Xalq yazıçısı: Bu gün bütün dünyaya Şuşanı dirçəltdiyimizi nümayiş etdiririk

Ötən bir il ərzində Şuşa çox dəyişib. Tarixi şəhərimiz nəzərəçarpan dərəcədə, ildırım sürəti ilə bərpa olunur, gözəlləşir. Şəhər adamı o qədər cəzb edir ki, buraya gələnlər geri qayıtmaq istəmirlər. Şuşada olmaq, onun havasını ciyərlərimizə çəkmək də bizim üçün bayramdır.

Bunu AZƏRTAC-a müsahibəsində Xalq yazıçısı Natiq Rəsulzadə deyib.

Şuşanın Azərbaycanın mədəni qəlbinə çevrildiyini deyən Xalq yazıçısı bildirib: “Azad Şuşa bir çox vacib mərasim, tədbir və festivallara ev sahibliyi edir, əvvəlki ənənələr bərpa olunur. İkinci dəfədir mədəniyyət beşiyimizdə keçirilən Vaqif Poeziya Günləri də bərpa olunan ənənələr sırasındadır. Bütün dünyaya Şuşanı dirçəltdiyimizi nümayiş etdiririk. İnanıram ki, Şuşa yaxın illərdə tam bərpa olunacaq və dünyanın ən gözəl şəhərlərindən birinə çevriləcək”.

Azərbaycan.-2022.- 16 iyul.- S.8.