Qisasımızı döyüş meydanında aldıq

Azərbaycan müharibəni də ləyaqətlə apardı

“...İndi dünyada bir çox yerdə müharibələr gedib, gedir və əfsuslar olsun ki, gedəcək. Bu gedən müharibələrə diqqət yetirsək, hesab edirəm ki, həm Azərbaycan xalqı, həm bütün dünya ictimaiyyəti bir daha Azərbaycan xalqının böyüklüyünü və Azərbaycan rəhbərliyinin məsuliyyətini görür”.

Martın 17-də Azərbaycan Prezidenti İlham Əliyev 23 yaşadək idmançıların Bolqarıstanda keçirilmiş güləş üzrə VII Avropa Çempionatının iştirakçılarının qəbulu zamanı səsləndirdiyi kimi, öz tarixi torpaqlarını işğalçılardan azad etmək üçün apardığı Vətən müharibəsində də Azərbaycan heç zaman insanpərvərliyini itirmədi, müharibə cinayətləri törətmədi.

Baxmayaraq ki, tarixin müxtəlif dönəmlərində və son 30 ildə Azərbaycan xalqı faşist xislətli erməni millətçiləri tərəfindən həyata keçirilən etnik təmizləməyə, soyqırımına məruz qalıb. Xalqımız bəşər tarixində bənzərinə rast gəlinməyən Xocalı soyqırımı kimi tükürpərdən bir faciə yaşayıb, soydaşlarımız doğma yurdlarından qovularaq köçkün həyatı keçirməyə məcbur olub. Amma genetik kodunda humanizm kimi yüksək bəşəri keyfiyyətlər kodlaşan xalqımız heç zaman qan tökülməsinə razı olmayıb, hər zaman sülhə tərəfdar çıxıb.

Ermənistan dinc əhaliyə qarşı terror törətdi

Hünər meydanında, açıq döyüşlərdə hər zaman qorxaqcasına qaçan, daim kimlərinsə kölgəsində dolanan, xislətində qəddarlıq, qaniçənlik, xainlik, namərdlik kimi naqis hisslər daşıyan erməni barbarları hər fürsətdə gücünü yalnız silahsız, müdafiəsiz insanların üzərində sınamağı üstün tutub.

2020-ci il sentyabrın 27-dən etibarən də erməni vandallarının namərd hücumlarının şahidi olduq. Dövlət siyasəti faşist ideologiyasına köklənmiş Ermənistan müharibə boyu beynəlxalq hüququn norma və prinsiplərini kobud şəkildə pozaraq dinc əhaliyə qarşı terror törətdi. Hətta özlərinin yalvarışları sayəsində razılaşdırılıb elan edilmiş humanitar atəşkəs rejimlərini də hər dəfəsində kobudcasına pozan Ermənistan silahlı bölmələri gecə-gündüz yaşayış məntəqələrimizi atəşə tutdu.

Azərbaycan əsgəri düşmənin yalnız hərbi obyektlərini nişan aldığı halda, erməni silahlı qüvvələri həm cəbhəboyu rayon və kəndlərimizi, həm də cəbhə zonasından uzaq məsafədə yerləşən şəhərlərimizi ağır artilleriya və raket atəşinə tutub, mülki əhalini hədəf aldı. Mənfur düşmən müharibə boyu qadağan olunmuş silahlardan istifadə etdi.

İşğalçı Ermənistan bu əməlləri ilə sivil dəyərlərdən kənar, mülki insanlara və azyaşlı uşaqlara qarşı xain hücumlar törədən terrorçu ölkə olduğunu növbəti dəfə təsdiq etdi, faşizm mahiyyətini bir daha sübuta yetirdi.

44 günlük müharibə dövründə Gəncədə törətdikləri soyqırımı, Bərdədə, Tərtərdə mülki əhalini hədəfə almaları, bütöv ailələrin həyatlarına son qoymaları, körpə uşaqların, qocaların öldürülməsi ermənilərin insanlıq suçu kimi tarixə qara izlərlə həkk olunub. Faşist xislətli ermənilər bu vəhşiliklərini bütün dünyanın gözü qarşısında törədib və qaniçənliklərini bir daha təkzibolunmaz şəkildə gözlər önünə səriblər. Hətta illərdir erməni vandallığını, vəhşiliyini görməzdən gələn ermənipərəst dairələr də bu mənfur tayfanın 44 gün ərzində törətdikləri cinayətləri ört-basdır etməkdə aciz qalıblar. Müharibədən sonra azad olunan torpaqlarda üzə çıxan erməni vəhşiliyi, onların insanlara, daşa, torpağa, dini, mədəni dəyərlərə qənim kəsilmələri isə bir başqa yöndən iyrənc simalarını ortaya qoyub.

Azərbaycanın hədəfi yalnız işğalçı ordu idi

44 günlük müharibə boyu Azərbaycan Ordusu beynəlxalq humanitar hüquqa əməl etdi, onun hədəfi yalnız Ermənistanın işğalçı ordusuna məxsus legitim hərbi hədəflər idi. Onu da vurğulayaq ki, müharibə getdiyi ərəfədə Azərbaycan humanitar dəhlizlərin açılması, beynəlxalq humanitar hüququn norma və prinsiplərinin tətbiq edilməsinə hazır olduğunu bildirərək bu barədə erməni əhalisinə müraciət etdi. Müraciət həyatını qurtarmaq məqsədilə könüllü qaydada təslim olmaq istəyən düşmənin hərbi qulluqçularına da şamil edildi. Hətta qarşı tərəfdəki mülki insanlara müraciət olunaraq hərbi obyektlərdən kənarda olmaları tövsiyə edildi. O da xüsusilə qeyd olunmalı faktdır ki, Azərbaycan Ordusu əks-hücum əməliyyatı zamanı qadağan olunmuş silah növlərindən də istifadə etmədi.

Prezident İlham Əliyevin sözügedən çıxışında da vurğuladığı kimi, bütün dünya, bütün hərbi ekspertlər artıq bunu dəfələrlə qeyd edirlər ki, Azərbaycan bu müharibəni həm böyük məharətlə, ustalıqla aparıb, qısa müddət ərzində istədiyinə nail olub, həm də bütün müharibə qanunlarına riayət edərək ləyaqətlə aparıb: “Məhz buna görə düşmən tərəfində mülki əhali arasında itkilər 30-dan da az idi. O da məhz ona görə ki, o mülki vətəndaşlar döyüşlərdə iştirak edirdilər”.

Bəli, Azərbaycan müharibəni ləyaqətlə aparıb. Mülki əhaliyə qarşı vuruşmayıb, mülki əhalinin yerləşdiyi obyektləri hədəf seçməyib, qəddarlıqla məşğul olmayıb və düşməndən qisasını yalnız döyüş meydanında alıb.

Yasəmən MUSAYEVA

Azərbaycan.- 2022.- 19 mart.- S.1; 3.