Səfir Ali Kaan Orbay: “Türkiyədə zəlzələnin ilk günündən ən çox və tez yardım göndərən Azərbaycan olub”

Türkiyədə zəlzələ baş verən gündən Azərbaycan dövləti və Gürcüstanda yaşayan azərbaycanlılar daim bizim yanımızda olublar. Bu, əsl qardaşlığın, bir millət, iki dövlət olmağımızın sübutudur.

Bu sözləri AZƏRTAC-a müsahibəsində Türkiyənin Gürcüstandakı səfiri Ali Kaan Orbay söyləyib.

Səfir deyib ki, Türkiyədə baş verən müdhiş faciənin ilk günündən ən çox və ən tez yardım göndərən Azərbaycan olub. Gürcüstanda yaşayan azərbaycanlılar da əsl qardaşlıq nümayiş etdirirlər. Bu, başqa ölkələr üçün də nümunədir.

“Mən bu dəstəyə, köməyə görə qardaş Azərbaycan xalqına, şəxsən Prezident İlham Əliyevə, Birinci vitse-prezident Mehriban xanım Əliyevaya, eləcə də Gürcüstanda yaşayan azərbaycanlılara minnətdarlığımı bildirirəm”, – deyə Ali Kaan Orbay vurğulayıb.

Onun sözlərinə görə, Gürcüstanda yaşayan azərbaycanlılar, eləcə də gürcü dostlar bu günə qədər Türkiyədə zəlzələdən zərər çəkən insanlar üçün xeyli humanitar yardım toplayıblar. Bu da, eyni zamanda, Azərbaycan-Türkiyə-Gürcüstan dostluğunun, qardaşlığının bariz nümunəsidir.

Azərbaycan.- 2023.- 15 fevral.- S.7.