Vətən mənim hər anım...

“Şuşa ili” çərçivəsində tədbir keçirilib

Azərbaycan Respublikasının Prezidenti yanında Dövlət İdarəçilik Akademiyasında “Şuşa ili” çərçivəsində tədbir keçirilib.

Xocavənd Rayon İcra Hakimiyyəti, Kürdəmir Regional Mədəniyyət İdarəsinin və Xocavənd rayon Tuğ kənd musiqi məktəbinin təşkilatçılığı ilə keçirilən tədbirdə “Vətən mənim hər anım” konsert proqramı təşkil olunub.

Tədbirdə çıxış edən akademiyanın rektoru Urxan Ələkbərov bildirib ki, Müzəffər Ali Baş Komandan İlham Əliyevin qətiyyəti sayəsində Azərbaycan Ordusu tarix yazaraq 30 illik işğala son qoydu, ərazi bütövlüyümüzü təmin etdi.

44 günlük Vətən müharibəsində Azərbaycan şanlı zəfər qazandı. 2022-ci ilin “Şuşa ili” elan olunduğunu xatırladaraq bu tədbirin akademiyada keçirilməsindən fərəh duyduğunu bildirib.

Daha sonra Tuğ kənd musiqi məktəbinin müəllim və şagird kollektivinin xüsusi günlərə həsr olunmuş çıxışları ilə bağlı fotolent nümayiş olunub və musiqi məktəbinin fəaliyyəti barədə məlumat verilib.

Tədbir “Vətən mənim hər anım” bədii kompozisiya ilə davam edib. Bu hissədə məktəbin müəllim və şagirdləri müxtəlif milli musiqilər ifa ediblər.

Əsmər QARDAŞXANOVA,

Azərbaycan.-2022.- 10 aprel.- S.16.