Erməni “pandemiya”sı

Şanlı Azərbaycan Ordusu Qarabağda şovinizm və separatçılıq virusunun kökünü birdəfəlik kəsəcək

Dünya indi hiyləgər, təhlükəli bir infeksiyayla qarşı-qarşıya qalıb, onunla mübarizə aparmağa çalışır, Azərbaycan xalqı isə məkrli və qəddar bir virusla xeyli müddətdir cəngdədir...

Erməni virusuyla...

Tarixboyu xalqımızın canına, torpaqlarına daraşan bu virus hazırda dünyanı bürümüş pandemiyadan daha qorxunc, daha dəhşətlidir...

Bu virusu indiki pandemiyadan dəhşətli edən isə xislətindəki insanlığı hədəf almış şovinizm və separatçılıq mahiyyəti, deportasiya, təcavüzkarlıq, soyqırımı kimi insanlığa sığmayan hisslərdən bəslənməsi və heç bir peyvəndinin, müalicə üsulunun olmamasıdır...

Faşist ideologiyalı erməni vandalları

Xalqımızın alnına erməni "pandemiya”sı ilə mübarizə aparmaq kimi müşkül bir tale də yazılıb. Zaman-zaman onların törətdikləri faciələrin qurbanına çevrilmişik, tarixi dədə-baba yurdlarımızdan məcburən çıxarılmışıq, əsirə, qaçqına, köçkünə çevrilmişik.

Dünyaya qan tökmək missiyası ilə gələn faşist ideologiyalı erməni vandallarının törətdikləri 1918-ci il mart soyqırımı, 1992-ci il 26 fevral - Xocalı soyqırımı, əsir götürdükləri soydaşlarımızın başına gətirdikləri müsibətlər heç kəsin yadından çıxmayıb, dünya durduqca erməni adının qarşısında qara ləkə kimi qalacaq. Amma hələ özləri bunun fərqində deyillər. "Böyük Ermənistan” kimi sərsəm xülyaların başlarını dumanlandırması bu qeyri-insani əməllər zamanı bir həqiqəti dərk etmələrinə imkan verməmişdi...

Zəhərlə itilədikləri yalan neştərlərinin tezliklə özlərinə batacağından xəbərsizdilər...

Elə Azərbaycanın ürəyi Qarabağa göz dikmələri, iştah salmaları, bu igidlər yurduna yiyələnə biləcəkləri kimi xam xəyalları da, uydurmalarına cani-könüldən inanmaları da yalanla yoğrulmuş xüsusiyyətlərindən irəli gəlir. Tarixə saxta izlər qarışdırır, utanmadan erməni köklərinin "minillər” əvvələ uzandığını iddia edir, başqa xalqların mədəniyyətini oğurlayır, hərisliklə mənimsəməyə çalışır, həyasızlıqla özününkü olduğunu söyləyirlər. Namərdliklə, yaltaqlıqla nəsə əldə etmək istəyirlər. Başqalarına aid torpaqlarda qondarma "dövlət” qurmaq kimi gülünc hisslərə qapılırlar...…

Yeriyə bilməyən erməni yalanları

Hə, bir də daim "biçarə” obrazındadırlar. Maskalanaraq, timsah gözyaşları axıdaraq dünyanın gözündə əzilən, çətinliyə düçar olan "zavallı” xalq rolunu oynamağa çalışırlar...

Fitnə,Yalan...

Yer üzərində şərə xidmət edən ən pis insan əməli. Yalanın erməni genetikasında kodlaşdığı reallıqdır. Dünyaca məşhur yazıçılar, şairlər bununla bağlı əsərlərində qeydlər etməyi özlərinə borc biliblər. Gələcək nəsilləri bu barədə xəbərdar edib, ayaq açıb dünyada yeriməyə çalışan erməni yalanlarına qarşı sayıq olmalarını istəyiblər. Yazıçı Jemçuynikov ikicə cümlə ilə onların bu xislətini çox dəqiq təsvir edib: "Qışqıra-qışqıra danışmaq bu xalqın xəstəliyidir. Özgə millətləri də özlərinin xeyrinə qışqırmağa, yalan informasiya yaymağa cəlb edə bilirlər”.

Bəli, xəstəlik...

Bir gün isə Valdayda "Qarabağ Azərbaycandır!” deyə hayqıran haqq səsinin başlarına ildırım kimi çaxmasından səksənərək ayılmış, yaşadıqları yalan-palan, qurama, uydurma dünyalarından kəllə-mayallaq gerçəyin özünə yuvarlanmışdılar...

Vurma-çalmaya düşmüş, nə edəcəklərini şaşırıb bir daha yalana sarılmışdılar, yalana...

Amma heyhat, daha əyyam o əyyam deyil. Daha erməni yalanları işə yaramır. Hər keçən an əleyhlərinə işləyir, yürütmək istədikləri məkrli siyasətləri özlərinə qarşı çevrilir. Ermənistan batdıqca-batır, fəlakətə sürüklənir, səfalət içərisində yaşayan xalqlarının zülmü bir az daha artırdı...

Təbii ki, çərxi-fələyin getdikcə haqq yolunda məcraya düşməsi onları özündən çıxarırdı. Daha ağlasığmaz böhtanlara, qarayaxmaya əl atır, təxribatlarına davam edir, dünyanın gözünü boyamağa çalışırdılar. Və hər dəfəsində də Azərbaycan tərəfindən tutarlı cavablarla, inkar edilməsi mümkün olmayan faktlarla susdurulur, yerlərinə otuzdurulurdular...

Ermənistanın növbəti hərbi təxribatı öz başında çatladı

2020-ci il başlayandan isə dünya COVID-19 adlı pandemiya ilə qarşılaşdı, onunla mübarizəyə atıldı. Ermənistan hakimiyyəti üçün pandemiya vəziyyəti bir fürsətə çevrildi. Yeni yararları, çıxarları üçün istifadə edə biləcəkləri daha bir meydan tapdılar. Koronavirusun ölkə daxilində tüğyan etməsinə, xalqının sağlığını təhlükəyə atmasına əngəl olmağa belə çalışmadan digər ölkələrdən yardım almaq, pul dilənmək üçün hiyləgər bir ova çıxdılar...

Digər tərəfdən isə Ermənistan rəhbərliyi yarıtmaz siyasətini ört-basdır etmək, ictimaiyyətin diqqətini xarici düşmən obrazına yönəltmək üçün məkrli plan da hazırladı.

Dünya birliyinin pandemiyaya qarşı mübarizə apardığı bir şəraitdə Ermənistan Azərbaycana qarşı təxribata əl atdı və bunun sayəsində bəşəriyyət bir daha bu terrorçu rejimin növbəti riyakarlığının, çirkin oyununun və hiyləgərliyinin şahidi oldu.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu istiqamətində atəşkəs rejimini kobud şəkildə pozdular, artilleriya qurğularından istifadə etməklə mövqelərimizi atəşə tutdular, hücuma keçməyə cəhd göstərdilər. Amma qəhrəman oğullarımızın şücaəti sayəsində əzildilər, yerlərinə otuzduruldular. Çünki generalından sıravi əsgərinə qədər igid Azərbaycan Ordusunun hər bir üzvü daim ayıq-sayıq vətənimizin müdafiəsindədir.

Bu acı aqibətdən yenə də dərs almayan Ermənistan sentyabrın 27-də növbəti hərbi təxribata əl atdı, mülki əhaliyə qarşı təcavüzkar hücuma keçdi. Və azğın düşmən elə bu uğursuz cəhdi ilə də öz sonunun başlanğıcını yetişdirdi. Məkrli niyyətləri ilə bir daha rüsvay oldu və ağır vəziyyətə düşdü...

Yağı düşmən, ərlərin, ərənlərin əzəli, əbədi yurdu Qarabağda sən məskən sala bilməzsən!

Şanlı Azərbaycan Ordusunun bütün cəbhə boyu əks-hücum əməliyyatına başlaması çox keçmədən ön xətdən qanadlanan qələbə müjdələrinə çevrildi. Bir həmləsi ilə düşməni pərən-pərən salan qəhrəman oğullarımız Vətən torpaqlarımızı ard-arda azad etməyə başladı. Doğma torpağımızın hər qarışı uğrunda düşmənə qan udduran polad iradəli minlərlə oğlumuz, gözünü qırpmadan Vətən yolunda fədaiyə çevrilən minlərlə igidimiz haqq savaşçısına çevrildi...

İndi Azərbaycan xalqı sevinc göz yaşları içərisində ordumuzun zəfərlərini qeyd edir. Hər kəs əmindir ki, ana yurdumuz Qarabağın bütünlüklə erməni vandallarından azad ediləcəyi o müqəddəs qələbə, ay-ulduzlu üçrəngli bayrağımızın Xankəndidə, Şuşada dalğalanacağı mübarək anlar uzaqda deyil...

Yağı düşmən, sən bil ki, ərlərin, ərənlərin əzəli, əbədi yurdu Qarabağda məskən sala bilməzsən. O igidlər diyarında, o hünərli sərkərdələr meydanında sən at oynada bilməzsən. O vüqarlı dağlarda, o sıldırım qayalarda sən oylaq qura bilməzsən. Elə dahi rus şairi Puşkinin dəqiq təsvir etdiyi kimi: "Sən köləsən, sən qorxaqsan, çünki sən ermənisən”...

Yasəmən MUSAYEVA

Azərbaycan.- 2020.-2 oktyabr.- S.1; 5.