Türkiyə və Azərbaycan alpinistləri Xocalı faciəsinin ildönümü ilə əlaqədar Haçadağa yürüş ediblər

Naxçıvan Muxtar Respublikası Hava və Ekstremal İdman Növləri Federasiyasının təşkilatçılığı ilə Xocalı faciəsinin 30-cu ildönümü ilə əlaqədar olaraq Türkiyənin “Zirvə” Dağçılık İdman Klubunun 35 və Bakı şəhərindən isə 7 alpinist Hacadağa yürüş ediblər.

AZƏRTAC xəbər verir ki, Naxçıvan Muxtar Respublikası Hava və Ekstremal İdman Növləri Federasiyasının 6 alpinistinin müşayiəti ilə keçirilən yürüş 7 saatadək davam edib.

Haçadağınzirvəsində Azərbaycanın və Türkiyənin bayraqları dalğalandırılıb, “Xocalı şəhidlərini hörmətlə yad edirik!” yazılmış banner açılıb. Tədbirin təşkilatçılarından İsgəndər Doğan ilk dəfə 6 il əvvəl təşkil edilən yürüşün artıq ənənə halını aldığını deyib. “Dağ zirvəsinə çıxmaqda məqsədimiz azərbaycanlı qardaşlarımızın dərdinə şərik olduğumuzu buradan bir daha nümayiş etdirməkdir”, - deyə o bildirib.

Azərbaycan.- 2022.- 24 fevral.- S.6.