Vətən oldu oğullar…
Şəhidin var, Vətən!
Qaraca torpağını al-qanıyla suvarıb laləzara çevirən sevdalıların…
Şəhidin var, Vətən!
Zərrən uğrunda canını heçə sayan igidlərin…
Şəhidin var, Vətən!
Özünü sənə qurban deyən milyonların...
Başın sağ olsun, Vətən!
Təki sən sağ ol, Vətən!..
Əbədiyyət
yolçuları
Qaralar bağlama,
ana, saçlarını
yolub rüzgarlarla sovurma!
Ana, sil gözlərinin yaşını,
ağlama!
Köksümdəki o al yaraya
baxıb sızlama...
Sən ki hamıdan çox bələdsən mənə...
Bilmirsənmi, düşmən gülləsindən
ölmərəm?!
Başını uca tut, ana!
Sən cismimə
sarılmış o üçrəngli
müqəddəs bayrağa
bax...
Göylərə bax...
Oradan gülümsəyəcəm
sənə,
Günəşin bir zərrəsindən, ulduzların
şəfəqindən...
Səsləyəcəm səni...
Buludların göz yaşı misalı
Yer üzünə axıtdığı hüznlü
damlaların,
həzin laylasında
qulaq ver ünümə...
Əlvida, ana!
Ürəyindən süzülərək
gözlərindən axan
yaşla arxamca su çilə, ana!
Mən əbədiyyət
yolçuluğuna çıxmışam...
Ölməz ruhumla Tanrıya sarı üz tutmuşam...
Canım sənə
fəda, Vətən
2022-ci ilin
son baharında xalqımızın
bağrına od-alov düşdü. Pəhləvancüssəli oğlanlarının şəhidlik xəbəri
ilə sarsıldı,
düşmənə qəzəb
atəşi ilə silahlandı. Mənfur,
faşistxislətli ermənilərin
namərdlikləri nəticəsində
neçə-neçə ana-atalar
oğulsuz, övladlar
atasız, həyat yoldaşları başsız
qaldı...
Həmin gün - sentyabrın 12-də
gecənin zülmətindən
istifadə edən yağı düşmən
fitnə-fəsadla yurduma
soxulmaq istəmişdi. Lakin mənfurların
bu bədnam istəkləri gözlərində
qaldı və hünərli oğullarımız
onlara elə bir toy tutdular ki, ağır aqibətlərini min illərin
o üzündə belə
unuda bilməyəcəklər.
"Canım
sənə fəda, Vətən" deyə irəli atılan igidlərimiz ana torpaq uğrunda ölüm-dirim savaşına
çıxdılar, düşmənə
nə yerdə, nə də göydə aman verməyib onların külünü göyə
sovurdular. Lazım gəldiyi anda
Azərbaycanın qəhrəman
oğulları Vətən
yolunda sinələrini
düşmən gülləsinə
sipər etməkdən
belə çəkinmədilər,
bu uğurda son damla qanlarınadək vuruşub şəhadətə
yüksəlməyi özlərinə
şərəf bildilər.
Bir daha bütün dünyaya sübut etdilər ki, bu torpaq onlar
üçün, sadəcə,
quru yer deyil, qanları ilə suvarıb laləzar çəmənliyə
çevirdikləri, bayraqlarımızın
qürurla dalğalandığı
ana Vətəndir.
Biz bir ölürüksə,
min dirilirik
O gün qorxaq, xain, hiyləgər
düşmən bir anlıq qəflətə
düşərək, quduz
iştahlara qapılmağa
cürət etmişdi,
amma dərhal da başına dəyən "dəmir yumruğ"un zərbəsindən
sarsılaraq bir daha anlamışdı ki, Azərbaycan ərənlərinin qarşısında
alçaq düşmən
heç vaxt at oynada bilməz. Çünki biz haqq yolunda
bir ölürüksə,
min dirilirik.
Elə faşistxislətli
düşmənin həmin
vaxt törətdiyi təxribatlara qarşılıq
olaraq, Azərbaycan Silahlı Qüvvələrinə
uğurlu əməliyyat
üçün cəmi
7 saat vaxt bəs etdi:
- Laçın, Kəlbəcər və Zəngilan istiqamətində
sərhəddə Ermənistanın
qurduğu bütün
hərbi təyinatlı
obyektləri darmadağın
etməyə;
- bölgədə
bütün nəqliyyat-kommunikasiya
sistemini, çox mühüm yüksəklikləri
nəzarətə götürməyə;
- Ermənistanın
xeyli sayda hərbi texnikasını,
yüz milyonlarla dollardan artıq dəyəri olan iki S-300 raketini, 200 nəfərə yaxın canlı qüvvəsini, çoxlu sayda hərbi obyektini və onlarca postunu məhv etməyə.
Rəşadətli Azərbaycan
Ordusu 7 saatlıq
qısa zaman kəsiyində həm düşmənin layiqli cavabını verdi, həm də şəhidlərimizin qanını
yerdə qoymayaraq onların qisasını aldı.
Vətən eşqi
Bəli, bu oğullar könül bağıyla bağlıdırlar
can Azərbaycana…
Sevdaların ən tutqulusunu, sevginin ən ülvisini Vətən eşqi sayırlar…
Vətənin bağrında
daşa dönməyə,
qəlbində pardaqlanmış
qönçələrə çevrilməyə, al-qanlarıyla
torpağa "Vətən"
yazmağa, torpağı
Vətən etməyə
könüllü olublar…
Möcüzənə şükür,
İlahi, bu oğullar kiçik ürəklərinə dağ
boyda Vətən sığdıra biliblər...
Fəth ediləcək,
ucalacaq ən yüksək zirvəni şəhadət sayırlar
özlərinə…
Uca məqamınız
qarşısında baş
əyirik, ruhunuz şad olsun, Vətən oğulları!
Bu torpaqdan yoğruldu…
Bu torpaqdan doğuldu...
Bu torpağa can oldu...
Şəhid oldu oğullar…
Vətən oldu oğullar…
Yasəmən MUSAYEVA
Azərbaycan.-
2022.- 15 sentyabr.- S.1; 6.