Serbiyalı nazirin
başçılıq etdiyi nümayəndə
heyəti Heydər Əliyev Mərkəzində və 4
saylı DOST mərkəzində olub
Serbiyanın əmək, məşğulluq, veteranlar və sosial işlər naziri Darija Kisiç Tepavçeviçin başçılıq etdiyi nümayəndə heyəti Heydər Əliyev Mərkəzində olub. Onlar Mərkəzdə ulu öndər Heydər Əliyevin irsi, Azərbaycanın tarixi və mədəniyyətini, incəsənətini əks etdirən eksponatlar və virtual sərgilərlə tanış olublar.
Əmək
və Əhalinin Sosial Müdafiəsi Nazirliyinin İctimaiyyətlə
əlaqələr və kommunikasiya şöbəsindən
AZƏRTAC-a verilən məlumata görə, nümayəndə
heyəti 4 saylı DOST mərkəzində əhaliyə
müasir əsaslarla, şəffaf və operativ şəkildə,
vətəndaş məmnunluğu prinsipi ilə göstərilən
xidmətlərlə maraqlanıblar.
Qonaqlara
Azərbaycanın DOST konsepsiyası, DOST mərkəzlərinin
dövlət sosial xidmətlər sektoruna gətirdiyi əsaslı
keyfiyyət dəyişikliyi və innovativ üstünlüklər
barədə məlumat verilib.
Azərbaycan.-2021.- 8 iyul.- S.2.