ABŞ-ın siyasi tarixində bir ilk
Respublikaçıların və demokratların
sabiq üzvləri yeni partiyada birləşərək üçüncü
böyük siyasi qüvvə yaratdıqlarını
elan etdilər
ABŞ-dakı tarixi
ikipartiyalı sistem üçüncü böyük
siyasi qüvvənin yaradılması ilə dəyişdirilə bilər. Belə ki,
tanınmış respublikaçı
və demokratlar "İrəli" adlı yeni partiyanın təsis olunduğunu elan ediblər. Bu barədə partiyanın təsisçilərinə istinadən "Röyter"
agentliyi xəbər verir.
Təsisçilərin dediyinə görə, yeni siyasi qüvvənin
hələlik konkret gündəmi yoxdur, lakin özünü mərkəzçi partiya
kimi təsdiqləməyi
planlaşdırır. Onlar
"Amerikanın üzləşdiyi
böyük problemləri
necə həll edəcəyik?" sualını
belə cavablandırıblar:
"Nə sola, nə
də sağa. İrəli".
Agentlik qeyd edir ki, partiya
proqramının əsas
müddəaları "ədalətli,
firavan iqtisadiyyatın
dirçəldilməsi", həmçinin "amerikalılar
üçün daha çox seçim, fəaliyyət göstərən
hökumətə daha
çox inam və gələcək haqqında öz fikirlərini bildirmək üçün daha çox imkanlar"dır.
"İrəli" bütün
ştatlarda qeydiyyatdankeçmək
niyyətindədir
Partiya üç təşkilatın
birliyinə əsaslanır.
Bunlardan birincisi Ronald Reyqan, Corc Buş (ata), Corc Buş
(oğul) və Donald
Tramp administrasiyalarından keçmiş
respublikaçılar tərəfindən
2021-ci ildə yaradılan
"Renew America Movement" ("Amerikanı
Yenilə") Hərəkatıdır.
İkinci üzv prezidentliyə keçmiş demokrat namizəd Endryu Yanqın ilkin "İrəli" (Forward Party) Partiyasıdır. Bundan əlavə,
yeni siyasi qüvvədə sabiq respublikaçı konqresmen
Devid Colli ətrafında birləşmiş
keçmiş demokratlar,
respublikaçılar və
müstəqil siyasətçilər
qrupu olan - "Serve
America Movement" (Amerikaya Xidmət
Hərəkatı) də
iştirak edir.
Yeni partiyanın
təsisçiləri 2023-cü ilin sonuna kimi
30 ştatda, 2024-cü ilin
sonuna qədər isə 50 ştatın hamısında qeydiyyata və seçkilərə
çıxış əldə
etmək niyyətindədirlər.
XIX əsrin ortalarından ikipartiyalı sistem fəaliyyət göstərir
XIX əsrin ortalarından
bəri ABŞ-ın siyasi həyatında yalnız iki böyük partiya - Demokratlar və Respublikaçılar mühüm
əhəmiyyət kəsb
edir. Digər siyasi qüvvələr
isə yalnız bəzi hallarda siyasi həyatın gedişatına əhəmiyyətli
dərəcədə təsir
göstərə bilirlər.
Bu cür hallardan biri 2000-ci ildə, Ralf Neyderin
Yaşıllar Partiyasının
təmsilçisi kimi
prezidentliyə namizədliyini
irəli sürdüyü
və 3 milyon səs (2,74 faiz) aldığı zaman baş verib. Onun qazandığı səslərin
demokrat Albert Qordan alınaraq Corc Buşa verilməsi ilə respublikaçı
namizədin qalib gəlməsinə kömək
etdiyi güman olunur.
Son məlumata görə,
yeni partiyaya Endryu Yanq və
Nyu Cersi ştatının keçmiş
qubernatoru Kristin Todd Uitman
rəhbərlik edəcəklər.
Onlar
"Röyter"agentliyinə mərkəzçi "İrəli"
Partiyasının ABŞ-ın
iki əsas partiyasına alternativ olacağına ümid etdiklərini deyiblər. Bildirilib ki, partiya Amerikanın "uğursuz ikipartiyalı sistemi"ndən təşvişə
düşən seçicilərə
müraciət edəcək.
R.CƏFƏROV
Azərbaycan.- 2022.- 30 iyul.- S.1; 9.