Birinci vitse-prezident: Autizm spektr pozuntulu uşaqlar üçün
Bərpa Mərkəzindən olan əziz
dostlarıma təşəkkür edirəm
Azərbaycan Respublikasının Birinci
vitse-prezidenti Mehriban Əliyeva autizm spektr pozuntulu uşaqlara təşəkkür
edib.
AZƏRTAC
xəbər verir ki, Birinci vitse-prezidentin
bununla bağlı instaqram hesabında etdiyi paylaşımda deyilir:
“Autizm spektr pozuntulu uşaqlar üçün Bərpa Mərkəzindən olan əziz dostlarıma təşəkkür edirəm!
Xoş,
nurlu və səmimi təbrikinizə
görə çox sağ olun. Siz necə də
gözəl və istedadlısınız! Sizinlə
görüşlərimizi və
birgə keçirdiyimiz
vaxtı hər zaman xoş duyğularla xatırlayıram!
Sizi möhkəm-möhkəm bağrıma
basıram, hər birinizə gözəl əhval-ruhiyyə və bütün arzularınızın
çin olmasını
diləyirəm.
Tezliklə görüşmək ümidi ilə,
Sizin MEHRİBAN”.
Azərbaycan.-2021.- 28 avqust.- S.1.