İlham Əliyevin hədəfləri
Dostların sayı artdıqca və dostluğumuz
möhkəmləndikcə gücümüz də artır
Azərbaycan Prezidenti İlham Əliyev bizi hər zaman möhtəşəm addımları ilə təəccübləndirməyi və sevindirməyi bacarır.
Qəflətən elə gözlənilməz gedişlər edir ki, heyran olmaya və qürur duymaya bilmirsən!
15 iyun 2021-ci ildə Şuşa şəhərində imzalanan Azərbaycan Respublikası ilə Türkiyə Respublikası arasında müttəfiqlik bəyannaməsini ratifikasiya və təsdiq edərək yenicə qüvvəyə mindirmişdik.
Bunun ardınca 22 fevral 2022-ci ildə Moskvada daha bir vacib və mühüm əhəmiyyətli sənəd - Azərbaycan Respublikası ilə Rusiya Federasiyası arasında qarşılıqlı müttəfiqlik fəaliyyəti haqqında bəyannamə imzalandı.
Yaxın tarixə baş vursaq, bu müqavilələrin necə vacib əhəmiyyət daşıdığını, xüsusən müstəqil Azərbaycan üçün nə qədər vacib və gərəkli olduğunu görərik!
Türkiyə bizə dost və qardaş ölkədir!
Necə deyərlər, əti ətimizdən, qanı qanımızdandır!
Ulu Öndərimizin təbirincə söyləsək: bir millət, iki dövlətik!
Amma 1992-ci ildə ozamankı Prezident Ə.Elçibəy Kəlbəcərdən dinc əhalini təhlükəsiz, sağ-salamat çıxarmaq üçün Türkiyədən 2 mülki vertolyot ala bilmədi!
Çünki Süleyman Dəmirəl Türkiyəsi icazə olmadan qardaş Azərbaycana kömək göstərmək imkanında deyildi!
Rəcəb Tayyib Ərdoğan Türkiyəsi isə artıq dünya dövlətinə çevrilib, öz maraqlarını təmin edən müstəqil siyasəti yürüdür!
Azərbaycan Prezidenti cənab İlham Əliyev isə Türkiyə-Azərbaycan qardaşlığını tarixində görünməyən səviyyəyə yüksəltməyi, strateji müttəfiqliyə çevirməyi bacardı!
II Qarabağ müharibəsində və bu gün də qardaş Türkiyə bütün varlığı - silahı, ordusu, iqtisadi qüdrəti, mənəvi dəstəyi ilə Azərbaycanın yanında oldu və indi də Qarabağdadır!
SSRİ-nin birinci və sonuncu prezidenti M.Qorbaçovun Azərbaycana qarşı murdar mövqeyi, sovet ordusunun, xüsusən 366-cı alayın birbaşa yardımı olmasaydı, Ermənistan Azərbaycan torpaqlarını heç zaman işğal edə bilməzdi!
Vətən müharibəsi dövründə isə Rusiya Ermənistan tərəfindən döyüşmədi, əksinə, sülh yaradaraq məsələnin sonrakı mərhələsini diplomatiya müstəvisində həllinə yönəltdi və beləliklə, bəzi təhlükələri qabaqlamış oldu.
Bu, bir reallıqdır ki, Rusiyanın iştirakı olmadan Cənubi Qafqazda sülh, təhlükəsizlik və əməkdaşlıq mümkün deyil!
Xüsusən dünyanın indiki dövründə!
Bəli, Azərbaycan Prezidenti İlham Əliyev ən çətin, ən ağır məqamdan uduş ilə çıxmağı gözəl bacarır!
Baxın, COVID-19 dünyanı iflic vəziyyətinə salıb, ölkələr özünə qapanır, insanlar normal həyatlarını yaşaya bilmir, iqtisadi fəallıq azalır, istehsal aşağı düşür, çıxılmaz durum yaranır...
Cənab İlham Əliyev isə dünya üçün ən pis, fəlakətli il sayılan 2020-ci ili Azərbaycan üçün ən şərəfli, tarixi Zəfər ilinə çevirir, 44 günlük Vətən müharibəsi apararaq ərazi bütövlüyünü bərpa edir!
2022-ci il də dünya üçün narahat və qorxulu bir ildir!
ABŞ və Avropa Rusiyanın üstünə düşərək onu Ukraynaya hücumdan, fəlakətə çevrilə biləcək müharibədən çəkindirməyə çalışır, yeni sanksiyalarla hədə-qorxu gəlir.
Azərbaycan Prezidenti İlham Əliyev isə dünyanın bacarmadığı, ipə-sapa yatmayan Rusiya ilə dostluq və əməkdaşlıq münasibətlərini yeni səviyyəyə yüksəldir, qarşılıqlı müttəfiqlik fəaliyyəti haqqında müqavilə imzalayır!
Bununla da Rusiya ilə dostluğu daha da möhkəmləndirərək bundan milli maraqlar naminə faydalanmağı, eyni zamanda bu dostluğu məharətlə düşmənə qarşı yönləndirməyi də bacarır!
Əsl müdriklik də, məharət
də, diplomatiya da budur!
***
Maraqlı bir detalı da diqqətdən
qaçırmayaq:
Moskvada yeni bəyannamə imzalanan
gün Milli Məclisin iki deputatı
AVRONEST Parlament Assambleyasının
komitə iclasında iştirak etmək üçün
İrəvana səfər etmişdilər!
Ermənistan paytaxtı bir-birinə dəymişdi!
Erməni xalqı qalib Azərbaycanın
iki nümayəndəsinin öz paytaxtlarına səfərini
həzm edə bilmirdi!
Çünki biabırçı məğlubiyyətlərinin
ağrı-acısını get-gedə daha çox duyurlar!
Hələ mənasız etiraz
aksiyaları vaxtı Azərbaycanla Rusiya arasında yeni, daha
yüksəksəviyyəli dostluq və əməkdaşlıq
sənədinin imzalanmasından xəbərsiz idilər!
Üstəlik, bilmirdilər ki, yeni bəyannamədə
baş nazirlərinin gizlənərək qol çəkdiyi
kapitulyasiya aktındakı mühüm müddəaların
icrasının zəruriliyi də öz əksini tapıb!
Bəyannamənin 9-cu bəndində
yazılıb: “Rusiya Federasiyası və Azərbaycan Respublikası
regionda sabitlik və təhlükəsizliyin möhkəmləndirilməsi,
bütün iqtisadi və nəqliyyat əlaqələrinin bərpası
və Azərbaycan Respublikası ilə Ermənistan
Respublikası arasında münasibətlərin normallaşdırılması üçün
əsas kimi çıxış etmiş Azərbaycan Respublikasının
Prezidenti, Ermənistan Respublikasının baş naziri və
Rusiya Federasiyasının Prezidentinin 9/10 noyabr 2020-ci il tarixli,
11 yanvar 2021-ci il tarixli və 26 noyabr 2021-ci il tarixli bəyanatlarının
müddəalarının həyata keçirilməsi üzrə
səylərə bundan sonra da hər cür dəstək verəcəklər”.
Azərbaycan Prezidenti cənab
İlham Əliyev dünyada yeri, sözü olan və
özü görünən siyasi xadimdir!
Dövrümüzün ən
mahir diplomatlarındandır.
Ən böyük məharəti isə
kiçik Azərbaycanın maraqlarını böyük
dövlətlərin maraqları arasında qoruyub
saxlamağı, müstəqil siyasət yürütməyi,
dövlətini qovğalardan sovuşdurmağı
bacarmasındadır!
Etibarsız dünyada uzaqgörən
və çevik siyasət yürütməsən, salamat baş
saxlaya bilməzsən!
Azərbaycan bütün
dünya ilə, o cümlədən Avropa ilə sıx əməkdaşlıq
edir. Hazırda BMT-dən sonra ikinci ən böyük
siyasi təsisat olan Qoşulmama Hərəkatının sədridir.
Pandemiya dövründə
atdığı əməli addımları, səmərəli
təşəbbüsləri ilə bir sıra ölkələrə
müxtəlif yardımlar etdi, hörmət qazandı.
“Cənub qaz dəhlizi” layihəsini
vaxtında reallaşdırmaqla Avropa dövlətlərinin
indiki çətin məqamında qolundan tutdu, etibarlı tərəfdaş
olduğunu sübuta yetirdi, dostlarının sayını
artırdı.
Azərbaycan artıq Avropa
İttifaqı ilə mühüm saziş imzalamaq ərəfəsindədir!
Həmişə siyasətində,
əməlində düzdür, səmimidir, kimdənsə
kiməsə qarşı istifadə etməyə yol vermir və
özü də başqalarına yönəlik əməllərin
heç zaman iştirakçısına çevrilmir, nə
də buna şərait yaratmır.
***
Bütün dünya ilə
qarşılıqlı maraqlar əsasında dostluq əlaqələri
yaradan Azərbaycan niyə məqam yaranan kimi nəhəng
qonşusu Rusiya ilə əlaqələrini daha da
yaxşılaşdırmasın!
* Rusiya ən böyük
qonşumuzdur;
* Bu gün də yüz minlərlə
azərbaycanlı orada işləyərək çörək
qazanır;
* Rus elmi, mədəniyyəti, ictimai
fikrinin həmişə Azərbaycana təsiri olub və
inkişafında mühüm rol oynayıb;
* Rusiya ən böyük ticarət tərəfdaşımızdır
və ticari əlaqələrin həcmi 3 milyard dolları
keçib;
* Rusiya bölgədə əsas
söz sahibidir;
* Rusiyanın gücünü və
imkanlarını görmədən, maraqlarını nəzərə
almadan yeridilən siyasətin, atılan addımların
uğuru real görünmür.
İlham Əliyevin bir siyasətçi
kimi nəhəngliyi bunların hamısını bilməsində,
nəzərə almasında və dəqiq hesablamalar
aparmasındadır!
Reallıq göstərir ki,
Vətən müharibəsində əldə etdiyimiz Zəfərdən
sonra Cənubi Qafqazda formalaşmış yeni
konfiqurasiyanın əsas oyunçuları Azərbaycan,
Türkiyə və Rusiyadır. Azərbaycanın hər
iki ölkə ilə müttəfiqlik bəyannamələrini
imzalaması yeni konfiqurasiyanı rəsmən təsbit edir.
Moskva Bəyannaməsinin bəndləri
ilə yaxından tanışlıq oradakı müddəaların
Azərbaycanın maraqlarını tam əhatə etdiyini
göstərir.
Bir neçə bəndə birlikdə
nəzər salaq:
“1. Rusiya Federasiyası və Azərbaycan
Respublikası öz münasibətlərini müttəfiqlik
qarşılıqlı fəaliyyəti, iki ölkənin
müstəqilliyinə, dövlət suverenliyinə, ərazi
bütövlüyünə və dövlət sərhədlərinin
toxunulmazlığına qarşılıqlı hörmət,
eləcə də bir-birinin daxili işlərinə
qarışmamaq, hüquq bərabərliyi və
qarşılıqlı fayda, mübahisələrin dinc yolla həlli
və güc tətbiq etməmək və ya güclə hədələməmək
prinsiplərinə sadiqlik əsasında qururlar”.
“2. Rusiya Federasiyası və
Azərbaycan Respublikası öz milli maraqlarının
müdafiəsinə yönəlmiş müstəqil xarici
siyasət yürüdürlər”.
“18. Rusiya Federasiyası və Azərbaycan
Respublikası beynəlxalq terrorçuluq, ekstremizm və
separatçılıq təhdidlərinə, transmilli mütəşəkkil
cinayətkarlığa, silahların, narkotik vasitələrin
və onların prekursorlarının qanunsuz dövriyyəsinə,
insan alveri və informasiya-kommunikasiya texnologiyaları sahəsində
cinayətlərə, eləcə də digər yeni təhlükəsizlik
çağırışlarına qarşı mübarizədə
və onların neytrallaşdırılmasında səylərini
birləşdirirlər. Bu kontekstdə Tərəflər
məlumat mübadilə edir və qeyd edilən hüquqazidd fəaliyyətlərin
maliyyələşdirilməsi mənbələrinin müəyyən
edilməsi və qarşısının alınmasında
sıx qarşılıqlı fəaliyyət göstərirlər”.
***
Azərbaycan heç zaman heç kəsə
arxayın olmur, kimsənin arxasında gizlənmir, milli
maraqlarını heç bir halda qurban vermir!
Yaxın tariximiz də göstərdi
ki, ən doğru yol məhz budur!
BMT Təhlükəsizlik
Şurası otuz ildən çox müddətdə dörd məlum
qətnaməsinin icrası üçün sözdən o yana keçmədi...
ATƏT-in Minsk qrupu “öz aranızda
razılığa gəlin”, “bölgədə yeni
reallıqlar yaranıb” kimi cəfəng fikirlərlə
yaxasını münaqişənin sülh yolu ilə həllindən
kənara çəkdi...
Beynəlxalq qurum və təşkilatlar
nə ədaləti bərpa etdilər, nə də beynəlxalq
hüququn prinsiplərinin tətbiqinə cəhd göstərdilər...
Bircə dəfə də Ermənistana
qarşı sanksiya tətbiq olunmadı, işğal ərazisindən
çıxması üçün ona heç bir təzyiq
göstərilmədi...
Məhz buna görə də Azərbaycan
yalnız özünə, öz gücünə və
imkanlarına, dostlarının yardımına arxalanaraq
problemi hərbi yolla həll etdi!
Münasibət qurduğu
ölkələrdən silah-sursat aldı, yüksək hərbi
biliklərə malik zabit kadrları hazırladı,
qazandığı dostlar hesabına hərbi əməliyyatlar
dövründə bir neçə ədalətsiz
addımın atılmasının qarşısını
vaxtında aldı.
Tarix də göstərdi ki, ən
doğru yol Azərbaycanın tutduğu yol, Prezident İlham
Əliyevin atdığı cəsarətli və dəqiq
hesablanmış addımlardır!
Ermənistanın Rusiyadan
incidiyi indiki məqamda bizim Rusiya ilə dostluğu daha da
möhkəmləndirməyimiz olduqca vacibdir.
Müzəffər Ali Baş
Komandan İlham Əliyev 44 günlük Zəfər
müharibəsində Ermənistan ordusunu məhv etdi,
düşməni qarşısında diz
çökdürdü, kapitulyasiya aktını
imzalatdırdı.
Baş sərkərdəmiz
düşmənə təkcə hərb meydanında deyil,
informasiya cəbhəsində də qalib gəldi və bu
müharibənin yeganə baş qəhrəmanına
çevrildi!
İlham Əliyev bütün bu
möhtəşəm qələbələrini həm də
diplomatiya sahəsindəki yüksək peşəkarlığı,
uzaqgörənliyi və hadisələri qabaqlamağı,
vaxtında zəruri addımlar atmaq bacarığı ilə
qazandı!
***
Bu gün hərbi əməliyyatlar
başa çatıb, düşmən işğal ərazilərindən
qovulub, zəhərli dişi çəkilib!
Lakin zamana ehtiyacı olan məsələlər
və həllini gözləyən problemlər də var!
Belə ki, informasiya sahəsində
döyüşlər səngiməyib və hələ uzun
müddət davam edəcəkdir.
Əsas ağırlıq mərkəzi
isə diplomatiya müstəvisindədir.
Məğlub ermənini
müdafiə edənlər, sözünü deyənlər hələ
də azalmayıb.
Ordusu məhv edilən, əsgər,
zabit və generalları fərariyə çevrilən,
silah-sursatı tükənən Ermənistan isə
revanşizmdən dəm vurur, arada “status” deyə
sayıqlayır.
Dövlətimizin iqtisadi
gücünü və hərbi qüdrətini artırmaqla
yanaşı, diplomatiya sahəsindəki
çarpışmaları, bu cəbhənin əhəmiyyətini
də unutmamalıyıq!
* Müharibənin sülh
danışıqları fazasına keçməsinin təşəbbüsçüsü
və vasitəçisi Rusiyadır!
* Təslim aktında göstərilən
bəndlərin icra olunmasının qarantı Rusiyadır!
* Azərbaycanla Ermənistan
arasında danışıqların vasitəçisi yenə
Rusiyadır!
* ATƏT-in Minsk qrupunun
ağırlıqlarını daşıyan və hardasa onu əvəz
edən Rusiyadır!
* Faktiki olaraq
çözülmüş münaqişənin son
akkordları da Rusiyanın ağsaqqallığı ilə
münaqişə tərəfləri arasında
vurulmaqdadır.
Bir gözü və bir ayağı
Qərbdə olan Ermənistan Rusiyadan narazıdır və
bunu heç gizlətmir də!
Hələ imkanı
düşəndə 102-ci bazanın ölkədən
çıxarılacağı ilə hədələyir.
Belə olan halda Rusiya ilə əməkdaşlıq
niyə də genişləndirilməsin və dərinləşdirilməsin!
Əslində, bizim
yaxınlaşmağımız həm də Ermənistanın
Rusiyadan aralanması, narazılığının daha da
artması deməkdir!
Qayda belədir: döyüşən
tərəf dostlarının, tərəfdarlarının
sayını artırmalıdır!
Dostun nə qədər çoxdursa,
gücün də bir o qədər çox olur!
Düşməni təkləmək,
müdafiəsini zəiflətmək isə diplomatiyanın
üzərinə düşən vəzifədir!
Azərbaycan Prezidenti İlham
Əliyev dayanmadan Vətən müharibəsindəki
şanlı Zəfəri daha da artırır və möhkəmləndirir!
Həm Qarabağı yenidən
tikib-qurub bərpa etməklə, həm bu regionu əməkdaşlıq,
ticari əlaqələr üçün açmaqla, həm də
diplomatiya sahəsində yeni nailiyyətlərə imza atmaqla!
Məğlub və dilənçi, əhalisi
miqranta çevrilən Ermənistan isə hadisələrin
arxasınca sürünməkdədir!
Bəxtiyar SADIQOV
Azərbaycan.-
2022.- 25 fevral.- S.1; 7.