Parlament sədrlərinin
İkinci Üçtərəfli Görüşünün
iştirakçıları “Baykar” istehsal müəssisəsində olublar
Azərbaycan, Pakistan və Türkiyə parlamentlərinin sədrlərinin İstanbulda keçirilən İkinci Üçtərəfli Görüşünün iştirakçıları İstanbulda “Baykar” istehsal müəssisəsində olublar.
Parlamentin
Mətbuat və ictimaiyyətlə əlaqələr
şöbəsindən AZƏRTAC-a bildirilib ki, burada Milli Məclisin
sədri Sahibə Qafarovaya, Türkiyə Böyük Millət
Məclisinin sədri Mustafa Şentopa, Pakistan İslam
Respublikası Milli Assambleyasının sədri Raca Pərviz
Əşrəfə və onların başçılıq
etdikləri nümayəndə heyətlərinin üzvlərinə
Türkiyənin Milli Texnologiya Mərkəzi, “Baykar” istehsal
müəssisəsində hazırlanan məhsullar və
aparılan araşdırmalar barədə məlumat verilib.
Sonra
qonaqlar “Baykar” tərəfindən hazırlanmış məhsullarla
tanış olublar.
Azərbaycan.-2022.- 23 iyul.- S.3.