
Əliyev Azərbaycana rəhbərliyə başlayanda
artıq Ermənistan işğal etdiyi əraziləri
“özününküləşdirməyə”
başlamışdı:
* gecə-gündüz dayanmadan müdafiə
qurğuları, atəş nöqtələri, istehkamlar
qurur, bunkerlər tikirdi;
* özünün aldığı və ona
bağışlanan silahları işğal ərazilərinə
daşıyaraq torpaqları xoşluqla
qaytarmayacağını nümayiş etdirirdi;
* bütün dünyaya car çəkərək
ermənilərin “öz müqəddəratını təyin
etmək” hüququndan dəm vurur, “Dağlıq Qarabağ
Respublikası”nı müstəqil respublika kimi təqdim edirdi;
*
ATƏT-in Minsk qrupu sülh danışıqlarının
ağası idi və bu danışıqlar da acı
bağırsaq kimi uzanırdı;
* erməni torpağı “danışıqlar
yolu ilə” qaytarana oxşamırdı...
Heydər Əliyev siyasi kursunun davamçısı
olduğuna görə, Azərbaycanın yeni rəhbərinin
çiyninə çoxsaylı vəzifə yükü
qoyulmuş, həm də çox böyük məsuliyyət
düşmüşdü.
Görüləsi
iş çox, imkanlar məhdud, dəstək
verib kömək edənlərimiz isə yox dərəcəsində
idi!
Ən əvvəl
Ulu Öndərin başladığı işi davam etdirmək,
uğurla sona çatdırmaq, xalqın ona bəslədiyi
etimad və inamı doğrultmaq vacib idi!
Üstəlik,
Ulu Öndər Heydər Əliyev ona Şuşanı
işğaldan qurtarmaq barədə şəxsi vəsiyyətini
də etmişdi...
Tarixi dəyişmək,
yeni tarix yazmaq qaçılmaz idi...
Amma bunun
üçün mümkün olmayanları mümkünə
çevirmək, necə deyərlər, möcüzə
yaratmaq tələb olunurdu!
Azərbaycan
Prezidenti, Ali Baş Komandan olaraq İlham Əliyev bu
möcüzəni yarada, müstəqil Azərbaycanın yeni
tarixinin ilk səhifələrini yaza bildi!
***
“Sülh
danışıqları”nı davam etdirməklə
bərabər, müharibəyə hazırlıq da
görülməliydi!
Bu yolda isə
problemlər, maneə və əngəllər çox
görünürdü:
* Beynəlxalq
hüquq işləmirdi, onun əvəzində ikili standartlar
hökm sürürdü.
* Beynəlxalq
qurum və təşkilatlar, bir sıra aparıcı dövlətlər
açıq-aşkar ermənilərin ədalətsiz
mövqelərini müdafiə edirdilər.
*
Transmilli layihələrin reallaşdırılmasında ermənipərəst
qüvvələr maneələr yaradır, “ekoloji”, maliyyə
problemləri törətməyə
çalışırdılar.
* Hər
dəfə Azərbaycan ordunu yeni silahlarla təchiz edəndə
havadarları Ermənistana qiyməti milyard dollardan çox olan
silah-sursat hədiyyə edir, tarazlaşdırma yaratmağa
çalışırdılar.
Lakin
İlham Əliyev nə məqsədindən döndü, nə
geri çəkildi, nə də yoruldu!
Ən əvvəl,
mövcud vəziyyəti dərindən təhlil etdi,
dünyanın, Cənubi Qafqazın və Azərbaycanın
inkişaf istiqamətlərini, baş verə biləcək
siyasi, iqtisadi, qlobal dəyişiklikləri düzgün müəyyənləşdirdi,
uzun bir dövr üçün atılacaq zəruri
addımları dəqiqliyi ilə hesabladı, erməni məkrini
zərərsizləşdirməyin, ölkəyə
çoxsaylı dostlar qazandırmağın yollarını
tapdı, daxili və xarici imkanları səfərbər etdi, əlverişli
zamanın yetişməsini, bütün
hazırlıqların məqamında başa
çatmasını təmin etdi!
Görülən işlərin bir qismi aşkar, bəziləri
isə məxfi qaydada aparılırdı.
Cənab
İlham Əliyev “hücum diplomatiyası”na
start verərək, beynəlxalq qurum və təşkilatlarda,
ayrı-ayrı ölkələrdə ermənilərin şər-böhtan
kampaniyasına qarşı mübarizəni gücləndirdi. Bu sahədə işin effektliyini artırmaq
üçün Azərbaycan və Türkiyə diasporunun əlbir,
əlaqəli fəaliyyəti təmin olundu.
Qonşularla,
habelə dünyada xüsusi çəkisi olan dövlətlərlə
qarşılıqlı maraqlara və hörmət prinsipinə
əsaslanan əlaqələr yaradıldı, dost, dəstəkçi
ölkələrin sayı artırıldı.
Bu məsələdə Prezident İlham Əliyevin
şəxsi nüfuzunun və diplomatik məharətinin
xüsusi əhəmiyyəti oldu. Belə ki, Azərbaycanın BMT Təhlükəsizlik
Şurasının qeyri-daimi üzvü seçilməsi və
cənab İlham Əliyevin Təhlükəsizlik
Şurasının iclaslarına müəyyən dövrdə
sədrlik etməsi, habelə İslam Əməkdaşlıq
Təşkilatına, Türkdilli Dövlətlərin Əməkdaşlıq
Şurasına, Qoşulmama Hərəkatına sədrliyi
dövründə dünyanın və bəşəriyyətin
taleyüklü problemləri və onların uğurlu həlli
ilə bağlı ciddi təşəbbüslər irəli
sürərək təkliflər verməsi, əksər
dövlətlərin maraqlarına uyğun problemlərin
müzakirəyə çıxarılması və
onların çözümü istiqamətində səmərəli
addımlar atılması sayəsində Azərbaycana dost
münasibəti bəsləyən, onun haqq işini müdafiə
edən dövlətlərin sayı əhəmiyyətli dərəcədə
çoxaldı.
İlham Əliyev uzaqgörənliyi Azərbaycan Ordusunun
gücləndirilməsində, ən müasir texnologiyalara əsaslanan
silahlarla təchiz edilməsində həlledici amilə
çevrildi.
Ermənistan və onun dəstəkçiləri
sülh danışıqları ilə, sadəcə, baş
qatırdılar. Onlar “münaqişənin sülh yolu ilə
həllindən başqa variant yoxdur” desələr də, əslində,
Azərbaycanla yeni müharibəyə ciddi hazırlıqlar
görürdülər. Çünki bilirdilər ki, nə
Azərbaycan Prezidenti cənab İlham Əliyev, nə də
Azərbaycan xalqı heç zaman işğalla
barışmayacaq və nəyin bahasına olursa-olsun,
torpaqları azad etməyə çalışacaqlar! Odur ki, işğal ərazilərinin təbii relyefindən
istifadə edərək betonlaşdırılmış
müdafiə qurğuları, keçilməz səngərlər,
bunkerlər, minalanmış sahələr yaradır,
havadarlarının köməyi ilə möhkəm istehkam
qurğuları tikirdilər.
Elə zənn
edirdilər ki, Azərbaycan müharibəyə
başlayacağı təqdirdə ona ciddi tələfat
yaşadacaq, tikdikləri qurğularda gizlənərək
hücum edən hissələri geri oturdacaq, bir daha özlərinin
“məğlubedilməz ordu”, “məğlubedilməz millət”
imiclərini möhkəmləndirərək ərazilərimizi
həmişəlik əllərində saxlayacaqlar.
Hətta bu xülya ilə “yeni Ermənistanın” təzə
“xəritəsini” çap etdirərək geniş yayır, məktəblərdə
yeni nəslə tədris edirdilər.
Bütün
bunlardan cənab İlham Əliyevin xəbəri vardı!
Ali
Baş Komandanımız bu xülyaları yaxşı bilir,
daim nəzərə alırdı!
Ancaq düşməndən fərqli olaraq zəruri
hazırlıq işlərini son dərəcə məxfiliklə
aparırdı.
İlham
Əliyevi aldatmaq istəyən Paşinyan son nəticədə
özü aldanaraq axmaq vəziyyətinə düşdü!
Həm də
bunu hərbi əməliyyatlar başlanandan bir neçə
gün keçdikdən sonra anladı...
Belədə
isə gec idi!
Çox
gec!
***
Ali Baş Komandan İlham Əliyev müharibəyə təkcə
hərb cəbhəsində deyil, diplomatiya və informasiya sahəsində
də ciddi hazırlaşmışdı.
Hər
şey gözlənildiyi kimi oldu:
* Ermənistan
“qoymayın zavallı və qədim xalqı qırırlar,
kilsələri dağıdıb bizi öz
torpaqlarımızdan çıxarırlar”, - deyə şivən
qoparmağa başladı!
* Bir
sıra dövlətlərin başçıları, beynəlxalq
qurum və təşkilatların rəhbərləri,
tanınmış siyasilər hərbi əməliyyatların
dayandırılması, sülh danışıqlarına
başlanılması yönündə Azərbaycana xahişlər
etməyə başlayaraq, təsir və təzyiq göstərməyə
can atdılar!
* Erməni
diasporu tərəfindən ələ alınmış beynəlxalq
televiziya kanalları və informasiya agentlikləri Azərbaycana
qarşı şər-böhtan kampaniyasına start verdilər!
Burda bir
incə məqam da vardı!
Ermənistan
və onun havadarları elə zənn edirdilər ki, hərbi əməliyyatlara
başlayan Azərbaycan düşmən mövqelərinə
elə ilk hücumlarında səngər, istehkam, mağara və
tələlərə rast gələrək
çıxılmaz vəziyyətə düşəcək,
ciddi texnika və canlı qüvvə itkisinə məruz
qalaraq geri oturdulacaq, müharibəni dayandırmaq
üçün “vasitəçi” dövlətlərə,
ATƏT-ə yalvar-yaxara başlayacaq.
Sən
öz saydığını say...
Həqiqətən
də, belə bir vəziyyət yarandı!
Amma əks
cəbhədə!
Miskin və
rəzil günə düşən Ermənistan oldu!
Diz
çöküb yalvaran, ona-buna saysız telefon zəngləri
ilə minnətçi düşən Ermənistanın
baş naziri Paşinyan idi!
Ali
Baş Komandan İlham Əliyev isə heç bir xahişə,
minnətə, təsir və təzyiq cəhdinə
baxmırdı!
Beynəlxalq
qurum və təşkilatların rəhbərlərinə
“Otuz ildə harada idiniz, niyə münaqişəni sülh
yolu ilə həll etmirdiniz?” sualını verərək
boğazlarını qurudurdu!
İlham Əliyevə hər cür təsir və təzyiq
cəhdi irəlicədən uğursuzluğa məhkum idi.
Paşinyanın
yeddi şərtini ayaq altına atan Ali Baş Komandan İlham
Əliyev yalnız bircə şərt irəli
sürürdü:
-
Düşmən kapitulyasiya sənədinə imza atsın,
torpaqlarımızdan dərhal rədd olub getmələri barədə
konkret tarixlə qrafik göstərsin!
Hər
şey Prezident İlham Əliyevin dediyi kimi oldu!
***
Müharibə
dövrü fəaliyyətində cənab İlham Əliyev
informasiya savaşında da qalib gələrək ermənilərə
xidmət edən telekanallarda və informasiya agentliklərində
ermənilərin özlərinin xəbis, faşist
simalarını ifşa etdi, onların şər-böhtanlarını
konkret faktlarla puça çıxardı, qərəzli
mövqe sərgiləyən jurnalistləri qaçılmaz dəlil
və faktlarla yerlərində oturtdu, obyektiv və ədalətli
olmağa səslədi!
İlham Əliyev bu müharibənin dinlərarası
savaş kimi təqdim edilməsinin də
qarşısını aldı, Azərbaycan xalqının
tolerant olduğunu, multikulturalizm ənənələrinə
sadiqliyini sübut etdi, ölkəmizdə yaşayan
bütün xalqların və millətlərin azərbaycançılıq
ideyası ətrafında sıx birləşdiyini göstərdi.
İlham
Əliyev “xiristianların məbədləri
dağıdılır” erməni yalanının hiylədən
başqa bir şey olmadığını söyləyərək
bunun əksini, işğal zonasındakı Azərbaycana məxsus
67 məsciddən 63-nün
dağıdıldığını ortaya qoydu!
İlham Əliyev həmçinin sübut etdi ki,
“münaqişənin həlli yalnız sülh
danışıqları ilə mümkündür” deyənlər,
əslində, riyakarlıq edir, işğal faktını əbədiləşdirməyə,
torpaqların Ermənistana qalmasına
çalışırmışlar.
Ermənistan-Azərbaycan
Dağlıq Qarabağ münaqişəsinin həllinin əsl
yolu elə müharibəymiş!
Azərbaycan
xalqının Vətən müharibəsi ədalətə,
beynəlxalq hüququn öz yerini tutmasına, düşmənin
özgə torpaqlarından qovulmasına şərait yaradan ən
sürətli və təsirli vasitəymiş!
***
Azərbaycan xalqının qalibiyyət savaşına rəhbərlik
edən cənab İlham Əliyev yeni bir tarix yaratdı.
Onun bu
tarixi qələbəsini şanlı-şöhrətli edən
bir neçə mühüm məqam da var:
*
İlham Əliyev yalnız Azərbaycan torpaqlarını ələ
keçirərək onu otuz il işğalda saxlayan Ermənistana
yox, həm də dünyanın bir sıra aparıcı
dövlətlərinin dövlət
başçılarının qərar qəbul etmələrinə
təsir göstərən, parlamentlərində “erməni məsələsinə”
dair müzakirələr açdıran, qanundankənar layihələr
qəbul etdirən, beynəlxalq qurumları və KİV-i ələ
alaraq öz maraqlarına işləməyə sövq edən
dünya erməniliyinə qalib gəldi!
*
İlham Əliyev ermənilərin patoloji xəstəliyinə
çevrilən “erməni soyqırımı” və
“böyük Ermənistan dövləti” xülyasının
daşıyıcılarına qalib gəldi!
*
İlham Əliyev həm də “məğlubedilməz xalq” və
“məğlubedilməz ordu” anlayışını məhv edərək
onun gülünclüyünü göstərdi!
Əslində, İlham Əliyev özünə qədərki
tarixi dəyişərək yeni tarixin təzə səhifəsini
yazmağa başladı.
YENİ
TARİXİN BAŞLANĞICI OLARAQ:
*
Dünya hərb tarixində yenilik kimi qəbul edilən və
hərbi əməliyyatların aparılmasında
mühüm dəyişikliklərə səbəb olacaq yeni
növ müharibə nümunəsini ortaya qoydu!
* Cənubi
Qafqazda qüvvələr nisbətinin əsaslı şəkildə
dəyişdiyini göstərdi!
* Müstəqil
Azərbaycanın yeni tarixinin yeni xəritəsini
cızdı, Naxçıvanla Azərbaycanı quru yolla birləşdirən
çox mühüm strateji əhəmiyyətli dəhlizin
açılmasını təmin etdi!
* Cənubi Qafqazda əməkdaşlığın yeni formatlarının yaranmasına və uğurlu fəaliyyətinə zəruri əsaslar yaratdı!
* Ermənistanın faşist, fitnəkar, vəhşi, dağıdıcı və murdar xislətini aşkar və ifşa edərək “məzlum millət” maskasını cırıb atdı!
* Ermənistanın Qarabağ siyasətini birdəfəlik məhv edərək tarixin “məğlublar arxivinə” göndərdi!
* Ermənistanın işğalçı, qocaya, qadına, uşağa aman verməyən, mülki obyektləri dağıdan və dinc əhalini hədəfə alan mənfur ordusunu darmadağın etdi!
* Cənubi Qafqazda sülhə və əməkdaşlığa yol açan yeni mühit və düzən formalaşdırdı!
* Ən nəhayət, İlham Əliyev COVID-19 pandemiyası səbəbindən bütün dünya üçün qorxulu, tənəzzül ili sayılan 2020-ci ili müstəqil Azərbaycanın yeni tarixinin başlanğıcı sayılan “Zəfər ili”nə çevirdi.
Eşq olsun yeni tariximizin müəllifi və yaradıcısı Müzəffər Ali Baş Komandan İlham Əliyevə!
Qarabağ bizimdir!
Qarabağ Azərbaycandır!
Bəxtiyar SADIQOV
Azərbaycan.-2020.- 31 dekabr.- S.1;4.