Dağ Kəsəməndə “Xarıbülbül” və “Şəhidlər” abidə kompleksinin açılışı olub

Ağstafanın ən böyük kəndlərindən olan Dağ Kəsəməndə şəhidlərin xatirəsinə “Xarıbülbül” abidəsi və “Şəhidlər” abidə kompleksi inşa edilib.

Rayon icra hakimiyyətinin, hüquq mühafizə orqanları rəhbərlərinin, şəhid ailələrinin, qazi və Qarabağ müharibəsi veteranlarının, ictimaiyyət nümayəndələrinin iştirakı ilə keçirilən açılış mərasimində çıxış edənlər ölkəmizdə şəhid ailələrinə, qazilərə göstərilən yüksək dövlət qayğıkeşliyindən danışmışlar.

Sonra Kəsəmən kəndindən olan birinci Qarabağ və Vətən müharibələri şəhidlərinin xatirə lövhələri həkk olunmuş kompleksin və “Xarıbülbül” abidəsinin üzərindən ağ örtük götürülmüş, iştirakçılar abidə önünə gül dəstələri düzmüşlər.

Sabir ƏLİYEV,

Azərbaycan.-2021.- 24 avqust.- S.4.