SƏNİN ƏDALƏTİNƏ.., DÜNYA!
Düz 27 il dünyadan haqq-ədalət gözlədik!
Gözlədik ki, beynəlxalq qurum və təşkilatlar insafa gələcək, doğru mövqe tutacaq, beynəlxalq hüququ müdafiə edəcək, işğalçı ilə işğala məruz qalanı fərqləndirəcək, haqq səsimizi eşidəcək və ən nəhayət, bizi müdafiə edəcəkdir.
Gözlədik ki, BMT Təhlükəsizlik Şurası ərazilərimizin işğalı ilə bağlı qəbul etdiyi 4 qətnaməni yerinə yetirəcəkdir!
Gözlədik ki, ATƏT-in Minsk qrupu mandatına uyğun hərəkət edərək münaqişəni sülh yolu ilə həll edəcəkdir.
İnandıq və gözlədik!
Gözlədik və izlədik!
Gözlədik ki, “münaqişənin yalnız sülh yolu ilə həlli” nə vaxt və necə baş tutacaq!
İzlədik ki, görək “ərazi bütövlüyü ilə millətlərin öz müqəddəratını təyin etməsi” prinsipi arasındakı seçim necə yoluna qoyulacaq!
Beynəlxalq hüququn yerinə ikili standartların şahidi olduq!
Bəzi qətnamələri mürəkkəbi qurumamış yerinə yetirən BMT-nin Təhlükəsizlik Şurası bizə çatanda dişsiz, əlsiz-ayaqsız quruma çevrildi!
ATƏT-in Minsk qrupu “turist” və “yemək-içmək” səfərlərindən sonra bizə mövcud reallıqla barışmağı təklif etdi!
Xahiş etməkdən yorulduq!
İstəməkdən yorulduq!
Gözləməkdən yorulduq!
Amma dayanmadıq, durmadıq!
İqtisadi cəhətdən gücləndik!
Siyasi cəhətdən gücləndik!
Hərbi cəhətdən gücləndik!
Prezident İlham Əliyev ortaya möhkəm iradə qoydu!
Qətiyyətli mövqe qoydu!
Erməni qudurğanlığı həddini aşanda Müzəffər Ali Baş Komandanın dəmir yumruğu işə düşdü!
44 günlük zəfər müharibəsi göstərdi ki, münaqişənin əsl həlli variantı elə hərbi yolla imiş!
Başı əzilərək beli sındırılan düşmən müti quzuya dönərək kapitulyasiya sənədinə imza atdı!
***
İndi yenə üçtərəfli Bəyanatın bütün şərtlərinə əməl olunacağını gözləyirik!
Gözləyirik və izləyirik!
Erməni hələ də Zəngəzur dəhlizinin açılması ilə bağlı əməli işə keçməyib!
Hələ də minalanmış sahələrin xəritələrini məğlub olduğu tərəfə təqdim etməyib!
Hələ də sərhədlərin delimitasiya və demarkasiyasının dinc şəkildə baş tutmasına imkan yaratmır, tez-tez hoqqalar çıxarır!
Hələ də ərazilərimizə terrorçu-diversant qrupları göndərərək təxribatlar törətməyə, yeni ərazilərə minalar basdırmağa can atır!
Hələ də qisasçılıqdan
“status”dan dəm vurur.
Qalib sərkərdə İlham
Əliyev dönə-dönə
bəyan edib:
Dəmir
yumruq hazır vəziyyətdədir!
Azacıq
təhlükə hiss olunsa,
dərhal işə düşəcəkdir!
Artıq
səbrimiz daralmaq üzrədir!
Tarix və baş verənlər göstərir
ki, ermənilərin başının sığallanması
və ərköyünləşdirilməsi
heç də onlara xeyir vermir!
Beynəlxalq hüquqa arxa çevirməsi də nəticədə problemin
hərbi vasitələrlə
həllinə gətirir.
Yenə
baş sığallanır!
Yenə beynəlxalq hüquqa və mövcud konvensiyalara əməl olunmur.
Azərbaycan bütün problemləri
öz gücü ilə çözməyə
qadirdir!
Bunu heç kəs unutmasın!
***
Hərbi əməliyyatlar dayandırıldıqdan
sonra 140-dan çox Azərbaycan vətəndaşı
minaya düşüb,
onlardan 27-si həlak olub!
* Ermənini əlimizdən
alanlar, ermənidən
mina xəritələrini alıb
bizə vermirlər!
* Erməni terrorçularını
geri qaytarmağımızı
dönə-dönə dilə
gətirənlər mina xəritələrinin
verilməsi üçün
bir dəfə də dil bulamayıblar!
* Erməni kilsəsinin böyründən bir daş qırıldığına
görə şivən
qoparanlar dağıdılan
63 məscidin adını
belə tutmaq istəmirlər.
Nə yaxşı biz gücləndik,
torpağımızı işğaldan
azad etdik!
Nə yaxşı Müzəffər
Ali Baş Komandanımız
İlham Əliyev 44 günlük Zəfər savaşında xalqımızın,
viran qoyulan torpaqlarımızın qisasını
dəmir yumruğu ilə düşməndən
aldı!
Nə yaxşı hələ də güclüyük və bizi daim
ayaqda saxlayan, bütün cəbhələrdə
- hərbi, diplomatiya, informasiya müharibəsində
qalib gəlməyi bacaran qüdrətli Sərkərdəmiz var!
***
22 fevral 1988-ci ildə
Qarabağdakı separatçıların
yaramaz əməllərinə
qarşı etiraz əlaməti olaraq yürüşə çıxan
iki ağdamlı gənc - Bəxtiyar və Əli ermənilər tərəfindən
qətlə yetirildi.
O vaxta qədər Azərbaycan xalqına qarşı müxtəlif
terror əməlləri törədənlər
- Bakı metrosunda və dəmir yolunda, habelə Ağdam avtobusunda bomba partladaraq günahsız insanları
qətlə yetirənlər
açıq fəaliyyətə
keçərək hərbi
əməliyyatlara başladılar.
Yenə
hədəf dinc əhali - qadın, qoca, uşaq oldu!
Xocalı,
Qaradağlı, Bağanis
- Ayrım və neçə-neçə digər
soyqırımları törədildi,
mülki əhali girov götürülərək
min bir işgəncəyə
məruz qaldı!
10 noyabr üçtərəfli
razılaşmasına əsasən,
məğlubiyyətə uğradılaraq
təslim aktına qol çəkən düşmən aman dilədi!
Azərbaycan tərəfi hərbi əməliyyatları dayandırdı.
Düşmən Ağdam, Kəlbəcər
və Laçından
çıxmaq üçün
əlavə vaxt istədi.
Humanizm prinsiplərindən çıxış
edən Müzəffər
Ali Baş Komandan İlham Əliyev əlavə vaxt da verdi:
Ancaq düşmən murdar əməllərindən geri
durmadı:
* ərazilərimizi tərk edərkən evlərə, meşələrə
od vurdu;
* ölkə ərazisinə
dalbadal təxribatçı
diversant qrupu göndərdi, 4 nəfər
mülki vətəndaş
öldürüldü;
* minalanmış sahələrin xəritəsi
hələ də verilməyib;
* xüsusi diversant
qrupu Azərbaycan ərazilərini gizlincə
minalamaq üçün
sərhədimizi pozdu,
ifşa olunaraq 6 nəfər əsir götürüldü.
Bütün bunlar onu göstərir ki, düşmən hərb meydanında darmadağın
edildikdən sonra yenidən əvvəlki əməlinə, dinc əhaliyə qarşı
terrora başlayıb!
Budur erməni
vəhşiliyi, erməni
vandallığı, erməni
şərəfsizliyi və
erməni nankorluğu.
Peşə fəaliyyətini yerinə
yetirən azərbaycanlı
jurnalistlər - AzƏrTac-ın
müxbiri Məhərrəm
İbrahimov, AzTv-nin operatoru Sirac Abışov və Kəlbəcər RİH-in əməkdaşı
Arif Əliyev terrora məruz qoyularaq həyatdan məhrum edildilər!
Nə vaxt kar qulaqlar açılacaq?
Nə vaxt kor gözlər görəcək?
Nə vaxt yatmış vicdanlar oyanacaq?
Məhərrəm Əliyev və Sirac Abışov dinc peşə sahibi idilər.
İnsanların informasiya ilə təmininə xidmət göstərirdilər.
Silahları qələm və
kamera idi!
Öz torpaqlarında, kiməsə
qarşı təhlükə
yaratmadan işləyirdilər!
Erməni
vəhşiliyi, erməni
terroru onları elə iş başındaca yaxaladı!
Həyatlarına son qoydu!
Dünya
isə sanki bu vəhşiliyi görmür!
Demokratiyanı, söz azadlığını
bayraq edənlər hələ ortaya açıq və ədalətli mövqe qoymayıblar!
Kimi və nəyi gözləyirlər?
Kor-kor, gör-gör!
Təəssüf ki, bəzən gözlü korlar da olur...
Nə yaxşı ki zəif deyilik!
Nə yaxşı ki kimsədən asılı deyilik!
Nə yaxşı ki kifayət qədər iqtisadi və hərbi gücümüz var!
Nə yaxşı ki möhkəm, etibarlı dostlarımız var!
Nə yaxşı ki Azərbaycanın maraqlarını təmin etməklə müstəqil siyasət yürüdən qətiyyətli, uzaqgörən, möhkəm iradəli İlham Əliyev kimi Prezidentimiz var!
Yoxsa əl-ayaq altında qalar, başıqapazlı olardıq!
Bunların isə qədrini bilməli, özümüzə arxalanmalı, çəkici bir zindana, bir nöqtəyə vurmağı bacarmalıyıq!
Bunu bizdən Vətən tələb edir!
Bunu bizdən əsirlikdən yenicə xilas edilərək dirçəlişini gözləyən Qarabağ tələb edir!
Bunu bizdən Ulu Öndərimizin dünya azərbaycanlılarını birləşdirən yeni dövrün Azərbaycançılıq ideyası tələb edir!
Bizləri ayaqda saxlayan, düşmən qarşısında, ikili standartlar dünyasında yenilməz edən bütün bunlardır!
Ədalətin budurmu, Dünya?
Sənin ədalətinə.., Dünya!
Sənin ikili standartına.., Dünya!
Bəxtiyar SADIQOV
Azərbaycan.-2021.- 8 iyun.- S.1;3.