Tovuzda ozan-aşıq sənətinin nümayəndələri ilə görüş keçirilib

Tovuz rayonunun Bozalqanlı kəndində yerləşən Aşıq Sənəti Dövlət Muzeyində Tovuz rayon icra hakimiyyətinin və Ağstafa Regional Mədəniyyət İdarəsinin birgə təşkilatçılığı ilə Tovuz, Ağstafa və Qazax rayonlarından olan aşıqlarla görüş keçirilmişdir.

Görüşdə Tovuz Rayon İcra Hakimiyyətinin başçısı Məmməd Məmmədov Prezident İlham Əliyevin və Birinci vitse-prezident Mehriban xanım Əliyevanın aşıq sənətini daim diqqətdə saxladıqlarını diqqətə çatdırmış, Qərb regionunun qədim aşıq sənətinin ən çox təbliğ edilən region olduğunu bildirmişdir. Ağstafa Regional Mədəniyyət İdarəsinin rəisi Nurəddin Mehdiyev isə Azərbaycan aşıq sənətinin UNESCO-nun qeyri-maddi mədəni irs siyahısına daxil edilməsinin əhəmiyyətini vurğulayaraq bu sənətin həm yaşlı, həm orta, həm də gənc nəsil nümayəndələri tərəfindən qorunub saxlanmasının və inkişaf etdirilməsinin əhəmiyyətindən danışmışdır.

Görüş aşıq sənətinin inkişafı və gələcəyi ilə bağlı ozan-aşıq sənətinin görkəmli nümayəndələri ilə aparılan fikir mübadiləsi və qarşılıqlı müzakirə şəraitində davam etmişdir.

Sabir ƏLİYEV

Azərbaycan. - 2022.- 15 may.- S.12.