Şəhidin doğum günü qeyd olunub

Torpaqlarımızın bütövlüyü uğrunda gedən döyüşlərdə şəhidlik zirvəsinə ucalan Tərtər rayonunun Evoğlu kənd sakini Hacızadə Ceyhun İfrayıl oğlunun doğum günü məzarı önündə qeyd olunub.

Bu münasibətlə RİH-nin və YAP rayon təşkilatının nümayəndələri, şəhidlərin ailə üzvləri, qazilər, veteranlar, kənd sakinləri şəhidin məzarını ziyarət edərək önünə gül dəstələri düzüb, ruhuna dualar oxuyublar. Qeyd edək ki, Ceyhun Hacızadə 1992-ci il avqustun 16-da Tərtər rayonunun Evoğlu kəndində anadan olub. Vətən müharibəsində iştirak edib və 2020-ci il oktyabrın 7-dən Suqovuşan istiqamətində gedən döyüşlərdə qəhrəmancasına həlak olub.

Prezident İlham Əliyevin sərəncamları ilə ölümündən sonra "Vətən uğrunda" və "Suqovuşanın azad olunmasına görə" medalları ilə təltif edilib.

L.QULİYEV

Azərbaycan.- 2022.- 19 avqust.- S.9.