“Haas”ın pilotu Bakı trekini səbirsizliklə gözləyir

“Bakı treki özünəməxsusluğu ilə seçilir və sürəti o qədər də böyük olmayan şəhər traslarından fərqlənir. Monakoda keçirilmiş Qran-pridə iştirakımdan məmnunam və növbəti mərhələni səbirsizliklə gözləyirəm. Bakı Şəhər Halqasında yüksək sürəti hiss etmək çox maraqlı olacaq”.

Bu fikir “Haas” komandasının rusiyalı pilotu Nikita Mazepinə məxsusdur. 22 yaşlı pilot 2019-cu ildə Bakıda “Formula-2” yarışında mübarizə apardığını və sürücülərin yüksək sürət yığmasına imkan verən trası yaxşı xatırladığını bildirib. O vurğulayıb ki, trasın İçərişəhərdən keçən hissəsində bəzi sahələr Monako trekinə bənzəsə də, Bakı trası tamamilə fərqlidir.

Azərbaycan.-2021.- 4 iyun.- S.5.