Noyabrın 8-də ilk
dəfə Şuşa
Şəhəri Günü
qeyd edildi. Bu, işğaldan azad edilmiş şəhərlərimizlə bağlı
keçirilən ilk belə tədbir deyil. Yeri gəlmişkən,
xatırladaq ki, Prezident İlham Əliyev işğaldan azad edilmiş bütün şəhərlərimizin
günlərinin qeyd edilməsi barədə sərəncam imzalamışdır
və həmin sərəncamın icrası
çərçivəsində Qarabağ və Şərqi Zəngəzurun
şəhərlərinin işğaldan
azad olunduqları tarixlər xüsusi günlər kimi qeyd edilir.
Bu gün isə işğaldan azad edilmiş Qarabağ və Şərqi Zəngəzur
yenidən qurulur, minalardan təmizləndikdən
sonra bütün ərazilərdə sürətlə
genişmiqyaslı tikinti
və bərpa işləri aparılır.
Bu, Prezidentin 2022-ci il 16 noyabr tarixli
sərəncamı ilə
təsdiq edilmiş
"Azərbaycan Respublikasının
işğaldan azad edilmiş ərazilərinə
Böyük Qayıdışa
dair I Dövlət Proqramı"nın icrası
deməkdir. Hətta artıq insanlar geriyə - yurd yerlərinə dönməyə
başlamışlar. Hamı
əmindir ki, erməni işğalçılarının
viran qoyduğu şəhərlər bir neçə ilə ayağa qaldırılacaq.
Biz hər ucalan bina ilə,
hər bərpa edilən abidəmizlə düşmən
üzərində çaldığımız
qələbəni bir
daha təsdiq edəcəyik. Qarabağın
hər qarış torpağının bizim üçün nə dərəcədə müqəddəs
olduğunu və onu necə məhəbbətlə
bərpa etdiyimizi, necə cənnətə döndərdiyimizi bütün
dünyaya da, düşmənə də
göstərəcəyik. Bundan
sonra qeyd edəcəyimiz hər şəhər günü
bizi bir daha möhtəşəm
qələbələrə, eyni zamanda bundan
sonra ayıq olmağa səsləyəcək.
Hazırda dünya
əhalisinin yarıdan
çoxu şəhərlərdə
yaşayır və bu minvalla 2050-ci ilə qədər planetin əhalisinin 68 faizinin şəhərlərə
köçəcəyi gözlənilir.
Hər gün Yer kürəsində şəhər əhalisinin
sayı 180 min nəfər artır. Şəhərlər böyüdükcə
onların problemləri
də çoxalır.
Beləliklə, şəhərlərdə
həyat tərzi dəyişdikcə, müasirləşdikcə
insanların rahatlığını
və dincliyini nəzərə alan tədbirlərin siyahısı
uzanır. İndi bütün şəhərlərdə
həyat tərzinin yaxşılaşdırılması ilə bağlı müəyyən tədbirlər
həyata keçirilir,
təcrübə mübadiləsi
aparılır və yeniliklər tətbiq edilir. Urbanizasiya problemləri artdıqca şəhərsalmaya da fərqli rakursdan yanaşılır, gündəmə
yeni problemlər fərqli tərzdə çıxarılır.
Qayıdaq yenə
ölkəmizə. Azərbaycanın
ən qədim və tarixi şəhərləri 30 il
erməni işğalı
altında darmadağın
edilərək Yer üzündən silinmişdir.
Erməni faşistləri
bütün Qarabağdan
və Şərqi Zəngəzurdan Azərbaycanın
tarixi izlərini silmək məqsədilə
yolları belə dağıtmış, binaların
himlərini belə sökmüşlər. Amma
yanılmışlar. Bu
gün bütün Qarabağ və Şərqi Zəngəzur
heç kimin ağlına gəlməyən
bir tərzdə yenidən bərpa edilir, şəhərlərimiz
daha möhtəşəm
bir görkəm alır. Dünyada hər il noyabrın
ilk günü Beynəlxalq Şəhərlər
Günü kimi qeyd olunur. Amma
bizim öz şəhər günlərimiz
var: 26 Avqust - Laçın Şəhəri
Günü; 4 Oktyabr -
Cəbrayıl Şəhəri
Günü; 17 Oktyabr
- Füzuli Şəhəri
Günü; 20 Oktyabr
- Zəngilan Şəhəri
Günü; 25 Oktyabr
- Qubadlı Şəhəri
Günü; 8 Noyabr - Şuşa Şəhəri
Günü; 20 Noyabr -
Ağdam Şəhəri
Günü və 25 Noyabr - Kəlbəcər Şəhəri Günü.
Ümumiyyətlə, son illər bütün şəhərlərimizin
inkişafı istiqamətində
mühüm addımlar
atılmışdır. Vaxt
var idi postsovet
məkanında Bakını
yalnız neft şəhəri kimi tanıyırdılar. Amma
indi Bakıya aşiq olan, onu görməyə can atanların sayı-hesabı yoxdur. Keçmişin çalarları
ilə müasir memarlıq cizgilərinin ecazkar tərzdə uzlaşdığı paytaxtımız
gülərüz insanları
ilə milyonların qəlbini fəth edir. Çünki Bakı 10-20 il əvvəlki deyil, hamının qəlbini riqqətə gətirən
bir şəhərdir.
Elə rayon mərkəzlərimizin də
görkəmi sürətlə
dəyişir. Yeni parklar, yeni binalar
yerli insanlara rahatlıq, dinclik gətirir, əcnəbiləri
isə valeh edir. 20-30 il öncə vaxt var idi bizim
rayon mərkəzlərinin
darıxdırıcı və
yeknəsək bir görkəmi vardı. Yaxşı yadımdadır,
ötən əsrin
70-75-ci illərində Qubaya
yeni birinci katıb təyin edilmişdi. İşə
başladığı gündən
harada dağınıq
yer vardısa, qarşısını bir
hasarla hördürürdü.
Bir-iki aydan sonra ona hamı
"Çəpərxan" deyirdi.
İndi isə
Qubaya gələn ona valeh olur.
Şəhərin müasir
mərkəzi formalaşıb
və bu qədim şəhərdə
yeni memarlıq abidələri köhnə
tikililərlə harmoniya
yaradır. Vaxt vardı rayon mərkəzlərində qadının
küçəyə, parka
çıxması ayıb
sayılardı. Çünki
bu yerlərdə adam olmazdı. Amma indi parklarımız
öz gözəlliyi
ilə uşaqların
və qadınların
istirahət mərkəzinə
çevrilib. Bəli,
şəhərlərimiz abadlaşdıqca,
inkişaf etdikcə özümüz də dəyişirik - daha fərqli, daha yüksək mədəniyyətin
daşıyıcısına çevrilirik.
Bahadur İMANQULİYEV,
Azərbaycan.-2023.-14
noyabr,№247.-S.14.