Prezident qətiyyətinin və siyasi iradəsinin məntiqi nəticəsi
Türkiyə-Rusiya Birgə Monitorinq Mərkəzinin fəaliyyəti regionda çoxşaxəli əməkdaşlıq
üçün yeni imkanlar açacaq
Tarixinin ən qüdrətli dövrünü yaşayan
Azərbaycanın 44 günlük
Vətən müharibəsində
qazandığı qələbə
regionda yeni geosiyasi reallıq yaratdı.
Ermənistanın işğalçılıq siyasətinə
son qoymaq üçün Müzəffər
Ali Baş Komandan İlham Əliyevin uzaqgörənliyi,
düşünülmüş diplomatiyası sayəsində
istər ön, istərsə də arxa cəbhədə böyük uğurlar qazandıq. Bununla da düşmən üzərində şanlı
qələbəmiz təmin
edildi.
Vətən müharibəsinin gedişində
bir daha sübut edildi ki, Azərbaycanın razılığı olmadan
Qarabağla bağlı
heç bir qərar qəbul edilə bilməz. Tarixi torpaqlarımızın
düşməndən təmizlənməsi
Qarabağdan keçən
bütün strateji yolların, yüksəkliklərin,
kommunikasiya xətlərinin
tamamilə Azərbaycan
Silahlı Qüvvələrinin
nəzarətində olması
deməkdir. Bu gün respublikamız hərb meydanında olduğu kimi, diplomatik sahədə də üstün mövqedədir.
Strateji tərəfdaşlığın
əyani təzahürü
Ancaq hərbi əməliyyatların
başa çatması
faktı özü-özlüyündə
hələ bölgədə
və regionda sülh və əmin-amanlığın tam
bərqərar olacağına
zəmanət ola bilməz. Ona görə də
keçmiş münaqişə
zonasında bundan sonrakı proseslərə
nəzarət edə biləcək xüsusi qurumun formalaşması zərurəti yaranmışdı.
Bütün bunlar ötən il noyabr ayının 10-da Azərbaycan, Rusiya və Ermənistan rəhbərləri tərəfindən
imzalanmış üçtərəfli bəyanatda da öz əksini
tapdı.
Həmin sənədə əsasən,
münaqişə tərəflərinin
razılaşmalara əməl
etməsinə nəzarətin
səmərəliliyini artırmaq
məqsədilə monitorinq
mərkəzinin yaradılması
nəzərdə tutulurdu.
Bu məqsədlə Türkiyə və Rusiya arasında birgə mərkəzin yaradılmasına dair razılıq əldə edilmişdi. Məhz həmin razılaşmanın
nəticəsi kimi yanvarın 30-da Ağdam rayonunun ərazisində yaradılmış Türkiyə-Rusiya
Birgə Monitorinq Mərkəzi fəaliyyətə
başladı.
Prezident İlham Əliyev hələ ötən il noyabrın 10-da xalqa müraciətində
bildirmişdi ki, qardaş Türkiyə Respublikası münaqişənin gələcək
həlli və atəşkəsə nəzarət
etmək işində
rol oynayacaq. Belə də oldu. Dövlət başçısı ATƏT-in Minsk qrupunun
Fransadan və ABŞ-dan olan həmsədrləri
və ATƏT-in fəaliyyətdə olan sədrinin şəxsi nümayəndəsi ilə
görüşü zamanı
bildirdi ki, Türkiyə-Rusiya Monitorinq
Mərkəzi atəşkəs
rejiminə nəzarət
edəcək. Bu,
regional əməkdaşlığın
çox yaxşı təzahürüdür, həmçinin
Türkiyə ilə Rusiya arasında çox məqbul əməkdaşlığın rəmzidir.
Beləliklə,
işğaldan azad olunmuş Ağdamda inşa edilən mərkəz İlham Əliyevin qarşıya qoyduğu vəzifələrin
reallaşmasının, Azərbaycan-Türkiyə
qardaşlığının və strateji tərəfdaşlığının real mənzərəsini bir daha təcəssüm
etdirdi. Yəni birgə Monitorinq Mərkəzinin fəaliyyətə
başlaması Azərbaycanın
siyasi iradəsinin növbəti təzahürü
və dövlət başçısının düşünülmüş,
qətiyyətli, prinsipial
siyasətinin məntiqi
nəticəsi hesab edilməlidir.
Effektiv və etibarlı nəzarət
Birgə Monitorinq Mərkəzi münaqişə tərəflərinin
razılaşmalara əməl
etməsinə nəzarətin
səmərəliliyini artırmaq
məqsədinə xidmət
edir. Mərkəzin əsas məqsədi üçtərəfli bəyanatın
bəndlərinin və
əldə olunmuş
razılaşmaların yerinə
yetirilməsinə nəzarət
etməkdir. Monitorinq Mərkəzinin ümumi sahəsi 4 hektara yaxındır. Ərazidə
65 ədəd modul tipli xidməti, inzibati və yaşayış otaqları
var. Bütün otaqlar zəruri avadanlıqlar, su, elektrik və istiliklə təmin olunub. Burada hər iki tərəfin
birgə istifadəsi üçün ümumi monitorinq mərkəzi, brifinq zalı, 100 nəfərlik yeməkxana,
tibb məntəqəsi,
camaşırxana, bərbər,
dərzi, mağaza da var.
Ərazidə su stansiyası, transformator, generator, avtomobil dayanacağı, açıq havada iki idman şəhərciyi,
eləcə də iki örtülü idman zalı, ərzaq və soyuducu anbarlar yerləşir.
Bütün
əraziyə perimetr boyu hasar çəkilib,
4 ədəd müşahidə
nəzarət qülləsi
quraşdırılıb, sutkalıq
mühafizə təşkil
olunub. Şəxsi heyətin istirahətinin təşkili üçün
zəruri avadanlıqla
tam təmin edilmiş otaqlar da hazırlanıb. Mərkəzin mühafizəsi
Azərbaycan Ordusunun hərbi qulluqçuları
tərəfindən həyata
keçirilir.
Burada
nəzarət həm texniki, həm də ən yüksək texnoloji vasitələrlə həyata
keçiriləcək. Əsas
məqsəd ondan ibarətdir ki, hər hansı bir dövlət mövcud vəziyyətlə
bağlı ayrı-ayrılıqda
deyil, ortaq məxrəcə gələrək
ciddi məruzə
hazırlayacaq. Beləliklə
də, gələcəkdə
baş verəcək neqativ proseslərin qarşısı alınacaq,
pozitiv proseslər daha da inkişaf
etdiriləcək.
Bu gün
ən yüksək səviyyəyə çatmış
Azərbaycan-Türkiyə tərəfdaşlığı
Cənubi Qafqazda sabitlik, təhlükəsizlik
və davamlı inkişaf üçün
böyük önəm
kəsb edir. Eyni zamanda prosesdə
Rusiya və Türkiyənin birgə iştirakı da olduqca pozitiv amildir və regionda daha geniş
əməkdaşlıq planlarının
gerçəkləşdirilməsi üçün yeni imkanlar açır.
Birgə
Monitorinq Mərkəzinin
yaradılması və
fəaliyyətə başlaması
Prezident İlham Əliyevin irəli sürdüyü 3+3 (Rusiya,
Türkiyə və İran + Azərbaycan, Ermənistan və Gürcüstan) əməkdaşlıq
formatının reallaşması,
kommunikasiyaların açılması
baxımından da növbəti uğurlu addımdır. Mərkəz tərəflər
arasında əldə
olunmuş razılaşmaların
şərtlərinin yerinə
yetirilməsində, mümkün
insidentlərin qarşısının
alınmasında, araşdırılmasında
effektiv və etibarlı nəzarəti təmin edəcək.
Yeni geosiyasi reallıq
Bir
sözlə, birgə
Monitorinq Mərkəzinin
yaradılması qərarı
tərəflərin hərbi
əməliyyatların dayandırılması
rejiminə riayət etməsinə etibarlı nəzarət etməyə
imkan verəcək və uzun müddət
davam edən münaqişənin tam həlli üçün möhkəm zəmin yaradacaq.
Mərkəzin
fəaliyyətə başlaması
region üçün
sülh və əməkdaşlıq perspektivi
baxımından mühüm
əhəmiyyətə malikdir.
Çünki ATƏT-in
Minsk qrupunun 30 ildə həll edə bilmədiyi münaqişəni Azərbaycan
44 gün ərzində
həll etdi. Bu həm də
BMT Təhlükəsizlik Şurasının
qətnamələrinin yerinə
yetirilməsidir.
Yeni fəaliyyətə başlayan
mərkəzdən gözləntilər
çoxdur. Siyasətçilər
hesab edirlər ki, mərkəz regionda çoxşaxəli
əməkdaşlıq üçün
yeni imkanlar açacaq. Belə ki, hazırda bölgədə yeni geosiyasi reallıq yaranıb və 44 günlük müharibədən
sonra regionda geosiyasi vəziyyət xeyli dəyişib. Bu kontekstdə Türkiyənin təmsilçilərinin
azad olunmuş ərazilərdə xidmətə
başlamasını yeni
geosiyasi reallığın
uğurlu nəticəsi
kimi də qiymətləndirmək olar.
Bu reallığı
Prezident İlham Əliyevin praqmatik siyasəti, Azərbaycan-Türkiyə
tərəfdaşlığı yaradıb. Gündən-günə güclənən bu tərəfdaşlıq
regionda yalnız təhlükəsizliyin deyil,
sülhün də təminatına zəmin yaradır. İki ölkənin müharibədən
sonrakı dövrdə
birgə addımlaması
ümumilikdə Cənubi
Qafqazın sabitliyi, təhlükəsizliyi və
davamlı inkişafı üçün böyük önəm kəsb edir.
Beləliklə də, Ağdamda Türkiyə-Rusiya birgə
Monitorinq Mərkəzinin
yaradılması ölkəmizin
növbəti qələbəsi
kimi qiymətləndirilməlidir.
Çünki məhz
İlham Əliyevin prinsipial siyasətinin nəticəsində regionda
yeni geosiyasi konfiqurasiya formalaşır.
Rəşad BAXŞƏLİYEV,
Azərbaycan. - 2021.- 5 fevral.- S.1; 6.