Ermənistanın dövlət borcu 10 milyard dollara yaxınlaşır
Ölkədə sosial-iqtisadi böhran milli fəlakətə çevrilir
Son ayların təhlili
Ermənistanda sosial-iqtisadi
durumun getdikcə daha ağır vəziyyətə düşdüyünü,
ölkədə insanların
böyük məhrumiyyətlər
içində yaşamağa
məcbur olduğunu göstərir. Bu vəziyyətdən
xilas olmaq üçün isə mövcud Ermənistan hakimiyyəti tərəfindən
əhaliyə hansısa
inandırıcı perspektiv
vəd edilmir. Bütün bunlar Ermənistan iqtidarı ilə əhali arasında daha böyük uçurumun yaranmasıyla
müşayiət olunur.
Ermənistan Maliyyə Nazirliyinin
məlumatına görə,
2022-ci il may ayının
sonunda dövlət borcu təxminən 9 milyard 581 milyon dollar təşkil edib ki, bu da
ilin əvvəli ilə müqayisədə
355 milyon dollar və ya 3,8 faiz çoxdur.
Daxili borc 18,2 faiz artaraq
3 milyard 047 milyon dollar
təşkil edib. Əgər bu ilin əvvəli ilə müqayisədə
ilin sonunda dolların məzənnəsi
aşağı olarsa,
Ermənistanın dram ifadəsində
dövlət borcu daha az olarsa,
o zaman dövlət borcu ÜDM nisbəti proqnozlaşdırılan 60,2
faizdən aşağı
olacaq. Dollar ucuzlaşanda
dövlət üçün
borc yükü müəyyən qədər
yüngülləşir. Ermənistanın dövlət borcunun
əsas hissəsini, təxminən 70 faizini xarici borclar təşkil edir. Əsasən dollarla alınır və ödənilir, lakin dövlət büdcəsindən
məbləğ təbii
olaraq Ermənistan dramı ilə verilir, ona görə
də dollar nə qədər ucuz olsa, dövlət borcunun əsas məbləğlərinə və
faiz ödənişlərinə
bir o qədər az vəsait
yönəldilir. May ayının sonundan, xüsusən də iyunun ilk iki həftəsində dram dollar qarşısında
kəskin bahalaşıb.
Digər
tərəfdən ailəsini
dolandırmaq xatirinə
ölkəni tərk edənlərin sayının
artması, iş adamlarına açıq-aşkar
təzyiqlər göstərilməsi
və onlardan haqq tələb olunması, istər xarici, istərsə də yerli investorların
Ermənistana sərmayə
yatırmaqdan boyun qaçırmaları investisiya
qoyuluşunun kəskin
şəkildə azalmasına
təsir edən başlıca amillərdəndir.
Xarici investorlar iqtisadi inkişafı sual altında olan və məmurların
öz səlahiyyətlərini
aşaraq özbaşınalıq
etdikləri bir ölkənin iqtisadiyyatına
sərmayə yatırılmasının
nə dərəcədə
böyük risk olduğunu
yaxşı bilirlər.
Xarici və yerli sərmayədarların
inamsızlığı nəticəsində
investisiya qoyuluşunun
kəskin azalması iqtisadiyyatı getdikcə tənəzzülə uğramaqda
olan Ermənistanı daha ağır vəziyyətə salıb.
Bu arada Ermənistan Mərkəzi Bankı illərdir bəyan edir ki, ölkə "üzən məzənnə" siyasəti aparır. Bu gün isə İrəvanda dolların və avronun məzənnəsi kifayət qədər sürətlə aşağı düşür, əvəzində rublun qiyməti qalxır, bu da təbii olaraq Ermənistan vətəndaşlarında ölkənin maliyyə bazarında baş verənlərlə bağlı böyük həyəcan yaradır. Ermənistan geniş geosiyasi və geoiqtisadi dəyişikliklərin təsirini hiss edir ki, bu da bir neçə amildə özünü göstərir və bununla da məzənnə bazarında əhəmiyyətli dəyişikliklərə səbəb olur.
Ukrayna münaqişəsi fonunda Ermənistanın Rusiya qazının pulunu rublla ödəməyə başladığı barədə məlumatlar var idi. Bu o deməkdir ki, Ermənistanda dollara tələbat ən azı "ArmRosQazprom"un "Qazprom"a ödəməyə getdiyi qədər azalıb. Nəticədə valyutaya tələb ayda on milyonlarla dollar azalıb, bu da onun ucuzlaşmasına səbəb olan amildir. Üstəlik, tələbin azalması ilə yanaşı, məsələn, Rusiyaya qarşı beynəlxalq sanksiyalar fonunda Ermənistana köçən on minlərlə rus təklif çatışmazlığını artırıb. Onların əksəriyyəti rublla deyil, dollarla ölkəyə gəlib. Bu isə o deməkdir ki, Ermənistanda dollara tələbat azalıb, əvəzində təklif artıb, bu da təbii olaraq onun qiymətinin ucuzlaşmasına "töhfə verir".
2021-ci ildə ölkədə nominal əməkhaqqı 7,6 faiz, qiymətlər isə 7,2 faiz artıb. Belə çıxır ki, işçilərin real gəlirlərində cəmi 0,4 faiz artım olub. Bundan əlavə, orta real gəlirlərdən danışarkən pensiya, müavinət və s. sahəsində azalma əslində daha böyükdür.
Banklarda isə vəziyyət çox acınacaqlıdır. İl ərzində Mərkəzi Bankın ehtiyatları təxminən 200 milyon dollar azalıb. 2021-ci ilin sonunda iqtisadiyyata kredit verilməsi məhdudlaşdırılıb. Bununla bərabər, 2021-ci ilin mart-dekabr aylarında kommersiya bankları tərəfindən verilən kreditlərin həcmi 150 milyard dram azalıb.
Beləliklə,
proseslər Ermənistanın sürətlə məhvinə
doğru yaxınlaşdığını bir daha təsdiq
edir.
Elçin CƏFƏROV,
Azərbaycan.-2022.- 1 iyul.- S.12.