Rəsmi Kişineu Azərbaycanı dəstəkləyən bəyanatla çıxış edib

Moldova Respublikasının Xarici İşlər və Avropaya İnteqrasiya Nazirliyi (XİAİN) son günlərdə insanların həlak olması ilə nəticələnmiş silahlı toqquşmaların baş verdiyi Azərbaycan-Ermənistan sərhədindəki hadisələri narahatlıqla izləyir.

AZƏRTAC Moldova XİAİN-in rəsmi saytına istinadla xəbər verir ki, XİAİN həlak olanların ailələrinə başsağlığı verir və müvafiq tərəfləri güc tətbiq etməkdən çəkinməyə, gərginliyin artmasının qarşısını almaq üçün səylərini davam etdirməyə, beynəlxalq hüququn prinsip və normalarına hörmət əsasında uzunmüddətli siyasi həll tapmağa çağırır.

Moldova Respublikası münaqişəli vəziyyətin Azərbaycan Respublikasının suverenliyinə və beynəlxalq aləmdə tanınmış sərhədləri daxilində ərazi bütövlüyünə hörmət əsasında dinc yolla nizamlanmasının tərəfdarıdır.

Azərbaycan.-2020.- 15 iyul.- S.5.