Azərbaycanın Baş prokuroru Rusiyanın Baş
prokuroruna müraciət edib
Azərbaycan Respublikasının Baş Prokurorluğu Rusiyanın bir sıra kütləvi informasiya vasitələrində və sosial media səhifələrində Rusiya erməniləri İttifaqının rəhbəri Ara Abramyanın bu ölkədə yaşayan 20 minə yaxın erməni soydaşını könüllü qismində Dağlıq Qarabağ ərazisinə Rusiyadakı erməni diasporasının köməyi ilə göndəriləcəyinə dair bəyanatı ilə bağlı məlumat yayıb.
Baş Prokurorluğun mətbuat xidmətindən AZƏRTAC-a daxil olan məlumatda bildirilib ki, bundan başqa, Yaxın Şərq və Mərkəzi Asiya ölkələrinin öyrənilməsi üzrə Mərkəzin sədri Semyen Baqdasarovun “Vzqlyad” qəzetində Azərbaycanın mülki əhalisinin yaşadığı Gəncə şəhəri və Daşkəsən rayonu ərazilərinin, o cümlədən beynəlxalq strateji əhəmiyyət kəsb edən Bakı-Ceyhan kəmərinin atəşə tutulması barədə çıxışı da yer alıb.
Bununla bağlı Azərbaycan Respublikasının Baş prokuroru Kamran Əliyev Rusiya Federasiyasının Baş prokuroru İqor Krasnova və İstintaq Komitəsinin sədri Aleksandr Bastrıkinə rəsmi müraciət edərək bildirib ki, sentyabrın 27-dən başlayaraq təcavüzkar Ermənistanın hərbi-siyasi rəhbərliyi təxribatçı əməllərini davam etdirərək, beynəlxalq humanitar hüququn əsas norma və prinsiplərini kobud şəkildə pozmaqla, o cümlədən Cenevrə Konvensiyası və BMT-nin Təhlükəsizlik Şurasının qərarları ilə üzərinə düşən öhdəlikləri yerinə yetirməyərək dinc Azərbaycan əhalisinin sıx yaşadığı əraziləri ağır artilleriyadan atəşə tutub, nəticədə mülki əhali arasında ölən və yaralananlar var.
Müraciətdə, həmçinin göstərilib ki, hədəf kimi əhalinin kompakt olduğu məntəqələr - rayon və kənd mərkəzləri, mülki infrastruktur obyektlər - xəstəxanalar, tibb məntəqələri, məktəb binaları, uşaq bağçaları seçilir.
Hazırkı
vəziyyəti və yuxarıda qeyd edilənləri
nəzərə alaraq, Baş
prokuror Azərbaycan Respublikasının ərazi
bütövlüyünə qarşı yönəlmiş təcavüzkar
siyasəti yürüdən, o cümlədən
bəyanatlarında Rusiya
Federasiyasının Cinayət Məcəlləsinin 208.1-ci (federal qanunla
nəzərdə tutulmayan silahlı birləşmənin
yaradılması, habelə belə bir qurumun rəhbərliyi və ya
onun maliyyələşdirilməsi),
205.2.2-ci (KİV istifadə edilməklə terror
fəaliyyətlərinə, terrorizmin ictimai əsaslandırılmasına və ya terrorizmin təbliğinə
açıq çağırışlar), 280.2-ci (KİV istifadə edilməklə ekstremist
fəaliyyətə açıq
çağırışlar), 282.2 “b” bəndi
(nifrət və ya düşmənçiliyin
qızışdırılması, habelə insan
ləyaqətinin alçaldılması), 359.3-cü (muzdluluq) və digər maddələrində nəzərdə
tutulmuş cinayətlərin törədilməsinə
açıq çağırışlara yol verən şəxslər və təşkilatlar
barəsində qanuni tədbirlərin
görülməsini xahiş edərək,
məsələni şəxsi nəzarətlərinə
götürülməsinə ümidvar olduğunu bildirib.
Azərbaycan-
2020.-30 sentyabr.- S.5.